21-Nov-2021

ସାଲେପୁର:ଆଇ ଆମ୍ ସରି,ବାପା ମମ୍ମି। ମୁଁ ତମ ମାନଙ୍କୁ ବହୁତ ମିଛ କହିଛି, କିନ୍ତୁ ମତେ ତମେ ମାନେ କ୍ଷମା କରିଦେବ। ଜୀବନରେ ଗୋଟେ ଭଲ ଝିଅ ହୋଇ ପାରିଲିନି ମୁଁ। ସେ ସିପୁନ୍ ମୋତେ ବହୁତ ହଇରାଣ କଲା,ବ୍ଲାକ୍ ମେଲ ବି କଲା କାଳେ ତମ ମାନଙ୍କର କିଛି ଅସୁବିଧା ହବ ମୁଁ ସୁଇସାଇଡ୍ କରିବାକୁ ଠିକ୍ ମନେ କଲି। ଯେତେ କଷ୍ଟ ଦେଇଛୁ ଆମେ ଭାଈ, ଭଉଣୀ ତମେ ମାନେ ବହୁତ ସହିଛ।ସୋ ମୋତେ କ୍ଷମା କରିଦେବ।"

"ସିପୁନ୍ ତା ମା', ବାପା,ଭାଈ, ଭାଉଜ ସମସ୍ତେ ସବୁ କଥା ଜାଣନ୍ତି ବଟ୍ କିଛି ବୁଝିଲେନି।ସୋ ମୁଁ ଏତିକି ଚାହୁଁଛି ଯେ,ମୋ ମରିବା ପାଇଁ ଯିଏ ସବୁ ଦାୟୀ ତାକୁ କଠିନ ଦଣ୍ଡ ମିଳୁ"। ଏହା ଲେଖି ନିଜ ଘରେ ସିଲିଂ ଫ୍ୟାନ୍ ରେ ରଶି ଲାଗାଇ ଆତ୍ମହତ୍ୟା କଲେ।
 ଚଳିତ ମାସ ୯ ତାରିଖରେ କଟକ ଜିଲ୍ଲା ସାଲେପୁର ଥାନା ସୁନାଖଣ୍ଡି ଗାଁ ର ପ୍ରହଲ୍ଲାଦ ବେହେରା ଙ୍କ  ଝିଅ ସ୍ବୟଂପ୍ରଭା ବେହେରା ଓରଫ ଲିପି ଙ୍କ ଆତ୍ମହତ୍ୟା ଘଟଣାର ନୂଆ ମୋଡ଼। ଝିଅ ର ଆତ୍ମହତ୍ୟା ର ଦିନକ ପରେ ଅର୍ଥାତ୍ ଗତ ୧୦ ତାରିଖ ରେ ଝିଅ ରହୁଥିବା ରୁମ୍ ସଫା କଲା ବେଳେ ସୋଫା ତଳୁ ପରିବାର ଲୋକେ ଝିଅ ର ଏକ ସୁଇସାଇଡିଆଲ୍ ନୋଟ୍ ପାଇଲେ। ସେଥିରେ ମୃତକ ଲିପି ଲେଖିଥିଲେ ଯେ,"ତାଙ୍କ ମୃତ୍ୟୁ ପାଇଁ ସିଦ୍ଧାର୍ଥ ରାଉତ ଓରଫ୍ ସିପୁନ୍ ହିଁ ଦାୟୀ। ଏହା ପରେ ପରିବାର ଲୋକେ ସେହି ୧୦ ତାରିଖ ରେ ସୂଇସାଇଡିଆଲ୍ ନୋଟ୍ ସହ ଏକ ଲିଖିତ ଏତଲା ସାଲେପୁର ଥାନାରେ ଦେଇଥିଲେ।
ଚଳିତ ମାସ ୧୦ ତାରିଖ ରୁ ପରିବାର ଲୋକେ ସାଲେପୁର ଥାନା ରେ ଏତଲା ଦେଇଥିଲେ ମଧ୍ୟ ସାଲେପୁର ପୋଲିସ କୈାଣସି କାର୍ଯ୍ୟାନୁଷ୍ଠାନ ନେଲା ନାହିଁ। ବରଂ ମୃତକ ଲିପି ଙ୍କ ପରିବାର ଲୋକଙ୍କୁ ସାଲେପୁର ଥାନା ଅଧିକାରୀ ଧମକ ଦେଇଥିବା ଅଭିଯୋଗ କରିଛନ୍ତି ପରିବାର ଲୋକେ।