06-Dec-2021

ବଲାଙ୍ଗୀର(ପ୍ରେରଣା ଖବର) : ଭାରତୀୟ ରେଡକ୍ରସ ସୋସାଇଟି, ଓଡିଶା ରାଜ୍ୟ ଶାଖା ସହାୟତାରେ ବିକାଶ ସ୍ୱେଚ୍ଛାସେବୀ ଅନୁଷ୍ଠାନ ଓ ବଲାଙ୍ଗିର ମ୍ୟୁନିସିପାଲିଟୀ ତରଫରୁ ବଲାଙ୍ଗିର କଂସାରୀପଡା ସ୍ଥିତ ସଦର ଆଶ୍ରୟ ସ୍ଥଳୀରେ ଅସହାୟମାନଙ୍କୁ ଶୀତବସ୍ତ୍ର ବଣ୍ଟନ କରାଯାଇଥିଲା । କାର୍ଯ୍ୟକ୍ରମରେ ମୁଖ୍ୟଅତିଥ ଭାବରେ ଜିଲ୍ଲା ଜରୁରୀକାଳୀନ ଅଧିକାରୀ ତଥା ବଲାଙ୍ଗିର ଜିଲ୍ଲା ରେଡକ୍ରସ ସୋସାଇଟିର ସମ୍ପାଦକ ରୀନା କୁମାରୀ ନାଏକ ଓ ସମ୍ମାନୀତ ଅତିଥ ଭାବରେ ଜିଲ୍ଲା ଯୁବ ରେଡକ୍ରସ ସଂଯୋଜକ ଡଃ ଦୈତ୍ୟାରୀ ପୂଜାରୀ, ଡେଙ୍ଗ ହାଇସ୍କୁଲର ଜୁନିୟର ରେଡକ୍ରସ କାଉନ୍ସେଲର ରାମ ନାରାୟଣ ଦାଶ, ସିଟି ମ୍ୟାନେଜମେଣ୍ଟ ଅଫିସର ଜିତେନ୍ଦ୍ର କୁମାର ଦାଶ ଯୋଗଦାନ ଦେଇଥିଲେ । ଏଥୁରେ ୫୪ ଜଣ ହିତାଧିକାରୀଙ୍କୁ ଶୀତବସ୍ତ୍ର, ମାସ୍କ ଆଦି ବଣ୍ଟନ କରାଯାଇଥିଲା । କାର୍ଯ୍ୟକ୍ରମକୁ ବିକାଶ ସ୍ଵେଚ୍ଛାସେବୀ ଅନୁଷ୍ଠାନର ସଂଜୟ ପଧାନ ପରିଚାଳନା କରିଥିବା ବେଳେ ସଂଜୟ ମଛଖଣ୍ଡ, ଅଜୟ ମଛଖଣ୍ଡ ମାଧୁରୀ ସ୍ୱାଇଁ ପ୍ରମୁଖ ସହଯୋଗ କରିଥିଲେ ।