25-Apr-2022

ଭୁବନେଶ୍ୱର(ପ୍ରେରଣା ଖବର) : ନିଜ  ନିଜ  ସହରକୁ ଶ୍ରେଷ୍ଠ କରିବା  ପାଇଁ ନେତୃତ୍ୱ ନେଇ  ନିଷ୍ଠାର ସହ  କାମ  କର l ଲୋକଙ୍କ ସାଥିରେ ରୁହ  ସେମାନଙ୍କ ସମସ୍ୟା  ସମାଧାନ  ପାଇଁ  ନିଷ୍ଠାର ସହ  କାମ  କର l ଆଜି ଲୋକସେବା  ଭବନରେ ନବନିର୍ବାଚିତ  ମେୟର ଓ ପୌରାଧକ୍ଷ  ମାନଙ୍କ ପାଇଁ ଆୟୋଜିତ ପୌର ଶାସନ  ପ୍ରଣାଳୀ ଓ ଉନ୍ନୟନ ପଦ୍ଧତି  ଶୀର୍ଷକ କର୍ମଶାଳାକୁ ଉଦଘାଟନ କରି  ମୁଖ୍ୟମନ୍ତ୍ରୀ ନବୀନ ପଟନାୟକ ଏହି ପରାମର୍ଶ  ଦେଇଛନ୍ତି l

ସହରାଞ୍ଚଳର ଉନ୍ନତି  ପାଇଁ ରାଜ୍ୟ ସରକାରଙ୍କ ବିଭିନ୍ନ କାର୍ଯ୍ୟକ୍ରମ ଆଜି ଜାତୀୟ ଓ ଅନ୍ତର୍ଜାତୀୟ ସ୍ୱୀକୃତି ହାସଲ କରିଛି ବୋଲି ସୂଚନା  ଦେଇ  ମୁଖ୍ୟମନ୍ତ୍ରୀ କହିଥିଲେ  ଯେ ଜାଗା ମିଶନ  ବିକାଶମୁଖି  ଦେଶ  ମାନଙ୍କ ପାଇଁ ଏକ ମଡେଲ  ହୋଇଛି l ସେହିପରି  ଟ୍ୟାପ ରୁ ବିଶୁଦ୍ଧ ପିଇବା ପାଣି ଯୋଗାଣ ସୁଜଳ  କାର୍ଯ୍ୟକ୍ରମ କାର୍ଯ୍ୟକାରୀ କରିବାରେ  ଓଡିଶା ସାରା ଦେଶରେ ଏକମାତ୍ର ରାଜ୍ୟ ବୋଲି ମୁଖ୍ୟମନ୍ତ୍ରୀ କହିଥିଲେ l

ଜାଗା ମିଶନ, ସୁଜଳ,ପରିମଳ ଓ ବର୍ଜ୍ୟବସ୍ତୁ ପରିଚାଳନା  ମୁକ୍ତା ଯୋଜନା, ଆହାର ଏବଂ ସ୍ମାର୍ଟ LED Light  ଆଦି ସରକାରଙ୍କ flagship ପ୍ରୋଗ୍ରାମ  ଉପରେ  ମୁଖ୍ୟମନ୍ତ୍ରୀ ତାଙ୍କ ଭାଷଣରେ  ଫୋକସ  କରିଥିଲେ l

ମୁଖ୍ୟମନ୍ତ୍ରୀ କହିଥିଲେ  ଯେ ବସ୍ତି ବିକାଶ ସମୟରେ  ରାଜ୍ୟ ସରକାର ଜମି  ଅପେକ୍ଷା ଲୋକଙ୍କୁ ଅଧିକ  ଗୁରୁତ୍ୱ ଦେଇ ଜାଗା ମିଶନ ଆରମ୍ଭ  କରିଛନ୍ତି l ଏ ପର୍ଯ୍ୟନ୍ତ ଏକ ଲକ୍ଷ  ପଚସ୍ତରୀ ହଜ଼ାର ପରିବାରକୁ ଭୂମି ଅଧିକାର  ଦିଆଯାଇଥିବାବେଳ ୫୮୫ ବସ୍ତିକୁ ଆଦର୍ଶ  ବସ୍ତି ରେ ପରିଣତ  କରାଯାଇଛି  ବୋଲି ମୁଖ୍ୟମନ୍ତ୍ରୀ ସୂଚନା  ଦେଇ ଥିଲେ  l ସେହିପରି
ସୁଜଳ  କାର୍ଯ୍ୟକ୍ରମରେ ପୁରୀରେ ଟ୍ୟାପରୁ ବିଶୁଦ୍ଧ ପିଇବା ପାଣି ମିଳୁଥିବା ବେଳ ରାଜ୍ୟର କୋଡିଏ ଟି ସହରରେ  ଏଥିପାଇଁ କାମ  ଚାଲିଛି  ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଥିଲେ l

