22-Feb-2022

ବିରମହାରାଜପୁର, ‌( ବିନୋଦ ପାଣ୍ଡେ) :ସୁବର୍ଣ୍ଣପୁର ଜିଲ୍ଲା ରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟରେ ଆଜି ବୀରମହାରାଜପୁର ବ୍ଲକ ରେ    ୮୬.୫୧% ପ୍ରତିଶତ ମତଦାନ ସହିତ ଶାନ୍ତିପୂର୍ଣ୍ଣ ଭାବରେ ଭୋଟ ଗ୍ରହଣ ସମାପ୍ତ ହୋଇଛି l ବ୍ଲକ ରେ ସମୁଦାୟ ୨୪୯  ଟି ମତଦାନ କେନ୍ଦ୍ରରେ ଭୋଟର  ମାନେ ସେମାନଙ୍କ ୱାର୍ଡ  ମେମ୍ବର,  ସରପଞ୍ଚ,  ସମିତି  ସଭ୍ୟ ଏବଂ  ଜିଲ୍ଲା  ପରିଷଦ  ପାଇଁ ପ୍ରତିନିଧି ଚୟନ କରିବା ସୁଯୋଗ ପାଇଥିଲେ I ସମଗ୍ର ବ୍ଲକ କୁ ଦୁଇଟି ଜୋନ୍ ରେ ବିଭକ୍ତ କରାଯାଇ  ଅତିରିକ୍ତ  ଜିଲ୍ଲାପାଳ ସୂର୍ଯ୍ୟନାରାୟଣ  ଦାଶ ଏବଂ ପ୍ରଶାସନ ର ବରିଷ୍ଠ ଅଧିକାରୀମାନଙ୍କ ନିରୀକ୍ଷଣ ରେ ଅବାଧ

ଏବଂ ଶାନ୍ତିପୂର୍ଣ୍ଣ  ଭାବରେ ନିର୍ବାଚନ  ସମ୍ପନ୍ନ ହୋଇଛି I ଯଦିଓ ଏହି ବ୍ଲକ ରେ କିଛି ସମ୍ବେଦନଶୀଳ ବୁଥ ଚିହ୍ନଟ ହୋଇଥିଲା କିନ୍ତୁ କୌଣସି ସ୍ଥାନ ରେ  ବିଶେଷ ଅପ୍ରିତିକର ପରିସ୍ଥିତି ସୃଷ୍ଟି ହୋଇ ନଥିଲା l ଜିଲ୍ଲାପାଳ ଶ୍ରୀମତୀ  ଅବୋଲି ସୁନୀଲ  ନରୱଣେ ସ୍ଥାନୀୟ  ଚକାବର ପ୍ରାଥମିକ  ବିଦ୍ୟାଳୟ ପରିସରରେ  ହୋଇଥିବା  ପିଙ୍କ  ବୁଥ ପରିଦର୍ଶନ ସହିତ  ମୃର୍ଷୁଣ୍ଢୀ ଏବଂ ସୁବଳୟା ଅଞ୍ଚଳ ଗସ୍ତ କରି  ଅବାଧ ଏବଂ  ନିରପେକ୍ଷ  ମତଦାନ  ସୁନିଶ୍ଚିତ କରି ଥିଲେ  l ସକାଳ ୭ ଟାରୁ ଭୋଟ୍ ଗ୍ରହଣ ଆରମ୍ଭ ହୋଇ ଦିନ ଗୋଟାଏ ସୁଦ୍ଧା ୭୬% ମତଦାନ ହୋଇଥିବା ବେଳେ ଭୋଟର ମାନେ ନିର୍ଦ୍ଧାରିତ ସମୟରେ  କେନ୍ଦ୍ରରେ ଉପସ୍ଥିତ ରହି ଶେଷ ଯାଏଁ ଭୋଟ ଦେଇଥିଲେ I  ସମଗ୍ର ବ୍ଲକ ରେ ଉତ୍ସାହଜନକ ଭାବରେ ଭୋଟର ମାନେ ମତଦାନ କରିଛନ୍ତି I ବୀରମହାରାଜପୁର  ଉପଜିଲ୍ଲାପାଳ  ଅଶୋକ  କୁମାର  ଭୋଇ ଟିଠିପାଲି ସମେତ ବିଭିନ୍ନ ସମ୍ବେଦନଶୀଳ  ବୁଥ  ପରିକ୍ରମା କରି ସ୍ଥିତିର ଅନୁଧ୍ୟାନ  କରିଥିଲେ I 

ବୀରମହାରାଜପୁର  ନିକଟବର୍ତ୍ତୀ  ପଥରଘାଟ  ଠାରେ ଗୋଟିଏ ପୁଲିସ  ପାଟ୍ରୋଲିଂ  ଗାଡି  ଦୁର୍ଘଟଣା ଗସ୍ତ ହେବାରୁ ଏ ସ୍ ଆ ଇ   ପି  ଆର୍ ମହାନନ୍ଦ ଏବଂ କିଛି  ସୁରକ୍ଷା  କର୍ମୀ ଙ୍କୁ ସ୍ଥାନୀୟ  ଡାକ୍ତରଖାନା  ରେ ଚିକିତ୍ସା ଯୋଗାଇ ଦିଆଯାଇଛି l ମୋଟା ମୋଟି  ଭାବରେ ଶାନ୍ତିପୂର୍ଣ୍ଣ  ଭାବରେ  ବୀରମହାରାଜାପୁର ବ୍ଲକ ର ମତଦାନ ସଂପୂର୍ଣ୍ଣ ହୋଇଯାଇଛି।