21-Nov-2021

ଭୁବନେଶ୍ୱର,,ଗୁରୁ ବାବା ନାନକଙ୍କ ଜନ୍ମ ଦିନ ଉପଲକ୍ଷେ ଖାରବେଳ ନଗର ୟୁନିଟ ୩ ସ୍ଥିତ ଗୁରୁଦ୍ୱାରା ସିଂ ସଭା ଚଳଚଂଚଳ ହୋଇଛି । ଗୁରୁବାବା ନାନକଙ୍କ ପ୍ରତି ମାନ୍ୟକାରୀଙ୍କ ଶ୍ରଦ୍ଧା ଓ ଉତ୍ସାହ ଦେଖିବାକୁ ମିଳିଛି ।  ମାନବବାଦ ଏବଂ ଭାଇଚାରାର ବାର୍ତା ବାଂଟିବା ପାଇଁ ଅହମଦୀୟା ମୁସଲିମ ସମ୍ପ୍ରଦାୟ ଭୁବନେଶ୍ୱରର ମୌଲାନା ଫଜଲ ହକ ଖାଁ,ପ୍ରଚାର ସଚିବ ମୁବାରକ ଅହମଦ, ତହରିକ ଜଦିଦ ସଚ୍ଚିବ ନିଜାମୁଦ୍ଦିନ  ଖାଁ, ଅତିଥି ସତ୍କାରକ ସଚ୍ଚିବ ତାହେର ଅହମଦ ଖାଁ, ଯୁବ ସଂଗଠନର ସଭାପତି ଅହମଦ ସଲାମ ଏବଂ ସମିର ଅହମଦ ପ୍ରମୁଖ ଗୁରୁଦ୍ୱାରାକୁ ଯାଇ ସେବାଦାରଙ୍କ ସହ ଭେଟ କରିି ବିଶ୍ୱଭାଇଚାରାର ବାର୍ତା ଦେଇଥିଲେ । ମିଷ୍ଟାନ ଉପହାର ସହ ପୁସ୍ତକ ବିଶ୍ୱ ସଂକଟ ଏବଂ ଶାନ୍ତିର ପଥ ଉପହାର ଭେଟ କରିଥିଲେ ।  ପ୍ରକାଶ ଥାଉ କି ବିଶ୍ୱବ୍ୟାପ୍ତ ଅହମଦୀୟା ମୁସଲିମ ସମ୍ପ୍ରଦାୟ ସମସ୍ତ ଧର୍ମାବତାରମାନଙ୍କ ଉପରେ ନିଃସନ୍ଦେହରେ ବିଶ୍ୱାସ ଆଣିଥାଏ । ସେମାନଙ୍କୁ ଈଶ୍ୱର ପ୍ରେରୀତ ଦୂତ ମନେକରିଥାଏ । ସମସ୍ତ ଅବତାର ଓ ଧର୍ମ ପୁସ୍ତକର ସମ୍ମାନ ଓ ସତ୍କାର କରିଥାଏ । 
          ଗୁରୁ ବାନା ନାନକ କୁହନ୍ତି; କେବେବି କାହାରି ଅଧିକାରକୁ ଛଡ଼ାଇ ନିଅ ନାହିଁ । ଦୁନିଆରେ କେହି ବ୍ୟକ୍ତି ଭ୍ରମରେ ନରହୁ କି କୌଣସି ଗୁରୁ ବିନା କେହି ଅନ୍ୟ ପାରିକୁ ପହଂଚିପାରିବ । ଗୁରୁ ଦ୍ୱାରା ସୁଖି ରହିବ ପରିବାର । ଈଶ୍ୱର ଏକ । ସେ ସର୍ବତ୍ର ବିଦ୍ୟମାନ । ସେଥିଯୋଗୁଁ ଆମ ସଭିଙ୍କୁ ମିଳିମିଶି ରହିବା ଉଚିତ୍ । ଏ ଦୁନିଆ ଦୁଃଖ କଷ୍ଟରେ ଭରା, ଯାହାକୁ ନିଜ ଉପରେ ଭରସା ଅଛି ସେହିଁ ବୀଜୟ ଲାଭ କରିବ । କେବଳ ସେହି କଥା କହିବା ଉଚିତ୍ ଯାହା ଅମକୁ ସମ୍ମାନ ଦେଇପାରିବ । ନା କେହି ହିନ୍ଦୁ , ନା କେହି ମୁସଲମାନ ଆମେ ସମସ୍ତେ ମନୁଷ୍ୟ ସେଥି ଯୋଗୁଁ ଆମେ ସମାନ । ଜୀବନରେ କେବେ ହେଲେ ଏହା ଭାବ ନାହିଁ କି କୌଣସି କାର୍ଯ୍ୟ କଠିନ । ତଳେ ବଶିଥିବା ବ୍ୟକ୍ତି କେବେ ହେଲେ ଗଡ଼ିପଡ଼ି ନଥାଏ । ଲାଲଚ ମନର ମଇଳା ଏବଂ ମିଛ ଜିହ୍ୱାର ମଇଳା । ଆଖିର ମଇଳା ପର ସ୍ତ୍ରୀ ଉପରେ ଲୋଲୁପ ଦୃଷ୍ଟି ପକାଇବା । କାନର ମଇଳା ଖରାପ କଥା ଶୁଣିବା । ଯେଉଁ ଦିନ ଆମ ଆତ୍ମା ପରମାତ୍ମା ସହ ବାର୍ତାଳାପ କରିବା ଆରମ୍ଭ କରିଦେବ, ସେହି ଦିନ ଠାରୁ ଆମ ଅସୁବିଧା ଆମ ଠାରୁ ଛାଡ଼ି ଚାଲିଯିବ । ଏହି ବନ୍ଧୁମିଳନ ଅବସରରେ ଗୁରୁଦ୍ୱାରା କମିଟିର ମୁଖ୍ୟ ମହିନ୍ଦର ସିଂ, ସୁରେନ୍ଦର ସିଂ, ହରଦେବ ସିଂ ଏବଂ ସତପାଲ ସିଂ ପ୍ରମୁଖ ଯୋଗ ଦେଇଥିଲେ ।