17-Jan-2022

ଉଲୁଣ୍ଡା(ଗୌରଚନ୍ଦ୍ର ପରିଛା):  ଉଲୁଣ୍ଡା ବ୍ଲକରେ ଆଜି ତ୍ରିସ୍ତରୀୟ ପଂଚାୟତ ନିର୍ବାଚନ ପାଇଁ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଛି । ପ୍ରଥମ ଦିନରେ ୬ ଜଣ ୱାର୍ଡସଭ୍ୟ ନାମାଙ୍କନ ଦାଖଲ କରିଥିବା ଜଣାପଡିଛି । ୧୭ ତାରିଖରୁ ୨୧ ତାରିଖ ପର୍ଯ୍ୟନ୍ତ ୱାର୍ଡ ସଭ୍ୟ, ସରପଂଚ ମାନେ ପଂଚାୟତ କାର୍ଯ୍ୟାଲୟରେ ଏବଂ ସମିତି ସଭ୍ୟ ପାଇଁ ବ୍ଲକ କାର୍ଯ୍ୟାଳୟରେ ନାମଙ୍କନ ଦାଖଲ କରିବା ବ୍ୟବସ୍ଥା ରହିଛି । ସେହିପରି ଜିଲ୍ଲା ପରିଷଦ ପାଇଁ ପ୍ରାର୍ଥୀ ମାନେ ଏହି ସମୟରେ ଉପଜିଲ୍ଲାପାଲ କାର୍ଯ୍ୟାଳୟରେ ପ୍ରାର୍ଥୀପତ୍ର ଦାଖଲ କରିବେ । ଏହି ପରିପ୍ରେକ୍ଷୀରେ ଆଜି ପ୍ରଥମ ଦିନରେ ବ୍ଲକର ଜଉଁରାଭଉଁରା ପଂଚାୟତରେ ଦୁଇଜଣ, ଉଲୁଣ୍ଡା ପଂଚାୟତରେ ଜଣେ, ରକ୍ସା ପଂଚାୟତରେ ଦୁଇଜଣ ଏବଂ କାଦୋଦର ପଂଚାୟତରେ ୱାର୍ଡ ସଭ୍ୟ ପାଇଁ ଜଣେ ନାମାଙ୍କନପତ୍ର ଦାଖଲ କରିଥିବା ଜଣାପଡିଛି ।