15-Jun-2026

କଣ୍ଟାମାଳ(ଜୟ କୁମାର ମହାରଣା):  ଅଭିନଵ ଉପାୟରେ ଏକ ପାଣି ଟ୍ୟାଙ୍କର ଭିତରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ କଣ୍ଟାମାଳ ଥାନା ଟିକିରାପଡା ରାସ୍ତାରେ ସକାଳ ପେଟ୍ରୋଲିଙ୍ଗ ଡିଉଟି ରେ ଥିବା କଣ୍ଟାମାଳ ପୋଲିସ ପଞ୍ଝାରେ ପଡିଥିଲା ଏହି ଗଞ୍ଜେଇ ଭର୍ତ୍ତି ପାଣି ଟ୍ୟାଙ୍କର l  ଏଥିସହ ଗାଡି ଚାଳକ କୁ ପୋଲିସ ଗିରଫ କରିଥିବା ଆଜି ଅପରାହ୍ନ ରେ ବୌଦ୍ଧ ଏସ୍ଡ଼ିପିଓ ଲରେନ ରାଉତରାୟ ଏକ

ପ୍ରେସ ବିବୃତିରେ ପ୍ରକାଶ କରିଛନ୍ତି l  ସୋମବାର କଣ୍ଟାମାଳ ପୋଲିସ କୌଣସି ସୂତ୍ରରୁ ଖବର ପାଇ କଣ୍ଟାମାଳ ଥାନା ଭାରପ୍ରାପ୍ତ ଥାନାଧିକାରୀ ପ୍ରକାଶ ଭୋଇ ଙ୍କ ନେତୃତ୍ୱରେ ଏକ ପୋଲିସ ଟିମ କଣ୍ଟାମାଳ -ତରଭା ରାସ୍ତାରେ ସକାଳ ପେଟ୍ରୋଲିଙ୍ଗ କରୁଥିଲେ l  ପେଟ୍ରୋଲିଙ୍ଗ ସମୟରେ ଟିକିରାପଡା ରାସ୍ତାରୁ ସନ୍ଦେହ ଜନକ ଭାବେ ଟ୍ରାକ୍ଟର ରେ ଯାଉଥିବା ଏକ ପାଣି ଟ୍ୟାଙ୍କର କୁ ଅଟକାଇ ଯାଞ୍ଚ କରିଥିଲେ  l   ଯାଞ୍ଚ ସମୟରେ ପାଣି ଟ୍ୟାଙ୍କର ଭିତରେ ଥିବା ବିପୁଳ ପରିମାଣର ଗଞ୍ଜେଇ ଜବତ୍ କରିଛି କଣ୍ଟାମାଳ ପୁଲିସ l ମାଜିଷ୍ଟ୍ରେଟ ଙ୍କ ଉପସ୍ଥିତ ରେ ଜବତ ଗଞ୍ଜେଇ ଓଜନ କରିବାରୁ ଏହାର ପରିମାଣ ୫କୁଇଣ୍ଟାଲ ୧୦କିଲୋଗ୍ରାମ ହୋଇଥିଲା l ମାମଲାରେ ଟ୍ରାକ୍ଟର ଚାଳକ କଣ୍ଟାମାଳ ଥାନା ଠେଲକୋବେଡା ଗ୍ରାମର ମଣ୍ଟୁ ଓରଫ ସଂଜିତ ମହାନନ୍ଦ (୨୪) କୁ ଗିରଫ କରାଯାଇଥିବା ନେଇ ଆଜି ବୌଦ୍ଧ ଏସ୍ଡ଼ିପିଓ ଲରେନ ରାଉତରାୟ ଏକ ସାମ୍ବାଦିକ ସମ୍ମିଳନୀରେ ପ୍ରେସ ବିବୃତିରେ ପ୍ରକାଶ କରିଛନ୍ତି l ଏନେଇ କଣ୍ଟାମାଳ ଥାନାରେ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବା ସହ ଘଟଣାର ଅଧିକ ତଦନ୍ତ ଜାରି ରହିଥିବା କହିଛନ୍ତି  l ସେହିପରି ଗତ ୨୭ଅକ୍ଟୋବର ୨୦୨୫ ଠାରୁ ବର୍ତମାନ ସୁଦ୍ଧା ଜିଲ୍ଲାରେ ୧୫୦୬୨. ୪୯ହେକ୍ଟର ଜମିରୁ ବେଆଇନ ଗଞ୍ଜେଇ ଗଛ କାଟି

ନଷ୍ଟ କରାଯାଇଥିବାବେଳେ ୪୩୭୬୩. ୯ କେଜି ଗଞ୍ଜେଇ ଜବତ କରାଯାଇଛି l  ଏଥିସହ ସମ୍ପୃକ୍ତ ମୋଟ ୧୦୯ଜଣ ଗଞ୍ଜେଇ ଚାଲାଣକାରୀଙ୍କୁ କୋର୍ଟ ଚାଲାଣ କରାଯାଇଥିବା ଏସ୍ଡ଼ିପିଓ ଶ୍ରୀ ରାଉତରାୟ ପ୍ରକାଶ କରିଛନ୍ତି |  ଗଞ୍ଜେଇ କାରବାର ର ପେଣ୍ଠସ୍ଥଳୀ କୁହାଯାଉଥିବା ବୌଦ୍ଧ ଜିଲ୍ଲା କଣ୍ଟାମାଳ ଅଂଚଳରୁ ବିଭିନ୍ନ ସମୟରେ ଭିନ୍ନ ଭିନ୍ନ ଉପାୟରେ ଗଞ୍ଜେଇ ପଶ୍ଚିମବଙ୍ଗ, ଉତ୍ତରପ୍ରଦେଶ, ମଧ୍ୟପ୍ରଦେଶ ଛତିଶଗଡ଼ ଆଦି ବାହାର ରାଜ୍ୟକୁ ଚୋରା ଚାଲାଣ ହୋଇଥାଏ l କେତେବେଳେ ଯାତ୍ରୀବାହି ବସ ରେ ତ କେତେବେଳେ ପ୍ରେସ ଲେଖା ଗାଡ଼ିରେ, ଆମ୍ବୁଲାନ୍ସ ଗାଡ଼ିରେ ତ କେତେବେଳେ କୋଇଲା ବୋଝେଇ ଗାଡି ଭିତରେ ତ ଆଉ କେତେବେଳେ ପାଣି ଟ୍ୟାଙ୍କର ଭିତରେ ଅଭିନଵ ଉପାୟରେ ଗଞ୍ଜେଇ ଚୋରା ଚାଲାଣ ଜାରି ରହିଛି, ଥମିବାର ନାଁ ନେଉନାହିଁ  l