ସେହିପରି  କୋଭିଡ ସମୟରେ  ସହରର  ଗରିବ ଲୋକ ଓ migrant labourer ମାନଙ୍କ ପାଇଁ ଆରମ୍ଭ  ହୋଇ ଥିବା  ମୁକ୍ତା ଯୋଜନା ଜାରି ରହିବ ଓ  ଏଥିପାଇଁ ବଜେଟରେ   ୫୦୦କୋଟି ଟଙ୍କାର ବ୍ୟୟ ବରାଦ  କରାଯାଇଛି ବୋଲି ମୁଖ୍ୟମନ୍ତ୍ରୀ କହିଥିଲେ . ମିଶନ  ଶକ୍ତି ଓ slum development association ଜରିଆରେ   ଚାଲିଥିବା ଏହି କାର୍ଯ୍ୟକ୍ରମ ବେଶ ଲୋକପ୍ରିୟ ବୋଲି ମୁଖ୍ୟମନ୍ତ୍ରୀ
କହି ଥିଲେ l ପରିମଳ  ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ମତ  ଦେଇ ସ୍ୱଚ୍ଛତା ଓ ବର୍ଜ୍ୟ ବସ୍ତୁ ପରିଚାଳନା  ଉପରେ  ଅଧିକ  ଗୁରୁତ୍ୱ ଦେଇ  କାମ  କରିବାକୁ  ମୁଖ୍ୟମନ୍ତ୍ରୀ ପରାମର୍ଶ  ଦେଇଥିଲେ l ଚଳିତ  ପୌର  ନିର୍ବାଚନ ରେ ମା ମାନେ bahu ସଂଖ୍ୟା ରେ ଭାଗ ନେଇ ବିଜୟୀ ହୋଇଥିବାରୁ  ମୁଖ୍ୟମନ୍ତ୍ରୀ ଆନନ୍ଦ ପ୍ରକାଶ କରିବା  ସହ  ସେମାନଙ୍କୁ ବିଶେଷଅଭିନନ୍ଦନ  ଜଣାଇଥିଲେ  ଓ ଭଲ  କାମ  କରି  ଲୋକଙ୍କ ଆସ୍ଥା ଜାରି ରଖିବାକୁ  ପରାମର୍ଶ  ଦେଇଥିଲେ lସହରାଞ୍ଚଳ  ବିକାଶରେ  ଆସିଥିବା  ରୂପାନ୍ତର ରେ 5T principle ର ଗୁରୁତ୍ୱ ପୂର୍ଣ୍ଣ ଭୂମିକା ଥିବାରୁ ପ୍ରତ୍ୟେକ ସ୍ତରରେ 5T principle କୁ ନିଷ୍ଠାର ସହ  କାର୍ଯ୍ୟକାରୀ କରି ଲୋକଙ୍କୁ ଉତ୍ତମ ସେବା ଯୋଗାଇ  ଦେବା ପାଇଁ ମୁଖ୍ୟମନ୍ତ୍ରୀ ପରାମର୍ଶ  ଦେଇଥିଲେ l

 ନୂଆ ନେତୃତ୍ୱ ଓ ନୂଆ ପରିଚାଳନା  କୌଶଳ  ପୌର  ସେବାକୁ  ନୂତନ  ଶିଖରରେ  ପହଞ୍ଚାଇବାରେ  ସଫଳ  ହେବ  ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଥିଲେ l

କର୍ମଶାଳାରେ  ଉଦବୋଧନ ଦେଇ  ନଗର ଉନ୍ନୟନ ପଞ୍ଚାୟତି ରାଜ ଓ ଆଇନ  ମନ୍ତ୍ରୀ ପ୍ରତାପ ଜେନା ରାଜ୍ୟ ସରକାରଙ୍କ ବିଭିନ୍ନ ସହରାଞ୍ଚଳ  ବିକାଶ କାର୍ଯ୍ୟକ୍ରମକୁ ସଫଳ  ଭାବରେ କାର୍ଯ୍ୟକାରି କରିବା ଦିଗରେ  ନିଷ୍ଠାପର  ଉଦ୍ୟମ ଜାରି ରଖିବା  ପାଇଁ ପରାମର୍ଶ  ଦେଇଥିଲେ l

ଏହି କାର୍ଯ୍ୟକ୍ରମରେ ମୁଖ୍ୟଶାସନ  ସଚିବ  ଶ୍ରୀ ସୁରେଶ ଚନ୍ଦ୍ର  ମହାପାତ୍ର , ନଗର ଉନ୍ନୟନ ବିଭାଗର ପ୍ରମୁଖ  ସଚିବଜି ମାଥି ଭାତ ନାନ  ଓ ପୌର  ନିର୍ଦେଶକ ସଂଗ୍ରାମଜୀତ ନାୟକ  ପ୍ରମୁଖ ଯୋଗ ଦେଇଥିଲେ