20-Nov-2021

ନର୍ଲା (ସଞ୍ଜୀବ ଦାସ) କେସିଙ୍ଗା ଥାନା ଅଧିନ କାଣ୍ଡେଲ୍ ବ୍ରିଜ୍ ନିକଟରେ ଶନିବାର ସନ୍ଧ୍ୟାରେ ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ବାଇକ୍ ଚାଳକଙ୍କ ସମେତ ତିନିଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଥିବା ଜଣାପଡିଛି । ସୂଚନାମତେ ରୁପ୍ରା ଗ୍ରାମର ରଞ୍ଜନ ସେନାପତି ତାଙ୍କପତ୍ନୀ ରାଜଲକ୍ଷ୍ମୀ ସେନାପତି ଓ ଏକମାତ୍ର ପୁଅ ବିଧାନ ୨ ବର୍ଷ ହେବ ବାଇକ ନଂ OD03G 1930 ରେ ତାଙ୍କ ଶଶୁର ଘରକୁ ଯାଉଥିବା ସମୟରେ କାଣ୍ଡେଲ୍ ବ୍ରିଜ୍ ନିକଟରେ ସାମନା ପଟୁ ଆସୁଥିବା ବୁଲେଟ୍ ନଂ OD08H 4806 ସହିତ ମୁହାଁମୁହିଁ ଧକ୍କା ହୋଇଥିବା ଜଣାପଡିଛି, ବୁଲେଟ୍ ଚାଳକ କାଣ୍ଡେଲ ଗ୍ରାମର କ୍ଷୀରସିନ୍ଧୁ ବାଗ ବୋଲି ଜଣାପଡିଛି ।

ଏହି ଧକ୍କା ହେବା ଫଳରେ ରୁପ୍ରା ଗ୍ରାମର ରଞ୍ଜନ ସେନାପତିଙ୍କ ଡାହାଣ ହାତ ଓ ହାତର ଦୁଇଟି ଆଙ୍ଗୁଠି ଭାଙ୍ଗିଥିବା ବେଳେ ତାଙ୍କପତ୍ନୀଙ୍କ ମୁଣ୍ଡରେ ଆଘାତ ଲାଗିଛି ଓ ଛୋଟଶିଶୁ ବିଧାନର ନାକରୁ ରକ୍ତସ୍ରାବ ହେଉଥିବା ତାଙ୍କ ପରିବାରର ବିକାଶ ସେନାପତି ପ୍ରକାଶ କରିଛନ୍ତି । ଦୁର୍ଘଟଣା ସମ୍ପର୍କରେ ପରିବାର ଲୋକେ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ଥିଲେ, ଆମ୍ୱୁଲେନ୍ସ୍ ଆସିବାପରେ କେସିଙ୍ଗା ହସପିଟାଲ୍ କୁ ନିଆଯାଇ ପ୍ରାଥମିକ ଚିକିତ୍ସାପରେ ଭବାନୀପାଟଣାକୁ ନେଇଥିବା ଜଣାପଡିଛି । ତେବେ ଏସମ୍ପର୍କରେ କେସିଙ୍ଗା ଥାନାରେ କୌଣସି ମାମଲା ଦରଜ ହୋଇନଥିବା ସେକେଣ୍ଡ ଅଫିସର ଦୀପାଞ୍ଜଳୀ ପ୍ରଧାନ କହିଛନ୍ତି ଓ ଦୁର୍ଘଟଣା ଘଟିଥିବା ଦୁଇଟି ବାଇକକୁ ଜବତ କରି ଥାନାକୁ ନେଇଥିବା ପ୍ରକାଶ କରିଛନ୍ତି ।