16-Aug-2026

ବିନିକା(ହିମାଂଶୁ ଶେଖର ପୁଟେଲ) ରାଷ୍ଟ୍ରୀୟ ହିନ୍ଦୁ ମହାସଂଘ ନୂଆଦିଲ୍ଲୀ ଓ ବିଶ୍ୱ ଭାରତ ସଂଗଠନ ଚିରୁପଲ୍ଲୀ ତରଫରୁ ପବିତ୍ର ସ୍ୱାଧୀନତା ଦିବସ ଦିନ ଆନ୍ଧ୍ରପ୍ରଦେଶର ଚିପରୂପଲ୍ଲୀ ଏଜକେ କନଭେନସନ ହଲ ଠାରେ  "ବନ୍ଦେ ବିଶ୍ୱ ଭାରତ ବୀର ପୁରସ୍କାର ୨୦୨୬" ସମ୍ବର୍ଦ୍ଧନା ସମାରୋହ ଉତ୍ସାହ ଉଦ୍ଧୀପନା ମଧ୍ୟରେ ଅନୁଷ୍ଟିତ ହୋଇଥିଲା।ଏହି ଅବସରରେ ଭାରତବର୍ଷର ବିଭିନ୍ନ କ୍ଷେତ୍ରରେ କୃତି ଅର୍ଜନ କରିଥିବା ବ୍ୟକ୍ତି ବିଶେଷଙ୍କୁ ଅତିଥି ଭାବେ ଆମନ୍ତ୍ରିତ ହୋଇଥିଲେ। ଏଥିରେ ଓଡ଼ିଶା ପ୍ରଦେଶ ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅଧିନସ୍ଥ ସେଲେଡି ଗ୍ରାମର ବରିଷ୍ଠ କଳାକାର କଣ୍ଠଶିଳ୍ପୀ ତଥା ସଂଗୀତ ନିର୍ଦେଶକ ଶାଶ୍ୱତ କୁମାର ତ୍ରିପାଠୀଙ୍କୁ ସମ୍ମର୍ଦ୍ଧିତ  କରାଯାଇଛି।ସୂଚନା ଯୋଗ୍ୟ ଯେ ଶ୍ରୀ ତ୍ରିପାଠୀ ଦୁଇ ହଜାରରୁ ଉର୍ଦ୍ଧ ମଞ୍ଚରେ ନିଜର କଳା ପରିବେଶଣ କରି ରାଜ୍ୟ ତଥା  ରାଷ୍ଟ୍ରକୁ ଗୌରବାନ୍ୱିତ କରିଛନ୍ତି । ବିଶିଷ୍ଠ ସମାଜସେବୀ ବଲିଭଦ ରମେଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯକ୍ରମରେ ପୂର୍ବତନ ବିଧାୟକ,ସାଂସଦମାନେ ମଧ୍ୟ ସମ୍ମାନୀତ ଅତୀଥି ଭାବେ ଯୋଗଦାନ କରିଥିଲେ।ଭାରର ସମସ୍ତ ରାଜ୍ୟରୁ କୃତି ବ୍ୟକ୍ତିତ୍ୱ ସବୁ ଆସି ଏଥିରେ ଯୋଗଦାନ କରିଥିଲେ ।ବିଶେଷ କରି ରାଷ୍ଟ୍ରପାଇଁ ଯେଉଁ ସେନାମାନେ ସହିଦ ହୋଇଛନ୍ତି ତାଙ୍କର ପରିବାର କିମ୍ବା ଯେଉଁମାନେ ସେନାରୁ ଅବସର ନେଇଛନ୍ତି ସେମାନଙ୍କୁ ମଧ୍ୟ ଏଠାରେ ସମ୍ମାନୀତ କରାଯାଇଥିଲା।  ଶାଶ୍ୱତ ତ୍ରିପାଠୀ ନିଜ ଗୀତ ମାଧ୍ୟମରେ ସମସ୍ତଙ୍କୁ ବାନ୍ଧି ରଖିବାରେ ସଫଳ ହୋଇଥିଲେ ।ଶାଶ୍ୱତ ତ୍ରିପାଠୀ ସମ୍ବର୍ଦ୍ଧିତ ହେବା ଖବର ପ୍ରଚାରିତ ତାଙ୍କ ଶୁଭେଚ୍ଛୁ ମହଲ,କଳା ପ୍ରେମୀ ତଥା ଅଞ୍ଚଳର ଜନସାଧାରଣରେ ଖୁସିର ଲହରୀ ଖେଳିଯାଇଛି।