13-Mar-2022

ଇଲାଙ୍ଗିର(ପ୍ରେରଣା ଖବର)- ବଲାଙ୍ଗିର ନେହେରୁ ଯୁବକେନ୍ଦ୍ର  ତଥା ସଦାଇପାଲି ରାମଜୀ ଯୁବକସଂଘର ମିଳିତ ଆନୁକୂଲ୍ୟରେ ଜିଲ୍ଲାସ୍ତରୀୟ ଯୁବା ପଡୋଶ ସାଂସଦ କାର୍ଯ୍ୟକ୍ରମ ସ୍ଥାନୀୟ ସାଇଟ କଲେଜ ପରିସର ରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଡି.ଆର.ଡି.ଏ ର ଜିଲ୍ଲା ସଂଯୋଜକ(ଦକ୍ଷତା)ମୁକେଶ ସିଂ, ଜିଲ୍ଲା ଶିଲ୍ପ କେନ୍ଦ୍ରର ଆଇ.ପି.ଓ ପ୍ରଭାସ ଅମାନ୍ତ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଲକ୍ଷ୍ମୀ ସିଂ, ଶିଶୁ ସୁରକ୍ଷା ଅଧିକାରୀ ଚୁଡାମଣୀ ପଣ୍ଡା ଓ ଟ୍ରେନର ଅଭିତ୍ରାଣ ପାଢୀ ପ୍ରଶିକ୍ଷକ ଭାବରେ ଯୋଗଦାନ କରିନିଜ ନିଜ ବିଭାଗର ଜନହିତକର କାର୍ଯ୍ୟ ବିଷୟରେ ବୁଝାଇ ଥିଲେ । ଏହି କାର୍ଯ୍ୟକ୍ରମରେ ରାମଜୀ ଯୁବକ ସଂଘ ର ପରିଷ୍ଠାତା ସମାଜସେବୀ ଡ. ଶ୍ରୀକର ମିଶ୍ର

ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥିଭାବରେ ଅତିରିକ୍ତ ଜିଲ୍ଲାପାଳ ମହେନ୍ଦ୍ର କୁମାର ମାହାପାତ୍ର ଯୋଗଦାନ କରି ଉପସ୍ଥିତ ଥିବା ପ୍ରାୟ ୮୦୦ ଜଣ ଯୁବକ ଯୁବତୀ ଙ୍କୁ ରାଷ୍ଟ୍ରଗଠନରେ ସହଭାଗୀ ହେବା ପାଇଁ ଉତ୍ସାହିତ କରିଥିଲେ । ଜିଲ୍ଲା ଯୁବ ଅଧିକାରୀ ଏ.ଭି. ନରସିଂମା କୁମାର ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଡା. ପ୍ରମୋଦ କୁମାର ମିଶ୍ର, ଡା. ସିଦ୍ଧେଶ୍ୱର ମିଶ୍ର, ଇଂ. ନମିତା ପଟେଲ, ସ୍ନିଗଧାମିନତୀ ଦାନୀ, ଅଶୋକ କୁମାର ପଧାନ, ବୁଲୁ ମିଶ୍ର ଓ ବୃନ୍ଦାବନ ମହାକୁର ଆଦି ଙ୍କ ସହଯୋଗ କ୍ରମେ ଯୁବା ପଡୋଶ କାର୍ଯ୍ୟକ୍ରମ ଅତି ସୁନ୍ଦର ଭାବରେ ସଂପନ୍ନ ହୋଇଥିଲା । ଏହି କାର୍ଯ୍ୟକ୍ରମରେ ସାଇଟ କଲେଜ ର ଛାତ୍ରୀ ମାନଙ୍କ ଦ୍ୱାରା ସାଂକୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଶେଷରେ ସମସ୍ତେ ଜାତୀୟ ସଂଗୀତ ଗାନ କରିଥିଲେ ।