22-Feb-2022

ସୁବର୍ଣ୍ଣପୁର:ସୁବର୍ଣ୍ଣପୁର ଜିଲ୍ଲା ରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଚତୁର୍ଥ ପର୍ଯ୍ୟାୟରେ ଆଜି ବୀରମହାରାଜପୁର ବ୍ଲକ ରେ    86.51 ପ୍ରତିଶତ ମତଦାନ ସହିତ ଶାନ୍ତିପୂର୍ଣ୍ଣ ଭାବରେ ଭୋଟ ଗ୍ରହଣ ସମାପ୍ତ ହୋଇଛି l ବ୍ଲକ ରେ ସମୁଦାୟ 249  ଟି ମତଦାନ କେନ୍ଦ୍ରରେ ଭୋଟର  ମାନେ ସେମାନଙ୍କ ୱାର୍ଡ  ମେମ୍ବର,  ସରପଞ୍ଚ,  ସମିତି  ସଭ୍ୟ ଏବଂ  ଜିଲ୍ଲା  ପରିଷଦ  ପାଇଁ ପ୍ରତିନିଧି ଚୟନ କରିବା ସୁଯୋଗ ପାଇଥିଲେ I ସମଗ୍ର ବ୍ଲକ କୁ ଦୁଇଟି ଜୋନ୍ ରେ ବିଭକ୍ତ କରାଯାଇ ପ୍ରଶାସନ ର ବରିଷ୍ଠ ଅଧିକାରୀମାନଙ୍କ ନିରୀକ୍ଷଣ ରେ ଅବାଧ ଏବଂ ଶାନ୍ତିପୂର୍ଣ୍ଣ  ଭାବରେ ନିର୍ବାଚନ  ହୋଇପାରିଛି I ଯଦିଓ ଏହି ବ୍ଲକ ରେ କିଛି ସମ୍ବେଦନଶୀଳ ବୁଥ ଚିହ୍ନଟ ହୋଇଥିଲା କିନ୍ତୁ କୌଣସି ସ୍ଥାନ ରେ  ବିଶେଷ ଅପ୍ରିତିକର ପରିସ୍ଥିତି ସୃଷ୍ଟି ହୋଇ ନଥିଲା l ସକାଳ 7 ଟାରୁ ଭୋଟ୍ ଗ୍ରହଣ ଆରମ୍ଭ ହୋଇ ଦିନ ଗୋଟାଏ ସୁଦ୍ଧା 76% ମତଦାନ ହୋଇଥିବା ବେଳେ ଭୋଟର ମାନେ ନିର୍ଦ୍ଧାରିତ ସମୟରେ  କେନ୍ଦ୍ରରେ ଉପସ୍ଥିତ ରହି ଶେଷ ଯାଏଁ ଭୋଟ ଦେଇଥିଲେ I  ସମଗ୍ର ବ୍ଲକ ରେ ଉତ୍ସାହଜନକ ଭାବରେ ଭୋଟର ମାନେ ମତଦାନ କରିଛନ୍ତି I ବୀରମହାରାଜପୁର  ଉପଜିଲ୍ଲାପାଳ  ଅଶୋକ  କୁମାର  ଭୋଇ ବିଭିନ୍ନ ସମ୍ବେଦନଶୀଳ  ବୁଥ  ପରିକ୍ରମା କରି ସ୍ଥିତିର ଅନୁଧ୍ୟାନ  କରିଥିଲେ I 

ବୀରମହାରାଜପୁର  ନିକଟବର୍ତ୍ତୀ 
 ପଥରଘାଟ  ଠାରେ ଗୋଟିଏ ପୁଲିସ  ପାଟ୍ରୋଲିଂ  ଗାଡି  ଦୁର୍ଘଟଣା ଗସ୍ତ ହେବାରୁ ଏ ସ୍ ଆ ଇ   ପି  ଆର୍ ମହାନନ୍ଦ ଏବଂ କିଛି  ସୁରକ୍ଷା  କର୍ମୀ ଙ୍କୁ ସ୍ଥାନୀୟ  ଡାକ୍ତରଖାନା  ରେ ଚିକିତ୍ସା ଯୋଗାଇ ଦିଆଯାଇଛି l ମୋଟା ମୋଟି  ଭାବରେ ଶାନ୍ତିପୂର୍ଣ୍ଣ  ଭାବରେ  ବୀରମହାରାଜାପୁର ବ୍ଲକ ରେ ତ୍ରିସ୍ତରୀୟ ପଞ୍ଚାୟତ ଭୋଟ୍ ପାଇଁ ମତଦାନ ସମ୍ପୂର୍ଣ୍ଣ  ହୋଇଛି l