13-Jan-2022

ସିନ୍ଧେକେଲା : ସରକାର ଲୋକଙ୍କ ହିତ ସାଧନ ପାଇଁ ଯୋଜନା ଉପରେ ଯୋଜନା କରିଛନ୍ତି ଓ କରି ଚାଳିଛନ୍ତି। ଦାଦନ ଭଲି ସମସ୍ୟା ଅଟକାଇବା ପାଇଁ ମନରେଗା ଭଲି ଅନେକ ଯୋଜନା ମଧ୍ଯ ପ୍ରଣୟନ କରିଛନ୍ତି। ତେବେ ମଧ୍ଯ ମଣିଷ ଚାଳାଣ ରୋକାଯାଇ ପାରିନାହିଁ। ସେହିଭଲି ଭାବେ ବଲାଙ୍ଗୀର ଜିଲ୍ଲାର ବଙ୍ଗୋମୁଣ୍ଡା ବ୍ଲକ ଏକ ପ୍ରମୁଖ ଦାଦନ ପ୍ରବଣ ଅଞ୍ଚଳ ଭାବେ ବେଶ ପରିଚିତ। ବିଗତ ବର୍ଷ ମାନଙ୍କରେ ଏହି ଦାଦନ ଚାଳାଣ ହୋଇ ଅଳଣ୍ଡା ପଞ୍ଚାୟତର ରିଙ୍କୁ ବାଗ ନିଖୋଜ ହୋଇ ଯାଇ ଥିବାବେଲେ ତାଙ୍କ ସ୍ତ୍ରୀ ପ୍ରତିମା ଗତବର୍ଷ ଜୁଲାଇ ୨୯ ତାରିଖ ଦିନ ସାପ କାମୁଡାରେ ମୃତ୍ୟୁ ହେବାରୁ ତାଙ୍କ ଦୁଇ ପୁଅ ବେସାହାରା ହେବା ସହ ବାପା ମାଁ ଛେଉଣ୍ଡ ହୋଇଗଲେ । ସେହି ପରି ଭାବେ ଗନ୍ଧର୍ଲା ପଞ୍ଚାୟତ ଅନ୍ତର୍ଗତ ମାଳପଡା ଗ୍ରାମର ମିଥୁନ ନାଗ ପେଟ ପାଟଣା ପାଇଁ ଦାଦନ ଖଟି ମୁମ୍ବାଇ ଯାଇଥିଲେ କାମ କରୁଥିବା ସମୟରେ ପଡି ଯାଇଥିଲେ। ସେ ଦିନ ଠାରୁ ସେ ସଜ୍ୟାସାୟୀ ହୋଇ ବିଧବା ମାଁ ଓ ସାନ ଭାଇ ଉପରେ ନିର୍ଭର କରି ଘରେ ପଡିଛନ୍ତି। ଏମିତି କେତେ ଉଦାହରଣ ରହିଛି ତଥାପି ପେଟ ପାଟଣା ପାଇଁ ଲୋକେ ଦାଦନ ଜିବାକୁ ଏକ ରକମ ବାଧ୍ଯ କାହିଁକି ତାହା ଏକ ପ୍ରଶ୍ନବାଚୀ ନିଶ୍ଚୟ । କିଛିଦିନ ତଳେ ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ ଅଳଣ୍ଡା ପେକ୍ସ ପରିଦର୍ଶନ ରେ ଆସି କିଛି ଲୋକଙ୍କ ଧାନ ବିକ୍ରି କରିବାକୁ ଥିବା ଟୋକନ ପାଇ ଟୋକନ ର ଅବଧି ଶେଷ ହେବାକୁ ଯାଉଥିଲେ ସୁଦ୍ଧା ଧାନ ବିକ୍ରି ପାଇଁ ମଣ୍ଡିକୁ ଆଣୁ ନ ଥିବା ଯୋଗୁଁ କେହି ଦଲାଲ ଟୋକନ ନେଇ ଚାଷୀଙ୍କ ଧାନ ବିକିବା ଆଶଙ୍କା କରି  ଚାଷୀଙ୍କ ଲିଷ୍ଟ ଧରି ତଦନ୍ତ ପାଇଁ ଚାଷୀଙ୍କ ଘର ମାନଙ୍କୁ ପହଞ୍ଚିଥିଲେ। ପ୍ରଥମେ ଅଳଣ୍ଡା ଗ୍ରାମର କ୍ଷେତ୍ର ମାଝୀ ଘରକୁ ପହଞ୍ଚି ପାଖ ଲୋକଙ୍କୁ ପଚାରି ବୁଝିବାରୁ କ୍ଷେତ୍ର ପରିବାର ସହ  ଦାଦନ ଖଟିବାକୁ ବାହାର ରାଜ୍ଯ କୁ ଯାଇଥିବା ଜଣା ପଡିଥିଲା ପରେ ତେତେଳପଡା ର ଘାସିରାମ କାଣ୍ଡ ଙ୍କ ଘରକୁ ଯାଇ ପଚାରିବାରୁ ଘାସିରାମ ପରିବାର କୁ ଗାଁରେ ଛାଡି ଦାଦନ ଯାଇଥିବା ବେଳେ ତାଙ୍କ ସ୍ତ୍ରୀ ଟୋକନ ବିଷୟରେ କିଛି ଜାଣିନଥିବାରୁ ଅମଳ ହୋଇଥିବା ଧାନ ଖୋଳା ବଜାର ରେ ବିକ୍ରି କରି ଦେଇଥିବା କହିଥିଲେ । ସେହିପରି ଭାବେ ଅଳଣ୍ଡା ଗ୍ରାମର ଲକପତି ରଣା ଙ୍କ ଘରକୁ ପହଞ୍ଚି ଦେଖିବା ବେଳକୁ ଲକପତି ଓ ତାଙ୍କ ସ୍ତ୍ରୀ ବାହାର ରାଜ୍ଯ କୁ

ଦାଦନ ଖଟିବାକୁ ଯାଇ ଥିବାବେଳେ ଘରେ ଦୁଇ ଝିଅ ଙ୍କୁ ଛାଡି ଯାଇଛନ୍ତି। ତନ୍ମଧ୍ୟରୁ ଗୋଟିଏ ଝିଅ ଦ୍ଵିତୀୟ ଶ୍ରେଣୀରେ ପଢୁଥିବା ବେଳେ ତା ବଡ ଭଉଣୀ ଦଶମ ଶ୍ରେଣୀରେ ପଢୁଛି ପରିକ୍ଷା ପାଇଁ ବାପା ମାଁ ଆମକୁ ଛାଡି ଯାଇଛନ୍ତି ବୋଳି କହିଥିଲେ ବଡଝିଅ। ତେବେ ବଡ ଭଉଣୀ ସାନ ଭଉଣୀ କୁ ଧରି ଘର ଜଗୁଥିବା ଓ ପଢୁଥିବା କଥା ଶୁଣି ତହସିଲଦାର ଆଶ୍ଚର୍ଯ୍ଯ ହୋଇଥିଲେ। କିପରି ଖାଉଛ, କିପରି ଚଳୁଛ ବୋଳି ଅନେକ କଥା ପଚାରି ବୁଝିଥିଲେ। ବଡ ଭଉଣୀ ରନ୍ଧାବଢା କରି ଦୁହେଁ ଖାଉଥିବା ବଡଝିଅ କହିଥିଲେ। ତେବେ ତାଙ୍କ ଘରଠାରୁ କିଛି ଦୁରରେ ଥିବା ତାଙ୍କ ବଡବାପା ଆସି ଆମେ ତାଙ୍କ ଦେଖା ଶୁଣା କରୁଛୁ ଓ ତାଙ୍କ ବାପା ଟଙ୍କା ପଠାଉଛନ୍ତି ସେଥିରେ ଝିଅ ମାନଙ୍କ ଅତ୍ୟାବଶ୍ୟକ ସାମଗ୍ରୀ ମୁଁ ବଜାର କୁ ଯାଇ ଆଣିଦିଏ ବୋଳି କହିଥିଲେ । ଏଠାରେ ସ୍ବାଭାବିକ ଭାବେ ମନକୁ ଏକ ପ୍ରଶ୍ନ ଉଠେ ପେଟ ଓ ପରିବାର ର ଭରଣ ପୋଷଣ ଏ ଅଞ୍ଚଳର ଲୋକଙ୍କୁ କେମିତି ମଜବୁର କରୁ ନ ଥିବ ଯେ ନିଜର ଜନ୍ମ କଲା ଛୋଟ ଛୋଟ ଝିଅ ମାନଙ୍କୁ ବାପା ମାଁ ଘରେ ଛାଡିଦେଇ ଶହଶହ କିଲୋମିଟର ଦୁରକୁ ଦାଦନ ଖଟିବାକୁ ଯାଉଛନ୍ତି। ସରକାର ଲୋକଙ୍କୁ ନିଜ ଗାଁରେ ରହି କାମ କରିବାକୁ କେତେ ଯୋଜନା ବାହାର କରି ଯୋଜନା ମାନଙ୍କରେ କୋଟି କୋଟି ଟଙ୍କା ପାଣୀ ପରି ଖର୍ଚ୍ଚ କରୁଛନ୍ତି ତେବେ ଏ ଉପରେ ଚିନ୍ତା କରିବା ଅତ୍ୟନ୍ତ ଆବଶ୍ୟକ ବୋଲି ବୁଦ୍ଧିଜୀବୀ ମହଲରେ ଦାବି ହେଉଛି ।