25-Apr-2022

ବଲାଙ୍ଗୀର// ବଲାଙ୍ଗୀର ଭୀମ ଭୋଇ ମେଡିକାଲ କଲେଜରେ ମେଡିକାଲ ଛାତ୍ରଙ୍କ ଆତ୍ମହତ୍ୟା ଘଟଣା ରହସ୍ୟଜନକ ରହିଛି । ମୃତ ଛାତ୍ରର ବାପା ମାଁ ସିଧାସଳଖ କଲେଜ କର୍ତ୍ତୃପକ୍ଷଙ୍କୁ ଦାୟୀ କରିଥିବା ବେଳେ ରେଗିଂ ର ଶିକାର ହୋଇ ପିଲା ର ଜୀବନ ଯାଇଛି ବୋଲି କୁହାଯାଇଛି । ଏପରି ଏକ ଦୁଃଖଦ ଘଟଣାକୁ ବଲାଙ୍ଗୀର ନାଗରିକ କମିଟି ଦୃଢ଼ ନିନ୍ଦା କରିଛି । ଏହା ପୁର୍ବରୁ ମଧ୍ୟ ଆଉ ଜଣେ ମେଡିକାଲ ଛାତ୍ରୀଙ୍କ ଏପରି ରହସ୍ୟଜନକ ଭାବରେ ମୃତ୍ୟୁ ହୋଇଥିବା ବେଳେ ବଲାଙ୍ଗୀର ମେଡିକାଲ କଲେଜରେ ଛାତ୍ରଛାତ୍ରୀଙ୍କ ସୁରକ୍ଷା ଉପରେ ସ୍ୱତଃ ଏକ ପ୍ରଶ୍ନବାଚୀ ସୃଷ୍ଟି ହୋଇଛି ବୋଲି ବଲାଙ୍ଗୀର ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁ କହିଛନ୍ତି ।  ଏହି ଘଟଣାର ଉଚ୍ଚସ୍ତରୀୟ ତଦନ୍ତ କରାଯାଇ ପ୍ରକୃତ ସତ୍ୟ ଲୋକଲୋଚନକୁ ଅଣାଯାଉ l ଏଥିସହ ଭବିଷ୍ୟତରେ ଯେପରି ଏପରି ଘଟଣାର ପୁନଃରାବୃତ୍ତି ନ ଘଟିବ ସେଥିପାଇଁ କଲେଜ କର୍ତ୍ତୃପକ୍ଷ ତୀକ୍ଷ୍ଣ ଦୃଷ୍ଟି ଦେବାକୁ ବଲାଙ୍ଗୀର ନାଗରିକ କିମିଟି ନିବେଦନ କରିଛି ।