31-Dec-2022

ବଲାଙ୍ଗୀର ଜିଲ୍ଲା ଅନ୍ତର୍ଗତ ମୁରିବାହାଲ ଥାନା ଅଧୀନସ୍ଥ ବଡସାଇମରା ପଞ୍ଚାୟତ ର ଟେଙ୍ଗରା ଗ୍ରାମରେ ଏକ ଅଭାବନୀୟ ଘଟଣା ସାମ୍ନା କୁ ଆସିଛି ।

ଅଭିଯୋଗ କ୍ରମେ, ନିଜ ସମ୍ପର୍କୀୟ ବିଧବା ଭାଉଜ ଙ୍କ ସହ ନିଜ ସ୍ବାମୀ ଅନୈତିକ ସମ୍ପର୍କ ସ୍ଥାପନ କରିବା ନେଇ ଦେଖି ଦେବା ଯୋଗୁଁ ମହିଳାଙ୍କୁ ହତ୍ୟା ଉଦ୍ୟମ କରିବା ସତ୍ତ୍ୱେ ଅଭିଯୁକ୍ତ ମାନଙ୍କୁ ପୋଲିସ ଗିରଫ ନ କରିବା ଅଭିଯୋଗ ହୋଇଛି। ସୂଚନା ନୂଯାଇ ଟେଙ୍ଗରା ଗ୍ରାମର ବିମଳା କୁମ୍ଭାର (ବ-୩୫) ଙ୍କ ସ୍ଵାମୀ ଜଗଦୀଶ କୁମ୍ଭାର  ଗତ ତା୨୭-୧୧-୨୨ରିଖ ବିଳମ୍ବିତ ରାତି ପ୍ରାୟ ତିନି ଟା ସମୟ ରେ ପରିସ୍ରା କରିବାକୁ ଉଠିଥିବା ବେଳେ ତାଙ୍କ ସ୍ଵାମୀଙ୍କୁ ତାଙ୍କ ଘରେ ରହୁଥିବା ବିଧବା ଭାଉଜ ଙ୍କ ସହ ଅନୈତିକ ସମ୍ପର୍କ ସ୍ଥାପନ କରିବା ଦେଖି ଥିଲେ। ତୁରନ୍ତ ବିମଳା ତାଙ୍କ ଶାଶୁଙ୍କୁ  ଉଠେଇ ନେଇଥିଲେ, ହେଲେ ଓଲଟା ତାଙ୍କ ସ୍ବାମୀ ଜଗଦୀଶ,ଶାଶୁ ପୂର୍ଣ୍ଣମୀ କୁମ୍ଭାର, ଉକ୍ତ ଭାଉଜ ପିଙ୍କି କୁମ୍ଭାର ମିଶି ତୋ ପାଖରେ କଣ ପ୍ରମାଣ ଅଛି କହି ମିଳିତ ଆକ୍ରମଣ କରିଥିବା ବିମଳା ଲିଖିତ ଅଭିଯୋଗ କରିଛନ୍ତି। ଏପରିକି ଉକ୍ତ ତିନି ଜଣ ମିଶି ଏକ ଦୌଡ଼ି ଖଟରେ ଶୁଆଇ ବାନ୍ଧି ଦେଇଥିଲେ। ମୁହଁ ରେ କନା ବାନ୍ଧି ଦେଇ ଥିବା ଯୋଗୁଁ ସେ ପାଟି କରି କାହାକୁ ଡାକି ପାରି ନ ଥିଲେ।

ବିମଳା ଙ୍କୁ ହତ୍ୟା ନ କଲେ ସମାଜ ଲୋକଙ୍କୁ କହିଦେବ ବୋଲି କହି ଜିଅନ୍ତା ପୋଡ଼ି ମାରିଦେବୁ କହି ନିଆଁ ଚେଙ୍କ ଦେବା ଆରମ୍ଭ କରିଥିଲେ। ତାଙ୍କ ଘର ପଛପଟେ ତାଙ୍କୁ ମାରି ପୋତି ଦେବା ପାଇଁ ଉଦ୍ୟମ କରିଥିଲେ। ହେଲେ ସମୟ ଅଭାବ ଯୋଗୁଁ ଓ ସକାଳ ହୋଇ ଯିବ ବୋଲି କେବଳ ଦରପୋଡ଼ା ଅବସ୍ତାରେ ଛାଡ଼ି ଦେଇ ଥିଲେ । କୌଶଳ କ୍ରମେ ବିମଳା ବନ୍ଧା ପୋଢ଼ା ଦୌଡ଼ି ସାହାଯ୍ୟ ରେ ଘରୁ ବାହାରି ଯାଇଥିଲେ। ଏ ନେଇ ତାଙ୍କୁ ମୁରିବାହାଲ ଗୋଷ୍ଟି ସ୍ବାସ୍ଥ୍ୟ କେନ୍ଦ୍ର ରେ କିଛି ବ୍ୟକ୍ତି ନେଇ ଭର୍ତ୍ତି କରିଥଲେ। ଏ ନେଇ ମୁରିବାହାଲ ଥାନା ରେ ମଧ୍ୟ ଅଭିଯୋଗ କରିଥିଲେ । ହେଲେ ଆକ୍ରମଣ ସହ ହତ୍ୟା ଉଦ୍ୟମ କରିବା ନେଇ ଉକ୍ତ ତିନି ଅଭିଯୁକ୍ତ ଙ୍କୁ  ପୋଲିସ ଗିରଫ ନ କରିବା ନେଇ ବିମଳା ବିଭିନ୍ନ ଉଚ୍ଚ ଅଧିକାରୀ ଙ୍କ ସହ ପୋଲିସ ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଙ୍କୁ ଲିଖିତ ଅଭିଯୋଗ ସହ ନ୍ୟାୟ ପ୍ରଦାନ ପାଇଁ ଡାକ ଯୋଗେ ପତ୍ର ପ୍ରେରଣ କରିଥିବା ଜଣାଇଛନ୍ତି।ଏ ନେଇ କଣ୍ଟାବାଞ୍ଜି ଅତିରିକ୍ତ ଆରକ୍ଷୀ ଅଧିକାରୀ ଘଟଣା ର ତଦନ୍ତ ଆରମ୍ଭ କରିଥିବା ଜଣାପଡ଼ିଛି।

(ସନ୍ତୋଷ କୁମାର ନାଏକ ଙ୍କ ରିପୋର୍ଟ)