05-Sep-2026

ବିନିକା(ହିଂମାଶୁ ଶେଖର ପୁଟେଲ)ସ୍ୱତନ୍ତ୍ର ଶିକ୍ଷାଦାନ ଶୈଳୀ ଓ ଶିକ୍ଷା ପ୍ରତି ସମ୍ପର୍ପଣ ଭାବନା ଏବଂ ବିଭିନ୍ନ ସାମାଜିକ କାର୍ଯ୍ୟକ୍ରମରେ ସକ୍ରିୟ ଭାଗନେଇ ନିଜର ପରିଚୟ ସୃଷ୍ଟି କରିଥିବା ଶିକ୍ଷକ ଦେବଦତ୍ତ ପଣ୍ଡା ପବିତ୍ର ଗୁରୁଦିବସରେ ଅମୃତ ଶିକ୍ଷାସେବା ସମ୍ମାନରେ ସମ୍ମାନୀତ ହୋଇଥିବାରୁ ଶିକ୍ଷା ପ୍ରେମୀ ତଥା ଛାତ୍ରଛାତ୍ରୀ ମହଲରେ ଖୁସିର ଲହରୀ ଖେଳିଯାଇଛି।ଖବରରୁ ଜଣାପଡ଼ିଛି ଯେ ବିନିକାର ଅଗ୍ରଣୀ ଶିକ୍ଷା ଅନୁଷ୍ଠାନ ସେଣ୍ଟସ୍ ଭେଲି ଉଚ୍ଚ ବିଦ୍ୟାଳୟରେ କାର୍ଯ୍ୟରତ ସିନ୍ଦୁରପୁର ନିବାସୀ ଶିକ୍ଷକ ଦେବଦତ୍ତ ପଣ୍ଡାଙ୍କୁ ଆଜି ଭେଡେନ ସ୍ଥିତ ସାମାଜିକ ସଂଗଠନ ଅମୃତ୍ କୁଟୁମର ଷଷ୍ଠ ବାର୍ଷିକ ଉତ୍ସବ ତଥା ରକ୍ତଦାନ ଶିବିରରେ "ଅମୃତ ଶିକ୍ଷାସେବା ସମ୍ମାନ -୨୦୨୬ " ରେ ସମ୍ମାନୀତ କରାଯାଇଛି ।ସଂଗଠନର ସଭାପତି ଆନନ୍ଦ ଚନ୍ଦ୍ର ସୁନାଙ୍କ ସଭାପତିତ୍ଵ ତଥା ଲଳିତ ସାହୁଙ୍କ ସଂଯୋଜନାରେ ଅନୁଷ୍ଠିତ ସଭାରେ ଭେଡେନ ଭାରତୀୟ ଷ୍ଟେଟ୍ ବ୍ୟାଙ୍କ୍ ଶାଖା ପରିଚାଳକ ପ୍ରକାଶ ଚନ୍ଦ୍ର ସାହୁ ମୁଖ୍ୟ ଅତିଥୀ,ପଲ୍ଲିଶ୍ରୀ ମହାବିଦ୍ୟାଳୟ ଚିଚିଣ୍ଡାର ଅବସରପ୍ରାପ୍ତ ଅଧ୍ୟକ୍ଷ ରାମଚନ୍ଦ୍ର ସାହୁ ମୁଖ୍ୟବକ୍ତା ଭାବରେ ଯୋଗଦାନ କରିଥିଲେ l ଏହି ଅବସରରେ ଅବସରପ୍ରାପ୍ତ  ପ୍ରଧାନ ଶିକ୍ଷକ ଅଶୋକ କୁମାର ପଶାୟତ ଓ ଅବସରପ୍ରାପ୍ତ ବିଦ୍ୟାଳୟ ଅନୁନିରିକ୍ଷକଙ୍କୁ ପଦଧୌତପୂର୍ବକ ଗୁରୁପୂଜନ କରାଯାଇଥିଲା l ବିଶିଷ୍ଟ ସମାଜସେବୀ ତଥା ଓକିଲ ଅଶୋକ ଅଗ୍ରୱାଲଙ୍କୁ "ଅମୃତ ସ୍ୱାସ୍ଥ୍ୟ ସେବା ସମ୍ମାନ" ବିଶିଷ୍ଟ ସମାଜସେବୀ ରଘୁନାଥ ପଧାନ,ସାମଜିକ ସଂଗଠନ ନିଷ୍ଠା ପରିବାର ବରଗଡ଼,ଜିଲ୍ଲା ସମାଜସେବୀ ସଂଘ ବରଗଡ ଓ ସେବା ପରିବାର ସିଂହେନପାଲିକୁ "ଅମୃତ ସେବା ସମ୍ମାନ" ରେ ସମ୍ମାନୀତ କରାଯାଇଥିଲା l