06-Dec-2021

କର୍ଲାମୁଣ୍ଡା (ପ୍ରଦିପ କୁମାର ସାହୁ)
ସରକାର ଙ୍କ ଦ୍ଵାରା ବିଭିନ୍ନ ହାଇସ୍କୁଲ ଗୁଡ଼ିକ  ସ୍ମାର୍ଟ ସ୍କୁଲ ର ମାନ୍ୟତା ପାଇବା ପରେ ରୂପରେଖ ସମ୍ପୂର୍ଣ୍ଣ ରୂପେ ବଦଳି ଯାଇଛି।ତେବେ ସ୍କୁଲ ଗୁଡିକରେ ଆବଶ୍ୟକ ଶିକ୍ଷକ ଶିକ୍ଷୟିତ୍ରୀ ପଦବୀ ଖାଲି ରହିଥିବାରୁ ସ୍ମାର୍ଟ ସ୍କୁଲ ବ୍ୟବସ୍ଥା ଖାଲି କେବଳ ପ୍ରହସନ ବୋଲି ବୁଦ୍ଧି ଜୀବୀ ମହଲରେ ଚର୍ଚ୍ଚା ହେଉଛି। ଏଭଳି ସମସ୍ୟା କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ର ରିଷିିଡା ସ୍ଥିତ ସରକାରୀ ବାପୁଜୀ ଉଚ୍ଚବିଦ୍ୟାଳୟ ରେ ଦେଖିବାକୁ ମିଳିଛି।ଚଳିତବର୍ଷ ଏହି ବିଦ୍ୟାଳୟ ରେ ପ୍ରଥମ ଶ୍ରେଣୀ ରୁ ଦଶମ ଶ୍ରେଣୀ ପର୍ଯ୍ୟନ୍ତ ମିଶ୍ରଣ ହେବା ସହିତ ସ୍ମାର୍ଟ ସ୍କୁଲ ର ମାନ୍ୟତା ପାଇଛି।ଏଥିପାଇଁ ସରକାର ଙ୍କ ପକ୍ଷରୁଭିତ୍ତିଭୂମି ବିକାଶ ପାଇଁ ୪୫ଲକ୍ଷ ଟଙ୍କା ଅନୁଦାନ ରାଶି ଆସି ଖର୍ଚ୍ଚ ହେଈଛି । ହେଲେ ଏଠାରେପ୍ରଥମ ରୁ ଅଷ୍ଟମ ଶ୍ରେଣୀ ରେ୧୬୪ ଜଣ ଛାତ୍ରୀ/ଛାତ୍ର ଙ୍କ ଶିକ୍ଷା ଦାନ ପାଇଁ-୫ ଜଣ ଶିକ୍ଷକ ରହିଥିବା ବେଳେ ନବମ ଓ ଦଶମ ଶ୍ରେଣୀର ୧୪୧ ଜଣ ଛାତ୍ରୀ /ଛାତ୍ର ଙ୍କୁ ପାଠ ପଢ଼ାଇବା ପାଇଁ ଜଣେ ହିନ୍ଦୀ ଶିକ୍ଷକ ଓ ଜଣେ ଖେଳ ଶିକ୍ଷକ ହିଁ ରହିଛନ୍ତି  । ଏପରି ସ୍ଥଳେ ଛାତ୍ରୀ/ଛାତ୍ର ଙ୍କୁ କେମିତି ପାଠ ପଢା ଯାଉଥିବ, ତାହା ସହଜେ ଅନୁମାନ କରାଯାଇ ପାରେ ।ଏଣୁ ସରକାର ଏ ଦିଗରେ ଧ୍ୟାନ ଦେଇ ପ୍ରଧାନ ଶିକ୍ଷକ ସମେତ ବିଜ୍ଞାନ , ଗଣିତ ,କଳା,ସଂସ୍କୃତ,କମ୍ପ୍ୟୁଟର ଶିକ୍ଷକ ପଦବୀ ଗୁଡିକ ପୂରଣ କରିବା ପାଇଁ ଅଂଚଳବାସୀ ଦାବୀ ଜଣାଇଛନ୍ତି ।ଅନ୍ୟ ପଟେ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରିଥିଲେ ହେଁ କିଛି ଲାଭ ମିଳୁ ନ ଥିବା ଅଭିଭାବକ ମାନେ କହିଛନ୍ତି।