13-Jan-2022

ବିନିକା(ହିମାଂଶୁ ଶେଖର ପୁଟେଲ) ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବିଗୁଳ ବାଜିବା ପରେ ସାରା ବିନିକା ଅଞ୍ଚଳରେ ରାଜନୈତିକ ବାତାବରଣ ସରଗରମ ହୋଇଉଠିଛି ।ବିଭିନ୍ନ ରାଜନୈତିକ ଦଳର ଆଶାୟୀ ପ୍ରାର୍ଥୀ ମାନେ ସମର୍ଥନ ଯୋଗାଡ଼ ନେଇ କସରତ ଆରମ୍ଭ କରି ଦେଇଥିବା ଦେଖିବାକୁ ମିଳିଲାଣି । କେତେକ ସଂରକ୍ଷଣକୁ ନେଇ ଖୁସିରେ ମସଗୁଲ ଥିବାବେଳେ ଆଉ କେତେକ ଅଦଳବଦଲ ନେଇ ନିରାଶ ହୋଇପଡ଼ିଛନ୍ତି । ବିନିକା ବ୍ଲକରେ ୨ଟି ଜିଲ୍ଲାପରିଷଦ ଓ ୧୬ଟି ପଞ୍ଚାୟତ ରହିଥିବା ବେଳେ ଆସନ୍ତା ଫେବୃୟାରୀ ୧୮ତାରିଖ ଦିନ ମୋଟ ଭୋଟର ୯୧ହଜାର ୧୧୮ଜଣ ମତଦାନ କରିବେ।ମିଳିଥିବା ସୂଚନା ଅନୁସାରେ ୧ନଂ ଜୋନ ଅନୁସୂଚିତ ଜାତି ମହିଳା,୨ନଂ ଜୋନ ଅନୁସୂଚିତ ଜାତିଙ୍କ ପାଇଁ ଉଦ୍ଦିଷ୍ଟ ରହିଛି । ସେହିପରି ସମିତିସଭ୍ୟ ପାଇଁ କୁହିବାହାଲ,ବାଉଁଶୁନି,ବାଙ୍କୀଘରୀଡି,ମହଦା,ମେଘେଳା ପଞ୍ଚାୟତ ଅଣସଂରକ୍ଷିତ ରହିଥିବା ବେଳେ କଇଁନ୍ତରା,ଚରଦା,ମହାଦେବପାଲି,ଶଙ୍କରା ମହିଲାଙ୍କ ରହିଛି ।ବାବୁପାଲି,ସିଙ୍ଗିଯୁବା ଅନୁସୂଚିତ ଜାତି,ଭଣ୍ଡାର,ସିନ୍ଦୁରପୁର ଅନୁସୂଚିତଜାତି ମହିଳା,ସିଲାଟି ଅନୁସୂଚିତ ଜନଜାତି, ସେଲେଡି ଅନୁସୁଚିତ ଜନଜାତି ମହିଳାଙ୍କ ପାଇଁ ସ୍ଥାନ ସଂରକ୍ଷିତ ରହିଛି ।ଅନ୍ୟ ପକ୍ଷରେ ସରପଞ୍ଚ ପଦବୀ ନିମନ୍ତେ କଇଁନ୍ତରା,କୁହିବାହାଲ,ଜୁଲୁଣ୍ଡା,ଵାଉଁଶୁନି,ମହଦା,ଶଙ୍କରା ପ୍ରଭୃତି ପଂଚାୟତ ଅଣ ସଂରକ୍ଷିତ ଥିବାବେଳେ ବାବୁ 
ପାଲି,ବାଙ୍କୀଘରିଡି,ମହାଦେବ ପାଲି,ମେଘେଲା, ସୀଙ୍ଗିଯୁବା ପ୍ରଭୃତି ପଂଚାୟତ ମହିଳାଙ୍କ ପାଇଁ,ଚର଼ଦା,ଭଣ୍ଡାର,ସେଳେଡି ଅନୁସୂଚିତ ଜାତି ମହିଳା,ସିନ୍ଦୁରପୁର,ସିଲାଟି ପଞ୍ଚାୟତ ଅନୁସୂଚିତ ଜାତିଙ୍କ ପାଇଁ ରହିଛି ।ତେବେ ବିନିକା ବ୍ଳକ ଅଧ୍ୟକ୍ଷ ଆସନ ପଦ ମହିଳାଙ୍କ ପାଇଁ ସଂରକ୍ଷିତ ଥିବାରୁ ସମିତି ସଭ୍ଯ ଆସନ ମାନଙ୍କରେ ଜୋରଦାର ଟକ୍କର ହେବବୋଲି ରାଜନୈତିକ ମହଲରେ ଆଲୋଚନା ହେଉଛି ।