22-Feb-2022

ବିନିକା(ହିମାଂଶୁ ଶେଖର ପୁଟେଲ) ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଦୁର୍ଘଟଣାର ଶିକାର ହେବାପରେ ଏବେ ୫ପ୍ରାଣୀ କୁଟୁମ୍ବ ଚଳିବା ମସ୍କିଲ ହୋଇପଡିଛି । ସୂଚନା ଯୋଗ୍ୟ ଯେ ଗତ ୧୦/୧୧/୨୧ ତାରିଖରେ ବିନିକା ବ୍ଳକ ଅନ୍ତର୍ଗତ ମହଦା ପଞ୍ଚାୟତ ମନୋରଞ୍ଜନପୁର ଗ୍ରାମର ରଞ୍ଜନ ତାଣ୍ଡି(୫୫) ଭଜନ ପରିବେଷଣ ପାଇଁ ଏକ ବାଇକ ଯୋଗେ ଉଲୁଣ୍ଡା ବ୍ଳକ ପଞ୍ଚମହଲା ଗ୍ରାମକୁ ଯାଉଥିବା ବେଳେ ବାଟରେ ଏକ ଅଜଣା ଗାଡ଼ି ଧକ୍କାରେ ଗୋଡ଼ ଭାଙ୍ଗି ଯାଇଥିଲା ।ବର୍ତମାନ ରଞ୍ଜନର ଗୋଡ଼ରେ ଲୁହା ରଡ଼ ଲାଗିଥିବାରୁ ସେ ଚାଲି ବୁଲି ନପାରି ଘରେ ପଡି ରହିଛନ୍ତି ।ଫଳରେ ପରିବାରର ଏକ ମାତ୍ର ରୋଜଗାରକ୍ଷମ ବ୍ୟକ୍ତି ଏବେ ଅପାରଗ ଅବସ୍ଥାରେ ଥିବାରୁ ପତ୍ନୀଙ୍କ ସହ ୧୦ବର୍ଷିଆ ଝିଅ,୩ଓ୮ବର୍ଷିଆ ଦୁଇ ପୁଅଙ୍କ ଚଳିବା କଷ୍ଟକର ହୋଇପଡୁଛି l କିଛି ଦିନ ତଳେ ରଞ୍ଜନ ଓ ତାଙ୍କ ପରିବାର ଜିଲ୍ଲାପାଳଙ୍କ ଦ୍ବାରସ୍ଥ ହୋଇଥିଲେ ।ହେଲେ ପ୍ରଶାସନିକ ତରଫରୁ ଅଦ୍ୟାବଧି କୌଣସି ବ୍ୟବସ୍ଥା ହୋଇ ନଥିବାରୁ ପରିବାର ଦୁଃଖରେ ଜୀବନ ବିତାଉଛନ୍ତି ।ତେଣୁ ଉକ୍ତ ନିରୀହ ପରିବାରକୁ ସରକାରୀ ଆର୍ଥିକ ସହାୟତା ଯୋଗାଇ ଦେବାକୁ ଦାବି ହେଉଛି ।