ପରେ ଏ ଘଟଣା ସାଲେପୁର ଏସଡିପିଓ ପ୍ରଶାନ୍ତ ମାଝୀ ଙ୍କ ଦୃଷ୍ଟିକୁ ଆସିବାରୁ  ଅର୍ଥାତ୍ ୧୮ ତାରିଖ ରେ ସାଲେପୁର ଥାନା କେସ୍ ନମ୍ବର ୩୧୯/୨୦୨୧ ରେ ମାମଲା କରି ୩୦୬,୩୪ ଆଇପିସି ଧାରା ଲଗାଇ ଝାଡିଝୁଡି ହୋଇ ବସି ଯାଇଛି ସାଲେପୁର ପୋଲିସ। ଖାଲି ସେତିକି ନୁହେଁ ସାଲେପୁର ଥାନା ଅଧିକାରୀ ମୃଣ୍ମୟ ସେନାପତି ମୃତକା ସ୍ବୟଂପ୍ରଭା ବେହେରା ଓରଫ ଲିପି ଙ୍କ ବାପା ପ୍ରହଲ୍ଲାଦ ବେହେରା ଚଳିତ ମାସ ୧୦ ତାରିଖ ରେ ସାଲେପୁର ଥାନା ରେ ଦେଇଥିବା ଲିଖିତ ଏତଲା କୁ ସାଲେପୁର ଥାନା ଅଧିକାରୀ କିଭଳି ଇ-ରେଜର୍ ମାରି ତାରିଖ ବଦଳାଇ ୧୮ ତାରିଖ ଲେଖିଛନ୍ତି, ତାକୁ ଟିକେ ଦେଖନ୍ତୁ। ନିୟମ ଅନୁଯାୟୀ ଲିଖିତ ଏତଲା କୁ ଇ-ରେଜର୍ ମାରି ଲିଭାଇବା ଏକ ଦଣ୍ଡନୀୟ ଅପରାଧ। ଖୋଦ୍ ସାଲେପୁର ଥାନା ଅଧିକାରୀ ମୃଣ୍ମୟ ସେନାପତି ଯଦି ଏଭଳି କରନ୍ତି ତେବେ ତାଙ୍କ ପାଇଁ କ'ଣ ଆଇନି ଅଲଗା ? ପ୍ରଶ୍ନ ଉଠୁଛି ଝିଅ ହରାଇଥିବା ବାପା ଯଦି ୧୦ ତାରିଖ ରେ ଥାନା ରେ ଏତଲା ଦେଲେ ତେବେ ୮ ଦିନ ପରେ ଅର୍ଥାତ୍ ୧୮ ତାରିଖ ରେ କ'ଣ ପାଇଁ କେସ୍ ରେଜିଷ୍ଟ୍ରେସନ କଲା ସାଲେପୁର ପୋଲିସ ? କ'ଣ ଅଭିଯୁକ୍ତ ସିଦ୍ଧାର୍ଥ ରାଉତ ଓରଫ୍ ସିପୁନ୍ କୁ ଖସାଇ ଦେବା ପାଇଁ ଯୋଜନା କରିଥିଲା କି ସାଲେପୁର ପୋଲିସ ? ଏପଟେ ସିପୁନ୍ ତାଙ୍କ ପରିବାର ଙ୍କୁ  ଏ ଘଟଣା ବାବଦରେ ଯୋଗାଯୋଗ କରିବାକୁ ଚେଷ୍ଟା କରିଥିଲୁ କିନ୍ତୁ ତାଙ୍କ ନିଜ ଘର ତାଲା ପଡ଼ିଥିଲା ଓ ମୋବାଇଲ୍ ସୁଇଜ୍ ଅଫ୍ ଥିବାରୁ ସମ୍ଭବ ହୋଇ ପାରିନଥିଲା। 
ସ୍ବୟଂପ୍ରଭା ସାଲେପୁର ଫାର୍ମାସିଷ୍ଟ କଲେଜର ବି ଫାର୍ମାସିଷ୍ଟ ରେ ଟପ୍ପର ଓ ମେଧାବୀ ଛାତ୍ରୀ ଥିଲେ। ତାଙ୍କୁ କିଭଳି ଆଉ କେଉଁ ପାଇଁ ସିପୁନ୍ ବ୍ଲାକ ମେଲିଂ କଲା ଯାହା ଫଳରେ ସ୍ବୟଂପ୍ରଭା ଓରଫ୍ ଲିପି ମୃତ୍ୟୁ ର ପଥ ବାଛି ନେଲେ ? ଏଠି ପୋଲିସ ର ସ୍ବଛତା କାଠଗଡ଼ାରେ। କାରଣ ଏଫଆଇଆର କୁ ସିଧାସଳଖ ଟାମ୍ପରିଙ୍ଗ୍ କରିଛନ୍ତି ସାଲେପୁର ଥାନା ଅଧିକାରୀ, ଯାହାକୁ ସିଧାସଳଖ ଅଭିଯୋଗ କରିଛନ୍ତି ଲିପି ଙ୍କ ବାପା। ତେଣୁ ତୁରନ୍ତ ଏବଂ ସଠିକ୍ ଢଙ୍ଗରେ ଯଦି ତଦନ୍ତ ନହେବ ତେବେ ଅକାଳରେ ଜଣେ ଯୁବକର ବ୍ଲାକ୍ ମେଲ ପାଇଁ ଜଣେ ମେଧାବୀ ଛାତ୍ରୀ ର ଜୀବନ ହରାଇବାର କାରଣ କାଳ କାଳକୁ ପୋଲିସ ଫାଇଲ୍ ତଳେ ରହିଯିବ