16-Aug-2026

ବଲାଙ୍ଗୀର(ପ୍ରେରଣା ଖବର): ଆଜି ବଲାଙ୍ଗୀରସ୍ଥ
କଦମପଡା ସରସ୍ବତୀ ଶିଶୁ‌ ବିଦ୍ୟା ଜ୍ଞାନ‌ ମନ୍ଦିରରେ ସଂକୁଳ ସ୍ତରୀୟ ଜ୍ଞାନ ବିଜ୍ଞାନ ମେଳା ସଂପାଦକ ତରଣୀସେନ ପଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । 
ଏଥିରେ ମୋଟ ସାତଟି ବିଦ୍ୟାଳୟର ୨୫୫ଜଣ ଛାତ୍ରଛାତ୍ରୀ
 

ଭାଗ ନେଇଥିଲେ । ଉଦଘାଟନୀ ଉତ୍ସବରେ ମୁଖ୍ୟ ଅତିଥି ରୂପେ ରାମଗୋପାଳ ହିନ୍ଦି ହାଇସ୍କୁଲର ପ୍ରଧାନ  ଶିକ୍ଷକ ନବଘନ ସାହୁ  ତଥା ଉଦଯାପନୀ ଉତ୍ସବରେ ଅବସରପ୍ରାପ୍ତ ଶିକ୍ଷକ ଶିବ ପ୍ରସାଦ ତ୍ରିପାଠୀ ଯୋଗ ଦେଇଥିଲେ । ମଞ୍ଚାସୀନ ଅତିଥିଙ୍କ ପରିଚୟ ପ୍ରଧାନାଚାର୍ଯ୍ୟ ସନାତନ ମିଶ୍ର କରିଥିବା ବେଳେ ସଙ୍କୁଳ ପ୍ରମୁଖ ଅନ୍ତର୍ଯ୍ୟାମୀ ବିଶ୍ବାଳ ଉଦ୍ଦେଶ୍ୟ ଜ୍ଞାପନ କରିଥିଲେ ।  ସଂଯୋଜନା ଗୁରୁମା ଭାରତୀ ସାହୁ କରିଥିଲେ । ଵିଚାରକ ରୂପେ ୨୯ ସରକାରୀ ବିଜ୍ଞାନ ଶିକ୍ଷକ ଓ ଯୋଗ ଦେଇ‌ ପ୍ରତ୍ୟେକ ପ୍ରକଳ୍ପର ମୂଲ୍ୟାୟନ  କରିଥିଲେ । ବିଜ୍ଞାନ ପ୍ରଶ୍ନମଞ୍ଚ କିଶୋର ବିଭାଗରେ ଦ୍ୟୁମନ ପତି,ସୁମିତ ମେହେର ,ସ୍ବୟଂପ୍ରକାଶ ସାହୁ, ପତ୍ର ବାଚନରେ ସ୍ବୀକୃତିରାଣୀ

କର୍ମୀ,ସ୍ମୃତିରାଣୀ ମେହେର ଓ ପ୍ରତ୍ୟାଶା‌ ବେଦବାକ, କଥା କଥନରେ ପ୍ରିୟାଂଶି ଷଡଙ୍ଗୀ, ମୂର୍ତ୍ତିକଳାରେ ଓମପ୍ରକାଶ ବାଗ୍ ଓ ଓମ ପ୍ରକାଶ ପୁଟେଲ ଆଦି ପ୍ରମୁଖ ପ୍ରତିଯୋଗିତାରେ ବିଜେତା ହୋଇଥିଲେ । ମଞ୍ଚାସୀନ ଅନ୍ୟତମ ଅତିଥି ରୂପେ ଉପ ସଭାପତି ରବିନ୍ଦ୍ର କୁମାର ପଣ୍ଡା ଉପସ୍ଥିତ ଥିଲେ । ସଂପାଦକ ମହୋଦୟ ମଧ୍ୟ ନିଜ ବକ୍ତବ୍ୟ ରଖିଥିବା  ସହ ଶେଷରେ ବିଦ୍ୟାଳୟର ସଭାପତି ଡ. ଭବାନୀ ଶଙ୍କର ପଟେଲ ସମସ୍ତଙ୍କୁ ଧନ୍ୟବାଦ ଦେଇଥିଲେ । ଏହିପରି ଭାବରେ ସମ୍ଭାଗ ଜୀବ ବିଜ୍ଞାନ ପ୍ରମୁଖ ସରୋଜ କୁମାର ମିଶ୍ରଙ୍କ ସଞ୍ଚାଳନରେ କାର୍ଯ୍ୟକ୍ରମଟି ସଫଳତା ସହ ସଂପୂର୍ଣ୍ଣ ହୋଇଥିଲା ।