16-Aug-2026

ବଲାଙ୍ଗିର(ପ୍ରେରଣା ଖବର) ରେଳ ଉପଭୋକ୍ତ ସଂଘ ଓ ରେଳବାଇ ପ୍ରଶାସନ ର ମିଳିତ ଉଦ୍ୟମରେ ଏକ ବୃକ୍ଷରୋପଣ କାର୍ଯ୍ୟକ୍ରମ ସଂଘର ସଭାପତି ପ୍ରଫେସର ତରୁଣ କୁମାର ମିଶ୍ର ଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ରେଳ ଷ୍ଟେସନର ପ୍ରବେଶ ପଥ ର ଉଭୟ ପାଶ୍ୱର୍ରେ ଗୁଆ ଗଛ ଓ ଗୋଟିଏ ପାଶ୍ୱର୍ରେ କରଞ୍ଜ ଓ ନିମ୍ବ ଗଛ ଗୁଡିକ ରୋପଣ କରାଯାଇଥିଲା । ଭବିଷ୍ୟତରେ ଯାତ୍ରୀମାନେ କିପରି ଛାଇ ଟିକିଏ ପାଇପାରିବେ ଓ ଆଗାମୀ ପିଢୀ ଷ୍ଟେସନର ସୌନ୍ଦର୍ଯିକରଣ ପାଇଁ ସଚେତନ ରହିବା ଉଚିତ ବୋଲି ଶ୍ରୀ ମିଶ୍ର କହିଥିଲେ ।

ତତ୍ ସହ ଷ୍ଟେସନର ସମ୍ଭୁଖ ଭାଗରେ ୧୦ଟି ଗୁଆ ଗଛ ଓ ପ୍ରସ୍ତାନ ହେବା ପଛରେ ଅନେକ ବୃକ୍ଷରୋପଣ କରାଯାଇଥିବା । ରେଳବାଇ ପ୍ରଶାସନ ତରଫରୁ ଇଂ. ମନୋଜ କୁମାର ଓଝା, ବ୍ୟବସାୟିକ ନିରୀକ୍ଷକ ନବୀନ ଦାଶ, ଆରପିଏଫ୍ ତରଫରୁ ଅଫିସର କୁନା ବାରିକ, ହିରାଲାଲ ସିଂ, ଦୁଷ୍ମନ୍ତ ମାଝି, ସଂଘ ତରଫରୁ ସଂପାଦକ ବିମଲ ଚକ୍ରବର୍ତ୍ତି, ମୋତିଲାଲ ସାହୁ, ଗୋପବନ୍ଧୁ ପୁରୋହିତ, ଦିବାକର ହୋତା, ପର୍ଶୁରାମ ନାୟକ, ହରେକୃଷ୍ଣ ତ୍ରିପାଠି, ସୁରେଶ ଅଗ୍ରୱାଲ ଙ୍କ ସହ  ଶିବ ଗୌଡ, ରାଜୁ ପ୍ରଧାନ, ସୀତାକାନ୍ତ ପରୁଆ ପ୍ରମୁଖ ଉପସ୍ଥିତ ରହି ବୃକ୍ଷ ରୋପଣ ରେ ସହଯୋଗ କରିଥିଲେ ।