26-Dec-2021

ବଲାଙ୍ଗିର : ଆଜି ୨୬ ଡିସେମ୍ବର ୨୦୨୧ ବିଜେଡିର ୨୫ ତମ ପ୍ରତିଷ୍ଠା ଦିବସ ସ୍ଥାନୀୟ ମୀନାଟେଣ୍ଟ ହାଉସ ଠାରେ ଅନୁଷ୍ଠିତ ହୋଇ ଯାଇଛି । ଏହି ଉତ୍ସବରେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମ ରେ ଉଦ୍ବୋଧନ ଦେଇ ବିଜେଡିର କର୍ମକର୍ତ୍ତା ମାନଙ୍କୁ ଜନସାଧାରଣ ଙ୍କ ପାଖକୁ ଯାଇ ଆମ ସରକାରଙ୍କ ସମସ୍ତ ଯୋଜନା ବିଷୟରେ ପହଞ୍ଚାଇବା ପାଇଁ ନିର୍ଦ୍ଦେଶ ଦେଇଥିଲେ । ଆଜିର ଏହି ଉତ୍ସବରେ ବଲାଙ୍ଗିର ଯୁବନେତା ଅର୍କେଷ ନାରାୟଣ ସିଂହଦେଓ ମୁଖ୍ଯଅତିଥି ହୋଇଥିବା ବେଳେ ବଲାଙ୍ଗିର ଜିଲ୍ଲା ଯୁବ ସଭାପତି ରାଜେନ୍ଦ୍ର ପ୍ରସାଦ ହୋତା ସଭାପତିତ୍ବ କରିଥିଲେ । ଏହି ଅବସରରେ ବିଜୁ ଜନତା ଦଳର ପ୍ରଥମ ଜିଲ୍ଲା ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ସହୁ ଙ୍କୁ ସମ୍ବର୍ଦ୍ଧିତ କରିଥିଲେ ମୁଖ୍ଯଅତିଥି ଅର୍କେଷ ନାରାୟଣ ସିଂହଦେଓ । ଯୁବନେତା ତାଙ୍କ ଅଭିଭାଷଣ ରେ ବଲାଙ୍ଗିର ର ଯୁବ ସଶକ୍ତିକରଣ ଓ ନିଯୁକ୍ତି କୁ ପ୍ରାଧାନ୍ଯ ଦେବା ପାଇଁ ରାଜ୍ୟସରକାର ଚେଷ୍ଟିତ ରହିବେ ବୋଲି ଏହି ଉତ୍ସବ ମାଧ୍ୟମ ରେ ଅନୁରୋଧ କରିଥିବା ବେଳେ ଆଗାମୀ ଦିନରେ ବଲାଙ୍ଗିର ବିଜେଡି ର ନେତୃବୃନ୍ଦ ସରକାରଙ୍କ ବିଭିନ୍ନକାର୍ଯ୍ଯଅନୁଯାଇ ଲୋକଙ୍କ ସୁଖ ଦୁଃଖରେ ସାମିଲ ହେବେ ବୋଲି ଆଶାବ୍ୟକ୍ତ କରିଥିଲେ।ଏହି ସଭାରେ ବିଜେଡିର ଜିଲ୍ଲା କାର୍ଯ୍ୟକାରୀ ସଭାପତି ଅଶୋକ ମହାନ୍ତି ,  ସାଧାରଣ ସଂପାଦକ କୈଳାଶ ଚନ୍ଦ୍ର ମହାନ୍ତି , ଓମକାର ନାୟକ , ଭଗବାନ ବଗର୍ତ୍ତି , ସନ୍ତୋଷିନୀ ବେହେରା , ଲିପିଶ୍ରୀ ସାଏ , ପ୍ରଦ୍ୟୁମ୍ନ ହୋତା , କୁଲମଣି ମେହେର , ନିହାର ରଞ୍ଜନ ସ୍ବାଇଁ , ଜୟରାମ ମିଶ୍ର , ସମ୍ଭୁ ନାଗ , ସତ୍ଯ ଭୋଇ , ଦମୟନ୍ତି ବାଗ , ତାଙ୍କର ବକ୍ତବ୍ଯ ରଖିଥିବା ବେଳେ ବଲାଙ୍ଗିର ଜିଲ୍ଲା ଓଡିଶା ମୋ ପରିବାର ର ସଂଯୋଜକ ଶ୍ରୀ ସାଗର ସଂଗମ ଶତପଥୀ ଧନ୍ଯବାଦ ଦେଇଥିଲେ ।