22-Feb-2022

ରେଢାଖୋଲ ( ଅନିଲ କୁମାର ପୃଷ୍ଟି )   ଆଗାମୀ କିଛି ଦିନ ପରେ ତ୍ରିସ୍ତରୀୟ  ପଞ୍ଚାୟତ ନିର୍ବାଚନ ଶେଷ ହେବା ପରେ ପୁଣି ପୌର ନିର୍ବାଚନ ଆରମ୍ଭ ହେବ। ଏଥିପାଇଁ ଆସନ ସରକ୍ଷଣ  ତାଲିକା ପ୍ରକାଶ ପାଇବା ସହ ଭୋଟରଙ୍କ ତାଲିକା ମଧ୍ୟ ପ୍ରକାଶ ପାଇଛି। ହେଲେ ସମ୍ବଲପୁର ଜିଲ୍ଲା ରେଢାଖୋଲ ବିଜ୍ଞାପିତ ଅଞ୍ଚଳ ପରିଷଦ(ଏନଏସି)ର ଅନେକ ୱାର୍ଡରେ ଭୋଟରଙ୍କ ନାମ ଅନ୍ୟ ୱାର୍ଡରେ ପ୍ରକାଶ ପାଇଛି। ଏ ନେଇ କେତେକ ସଚେତନ ଭୋଟର ତା ୧୯.୦୨.୨୦୨୨ରିଖରେ ରେଢାଖୋଲ ଉପଜିଲ୍ଲାପାଳ ପବିତ୍ର ବେହେରାଙ୍କୁ ଏକ ଦାବିପତ୍ର ପ୍ରଦାନ କରି ସଂଶୋଧନ କରିବାକୁ ଦାବି କରିଛନ୍ତି। ଦାବିପତ୍ରରେ ଉଲ୍ଲେଖ କରାଯାଇଛି ଯେ ଗତ ତା୧୦.୦୨.୨୦୨୨ରିଖ ରେ ପ୍ରକାଶିତ ପ୍ରାଥମିକ ଭୋଟର ତାଲିକା୨୦୨୨ରେ ରେଢାଖୋଲ ଏନଏସିର ୧୩ଟି ୱାର୍ଡ  ସମେତ  ୬ ନମ୍ବର ୱାର୍ଡର ମଧ୍ୟ ପ୍ରକାଶ ପାଇଛି। ଏହି ଭୋଟର ତାଲିକାରେ ଅଭିଯୋଗକାରି ଭୋଟର ମାନେ ଅବଲୋକନ କଲେ ଯେ ୱାର୍ଡ ନମ୍ବର ୬ ଯଥା ବିଶ୍ୱନାଥପୁର, ବିରିଶ୍ଚନ୍ଦ୍ରପୁର, ଚିରିଗୁଣିପାଳ, ବର୍ଷକିଆଖୋଳ,ଚାଟୁଣି, ଭାଲୁଚୁଆ ଆଦି ବାସିନ୍ଦା ବ୍ୟତୀତ ଅନ୍ୟ ୱାର୍ଡର ବାସିନ୍ଦଙ୍କର ମଧ୍ୟ ଏହି ଭୋଟର ତାଲିକାରେ ନାମ ରହିଅଛି।  ପ୍ରକାଶ ପାଇଥିବାଏହି ତାଲିକାରେ  ଜାଣିବାକୁ ମିଳିବାରେ ପ୍ରାୟ ୮୫ ଜଣ ଭୋଟରଙ୍କ ଅନ୍ୟ ୱାର୍ଡ ରୁ ଯାଇ ଏହି ୬ ନମ୍ବର ୱାର୍ଡ ଭୋଟର ତାଲିକାରେ ନାମ ରହିଛି। ଏଣୁ ରେଢାଖୋଲ ଏନଏସିର ୬ନମ୍ବର ୱାର୍ଡରେ ୮୫ଜଣ ଭୋଟରଙ୍କ  ନାମ ଥିବାକୁ  ଏହାର ତଦନ୍ତ କରି  ୱାର୍ଡ ନମ୍ବର ୬ରୁ ବାଦ ଦେଇ ତାଙ୍କର ନିଜସ୍ୱ ୱାର୍ଡ ତାଲିକାକୁ ସ୍ଥାନାନ୍ତର କରି ସଠିକ ତାଲିକା ପ୍ରସ୍ତୁତ କରି ବାକୁ ଦାବି କରାଯାଇଛି। ଏହା କେବଳ ୬ନମ୍ବର ୱାର୍ଡ ରେ ନୁହେଁ ଅନେକ ୱାର୍ଡରେ ଏଭଳି ଅନ୍ୟତ୍ର ୱାର୍ଡ ମାନଙ୍କରେ ନାମ ରହି ଥିବା ଜଣା ଯାଇଛି।  ଏଣୁ ଏହାର ତଦନ୍ତ କରି ସଂଶୋଧନ କରିବାକୁ ଦାବି ହେଉଛି। ଦାବିପତ୍ର ପ୍ରଦାନ ପରିପ୍ରେକ୍ଷୀରେ  ସୁବାସ ପ୍ରଧାନ, ରାଜେନ୍ଦ୍ର ସାହୁ, ଚିନ୍ମୟ ସାହୁ, ଆତ୍ମରାମ ମିର୍ଦ୍ଧା, କପିଳେଶ୍ୱର ସାହୁ, ରାମ ଚନ୍ଦ୍ର ପ୍ରଧାନ, ସୁବ୍ରତ କୁମାର ଦେଓ ପ୍ରମୁଖ ସାମିଲ ହୋଇ ଦାବିପତ୍ର ପ୍ରଦାନ କରିଥିଲେ।