05-Sep-2026

​ସୋନପୁର (ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲାର ସ୍ୱାସ୍ଥ୍ୟସେବା କ୍ଷେତ୍ରରେ ଏକ ଐତିହାସିକ ତଥା ଯୁଗାନ୍ତକାରୀ ପଦକ୍ଷେପ ଗ୍ରହଣ କରିଛନ୍ତି ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀଙ୍କ ନେତୃତ୍ୱାଧୀନ ରାଜ୍ୟ ସରକାର। ଜିଲ୍ଲାର ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିବା ଏବଂ ସାଧାରଣ ଲୋକଙ୍କୁ ଉତ୍ତମ ଚିକିତ୍ସା ସୁବିଧା ଯୋଗାଇଦେବା ଲକ୍ଷ୍ୟରେ ରାଜ୍ୟ ସରକାରଙ୍କ ତରଫରୁ ସୁବର୍ଣ୍ଣପୁର ଜିଲ୍ଲାର ବିଭିନ୍ନ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର (PHC), ଗୋଷ୍ଠୀ/ଉନ୍ନୀତ ସ୍ୱାସ୍ଥ୍ୟକେନ୍ଦ୍ର (CHC) ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟ (DHH) ପାଇଁ ଏକକାଳୀନ ୨୨ ଜଣ ନୂତନ ଡାକ୍ତରଙ୍କୁ ନିଯୁକ୍ତି (ପୋଷ୍ଟିଂ) ପ୍ରଦାନ କରାଯାଇଛି।
​ଜିଲ୍ଲାରେ ଦୀର୍ଘ ଦିନ ଧରି ଡାକ୍ତର ପଦବୀ ଖାଲି ପଡ଼ି ରହିଥିବାରୁ ସାଧାରଣ ଲୋକେ ଉଚିତ ସ୍ୱାସ୍ଥ୍ୟସେବାରୁ ବଞ୍ଚିତ ହେଉଥିଲେ। ଏହି ସମସ୍ୟାର ସ୍ଥାୟୀ ସମାଧାନ ନିମନ୍ତେ ଆମ ତରଫରୁ ପୂର୍ବରୁ ବାରମ୍ବାର ଓଡ଼ିଶାର ମାନ୍ୟବର ସ୍ୱାସ୍ଥ୍ୟମନ୍ତ୍ରୀଙ୍କୁ ସାକ୍ଷାତ କରି ବିସ୍ତୃତ ଦାବିପତ୍ର ଉପସ୍ଥାପନ କରାଯାଇଥିଲା। ଏହି ଜନହିତକର ପ୍ରୟାସରେ ଆମର ପ୍ରିୟ ତଥା ଲୋକପ୍ରିୟ ବିଧାୟକ  ଶ୍ରୀଯୁକ୍ତ ରଘୁନାଥ ଜଗଦଲା ସର୍ବଦା ଅଗ୍ରଣୀ ଭୂମିକା ନେଇଥିଲେ। ସେ ସରକାରୀ ସ୍ତରରେ ଜିଲ୍ଲାବାସୀଙ୍କ ଏହି ପ୍ରମୁଖ ଦାବିକୁ ବାରମ୍ବାର ଦୃଢ଼ତାର ସହ ଉପସ୍ଥାପନ କରିବା ସହ ନିରନ୍ତର ଉଦ୍ୟମ ଜାରି ରଖିଥିଲେ।
ସୁବର୍ଣ୍ଣପୁର ପ୍ରାକ୍ତନ ଜିଲ୍ଲାପାଳ ଡ଼ ନୃପ ରାଜ ସାହୁ ମଧ୍ୟ ଭିଡିଓ କନଫରେନ୍ସ ରେ ବାରମ୍ବାର ମୁଖ୍ୟ ଶାସନ ​ସଚିବ ଙ୍କୁ ଜିଲ୍ଲା ରେ ଏ ଡାକ୍ତର ନିଯୁକ୍ତି ପାଇଁ ଅବଗତ କରିଥିବା ବିଷୟ ଡ଼ ସାହୁ ଆଜି ଫୋନ୍ ଯୋଗେ ମିଡିଆ ଙ୍କୁ ପ୍ରକାଶ କରିଛନ୍ତି l ଆଜି ଏହି ଦୀର୍ଘଦିନର ଦାବି ପୂରଣ ହୋଇଥିବାରୁ ଏବଂ ଜିଲ୍ଲାକୁ ୨୨ ଜଣ ଡାକ୍ତର ମିଳିଥିବାରୁ 
​ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ମୋହନ ଚରଣ ମାଝୀ,
​ମାନ୍ୟବର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ,
​ବିଧାୟକ ଶ୍ରୀଯୁକ୍ତ ରଘୁନାଥ ଜଗଦଳା ଓ ପ୍ରାକ୍ତନ ଜିଲ୍ଲାପାଳ ଡ଼ ନୃପ ରାଜ ସାହୁ ଙ୍କୁ ସହର ତଥା ଜିଲ୍ଲାବାସୀ ଙ୍କ ତରଫ ରୁ ଅଶେଷ ଅଶେଷ ଧନ୍ୟବାଦ ଓ ହାର୍ଦ୍ଦିକ କୃତଜ୍ଞତା ଜ୍ଞାପନ କରା ଯାଇଛି l 
​ଏହି ନୂତନ ଡାକ୍ତରମାନଙ୍କ ଯୋଗଦାନ ଫଳରେ ଜିଲ୍ଲାର ପ୍ରାନ୍ତୀୟ ଅଞ୍ଚଳରେ ଥିବା ଗରିବ, ଖଟିଖିଆ ଓ ସାଧାରଣ ଜନତାଙ୍କୁ ଉନ୍ନତମାନର ସ୍ୱାସ୍ଥ୍ୟସେବା ମିଳିପାରିବ ଏବଂ ଜିଲ୍ଲାବାସୀଙ୍କୁ ଆଉ ଚିକିତ୍ସା ପାଇଁ ବାହାରକୁ ଯିବାକୁ ପଡ଼ିବ ନାହିଁ। ଜନସାଧାରଣଙ୍କ ମୌଳିକ ସମସ୍ୟା ପ୍ରତି ସମ୍ବେଦନଶୀଳ ରହି ତ୍ୱରିତ ପଦକ୍ଷେପ ନେଇଥିବାରୁ ଡବଲ ଇଞ୍ଜିନ ସରକାରଙ୍କ ଏହି ନିଷ୍ପତ୍ତି ଜିଲ୍ଲା ଇତିହାସରେ ଏକ ସ୍ମରଣୀୟ ପଦକ୍ଷେପ ଭାବେ ଗଣାଯିବ ବୋଲି ବିଜେପି ର ବରିଷ୍ଠ ନେତା ତଥା ଆଇନ୍ ଜୀବୀ ବଳଦେବ ବେଦବାକ ପ୍ରକାଶ କରିଥିବା ବେଳେ ଆଇନ ଜୀବୀ ପ୍ରଦୀପ ପୁରୋହିତ ଓ ସହର ର ବୁଦ୍ଧିଜୀବି ଏ ପଦକ୍ଷେପ କୁ ପ୍ରଶଂଶା କରିଛନ୍ତି l