24-Jul-2021

ଟିଟିଲାଗଡ,(ପ୍ରେରଣା ଖବର) :ଟିଟିଲାଗଡ ୱାର୍ଡ ନଂ-୧୪ ରେ ଜଣେ ମହିଳା ଙ୍କ ଘରେ ପଶି ଗତ ରାତିରେ କେହି ହତ୍ୟା କରି ଫେରାର ହୋଇଯାଇଥିବା ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି । ସୂଚନା ଅନୁଯାୟୀ ଟିଟିଲାଗଡ ୱାର୍ଡ ନଂ-୧୪ ରେ ଗତ ଚାରି ବର୍ଷ ଧରି କଳାହାଣ୍ଡି ଜିଲ୍ଲା ବିଶ୍ୱନାଥ ପୁର ରୁ ଗୁଣନିଧି ଡାକୁଆ ତାଙ୍କ ସ୍ତ୍ରୀ ଲିଜା ଡାକୁଆ ଆସି ବିଭୁତି ଦଳେଇ

ଙ୍କ ଘରେ ଭଡ଼ା ରେ ରହୁଥିଲେ । ଗତ ଶୁକ୍ରବାର ଅପରାହ୍ନ ସମୟରେ ମୃତା ଲିଜା ଡାକୁଆ(ବ-୨୭) ସାଇ ରେ ଚଳ ପ୍ରଚାଳ  ସ୍ୱାଭାବିକ ଭାବରେ କରୁଥିବା  ବେଳେ ଆଜି ସକାଳ ପ୍ରାୟ ଛଟା ସମୟରେ ଘର ମାଲିକ କବାଟ ଖୋଲା ଥିବା ଦେଖି ଡାକିଥିଲେ କିନ୍ତୁ କିଛି ଉତ୍ତର ନ ଶୁଣି ତାଙ୍କ ସ୍ତ୍ରୀ ସହ ପଶି ସେ ମୃତ ଅବସ୍ଥାରେ ପଡିଥିବା ଦେଖି ଟିଟିଲାଗଡ ଥାନା ରେ ସୂଚନା ଦେଇଥିଲେ । ମୃତ ଲିଜା ଙ୍କ ସ୍ୱାମୀ ଗୁଣନିଧି ଡାକୁଆ  ମୁନିଗୁଡା ଯାଇସେଠି ଅନ୍ୟ ଏକ ସ୍ତ୍ରୀ ସହ ରହୁଥିବା ବେଳେ ଲିଜା ଏକୁଟିଆ ରହୁଥିଲେ । ପାରିବାରିକ କଳହ ରହୁଥିବା ବେଳେ ଏଠି ଏକ ଗ୍ରୁପ ଲୋନ ମନ୍ଧ୍ୟ ରହିଥିଲା । କଟକ ରେ ମୃତ ଲିଜା ଙ୍କ ମାଆ ଘର ହୋଇଥିବା ବେଳେ ପାରିପାର୍ଶ୍ବିକ ଅବସ୍ଥା ଓ କବାଟ ଖୋଲା ଅବସ୍ଥାରୁ ସନ୍ଦେହ ସୃଷ୍ଟି ହେଉଛି ଯେ କେହି ଗତ ରାତି ରେ ଆସି ପୁଣି ଚାଲିଯାଇଛି । ମୃତ ଲିଜା ଙ୍କ ବ୍ୟବହାର କରୁଥିବା ମୋବାଇଲ ମନ୍ଧ୍ୟ ତାଙ୍କ ନିକଟରେ ନ ଥିବା ଜଣାପଡ଼ିଛି । ସ୍ୱାମୀ ଗୁଣନିଧି ପ୍ରେମ ବିବାହ କରିଥିବା ବେଳେ ସେ ଅନ୍ୟ ଏକ ସ୍ତ୍ରୀ ମୁନିଗୁଡା ରେ ବିବାହ କରି ଥିବା ଓ ଏକ କନ୍ୟା ସନ୍ତାନ ଥିବା ବେଳେ ସେ  ନେଇ ମୃତ ଲିଜା ଙ୍କୁ ସଠିକ ଭାବେ ଚଳିବା ଖର୍ଚ୍ଚ ଦେଉ ନ ଥିବା ଚର୍ଚ୍ଚା ହେଉଛି ।  କେହି ଜଣେ ଆସି ତାଙ୍କୁ ଘରେ ହତ୍ୟା କରିଦେଇ ଫେରାର ହୋଇଯାଇଥିବାରୁ କବାଟ 

ଖୋଲା ଥିବା ସନ୍ଦେହ ସୃଷ୍ଟି ହୋଇଛି । ବର୍ତ୍ତମାନ ତାଙ୍କ ସ୍ବାମୀ ବସ ରେ ମୁନିଗୁଡା ରୁ ଆସୁଛି ବୋଲି ଫୋନ ରେ କହିଥିବା ପ୍ରକାଶ ପାଇଛି । ଏ ନେଇ ପୋଲିସ ସବିଶେଷ ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ ସ୍ଥାନୀୟ ଅଞ୍ଚଳରେ ଦାବୀ ହୋଇଛି ।