20-Oct-2021

 ବିନିକା(ହିମାଂଶୁ ଶେଖର ପୁଟେଲ): ଆଜି ସଂନ୍ଧ୍ଯାରେ ବିନିକା-ଏସ ରାମପୁର ମୁଖ୍ୟ ରାସ୍ତାର ବିଶାଳପାଲି ଛକ ନିକଟରେ ୨ଟି ବାଇକ ଯୋଗେ ଆଗେପଛେ  ଯାଉଥିବା ଗୋଟିଏ ପରିବାରର ୪ ଜଣକୁ ୨ଜଣ ଅଜଣା ବ୍ୟକ୍ତି ଅଟକାଇ ଜଣଙ୍କ ମୁଣ୍ଡରେ ବନ୍ଧୁକ ଦେଖାଇ ଆଖି ପିଇଛୁଲାକେ ତାଙ୍କ ଠାରୁ ସୁନାହାର, ନଗଦ ୫ହଜାର ଟଙ୍କା ଓ ବ୍ୟାଗ ଲୁଟି ନେଇ ଚଂମ୍ପଟ ମାରିବା ଘଟଣା ରାସ୍ତାରେ ଯାଆ ଆସ କରୁଥିବା ଲୋକଙ୍କ ପାଇଁ ଅସୁରକ୍ଷିତ ହୋଇପଡିଛି l ଘଟଣାରୁ ପ୍ରକାଶ ଯେ ଆଜି ସନ୍ଧ୍ୟା ସମୟରେ  ଦେବାଶିଷ ସାହୁ.ଟଙ୍କଧର ସାହୁ,ଲଳିତ ସାହୁ ଓ ତାଙ୍କ ସ୍ତ୍ରୀ ଭଗବତୀ ସାହୁ ଉଲୁଣ୍ଡା ବ୍ଲକ କୋଟସମଲାଇ ନିଜ ଶଶୁର ଘରରୁ ୨ଟି ବାଇକ ଯୋଗେ ବିନିକା ବ୍ଲକ ସିଂଘିଯୁବା ନିଜ ଘରକୁ ଫେରୁଥିବା ବେଳେ ସଂଧ୍ୟା ହୋଇ ଯାଇଥିଲା ଫଳରେ ସ୍ତ୍ରୀ ପିନ୍ଧିଥିବା ସୁନାହାର,  କାନଫୁଲ,ନଗଦ ୫ହଜାର ଟଙ୍କା,ସମ୍ବଲପୁରୀ ଶାଢ଼ୀ ୪ ଗୋଟି ଓ ଅନ୍ୟାନ୍ୟ ସାମଗ୍ରୀକୁ ବ୍ୟାଗରେ ଭର୍ତି ଟଙ୍କଧରକୁ ଧରିବା ପାଇଁ ଦେଇଥିଲେ l ରାତି ପ୍ରାୟ ୬ଘଣ୍ଟା୩୦ମି ସମୟରେ ବିଶାଳପାଲି ଛକରେ ଥିବା ହମ୍ପସ ଅତିକ୍ରମ ବେଳେ ଗାଡ଼ିର ଗତି ଧୀରେ ହୋଇ ଯିବାରୁ କଳା ପଲସରରେ ଦୁଇ ଜଣ ଯୁବକ ହଠାତ୍ ପହଞ୍ଚି ଦେବାଶିଷସାହୁଙ୍କ ପଛରେ ବସିଥିବା ଟଙ୍କଧର  ସାହୁଙ୍କ ମୁଣ୍ଡରେ ବନ୍ଧୁକ ରଖି ଉକ୍ତ ବ୍ୟାଗକୁ ଛଡାଇ ନେଇଥିଲେ । ଘଟଣା ପରେ ରାସ୍ତାରେ ଯାଆ ଆସ କରୁଥିବା ଲୋକଙ୍କ ଭିଡ଼ ଜମିଲା l ଖବର ପାଇ ବିନିକା ପୋଲିସ ଘଟଣାସ୍ଥଳକୁ ପହଂଚି ଅନୁସନ୍ଧାନ ଆରମ୍ଭ କରିଥିବା ବେଳେ ଏନେଇ ଦେବାଶିଷ ସାହୁ ବିନିକା ଥାନାରେ ଲିଖିତ ଅଭିଯୋଗ କରିଛନ୍ତି l