22-Feb-2022

ରେଢାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା  ରେଢାଖୋଲ ବ୍ଲକ ଚାରମାଳ ଥାନା ଅଞ୍ଚଳର ଜଣେ ହରିଜନ ସମ୍ପ୍ରଦାୟର ଯୁବତୀଙ୍କୁ ଏକ ତରଫା ପ୍ରେମ କରିବା ସହ ତାଙ୍କ ବିବାହ ଭାଙ୍ଗିବା ଉଦ୍ୟମ ଓ ହ୍ବାଟସପରେ ଅଶ୍ଳୀଳ ଭିଡିଓ ପଠାଇ ଧମକ ଚମକ ଦେବା ଅଭିଯୋଗ ରେ ଜଣେ ଯୁବକଙ୍କୁ ମଙ୍ଗଳବାର ଚାରମାଳ ପୋଲିସ  ଗିରଫ କରିଛି। ଗିରଫ ଯୁବକ ଜଣକ ହେଲେ ଚାରମାଳ ଥାନା ଅନ୍ତର୍ଗତ ଖୁବେଲ ଗ୍ରାମର ଉମା କାନ୍ତ ସାହୁ(୩୦)। ଏ ସଂକ୍ରାନ୍ତରେ ଚାରମାଳ ଥାନା କେସ ନମ୍ବର ୨୧/୨୦୨୨ରେ ଏକ ମାମଲା ରୁଜୁ କରି ଗିରଫ ଯୁବକଙ୍କୁ କୋର୍ଟ ଚାଲାଣ କରାଯାଇଛି ବୋଲି ଚାରମାଳ ଥାନା ଅଧିକାରୀ  ବସନ୍ତ କୁମାର ଦଳେଇ ପ୍ରକାଶ କରିଛନ୍ତି। ପୋଲିସ ସୂତ୍ରରୁ ଜଣା ଯାଇଛି ଯେ ଚାରମାଳ ଥାନା ଅଞ୍ଚଳର ଜଣେ ହରିଜନ ସମ୍ପ୍ରଦାୟର ଯୁବତୀଙ୍କୁ ଗିରଫ ଯୁବକ ଉମାକାନ୍ତ ଭଲ ପାଇ ଆସୁଥିଲେ। ହେଲେ ଯୁବତୀ ଜଣକ ହରିଜନ ସମ୍ପ୍ରଦାୟର ହୋଇ ଥିବା ବେଳେ ଯୁବକ ଜଣକ ସବର୍ଣ୍ଣ ହୋଇ ଥିବାରୁ ବିବାହ ପାଇଁ  ପରିବାର ଲୋକେ ମନା କରିଥିଲେ। ଏହାପରେ ଯୁବତୀ ଜଣଙ୍କୁ ପରିବାର ଲୋକେ ନିଜ ସମ୍ପ୍ରଦାୟର ରେ ବିବାହ କରିବା ପାଇଁ ଠିକ କରିଛନ୍ତି। ଯୁବତୀ ଜଣକ ବାହାଘର ଆସନ୍ତା ୨୪ତାରିଖରେ ହେବାକୁ ଦିନ ଧାର୍ଯ୍ୟ ହୋଇଛି। ହେଲେ ଯୁବକ ଜଣକ  ଉକ୍ତ ଯୁବତୀଙ୍କ ବାହାଘର ବନ୍ଦ କରିବା ପାଇଁ ଉଦ୍ୟମ କରିବା ସହ ତାଙ୍କ ମୋବାଇଲ ହୁଆଟା ଆପ ରେ ଅଶ୍ଳୀଳ ଭିଡିଓ ପଠାଇବା ସହ ଧମକ ଚମକ ଦେଇ ଭୟଭୀତ କରିଥିଲେ। ଏହାପରେ ଯୁବତୀ ଜଣଙ୍କ ସହ ପରିବାର ଲୋକେ ଚାରମାଳ ଥାନାର ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଥିଲେ। ଅଭିଯୋଗ ପରେ ପୋଲିସ ଘଟଣାର ତଦନ୍ତ କରି ମଙ୍ଗଳବାର   ଦିନ ଯୁବକ ଜଣଙ୍କୁ ଗିରଫ କରି  କୋର୍ଟ ଚାଲାଣ କରିଛି।