04-Oct-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ଥିତ ସିଦ୍ଧାର୍ଥ କନିଷ୍ଠ ମହାବିଦ୍ୟାଳୟ  ଠାରେ ରବିବାର ଯୁବରେଡକ୍ରସ ଓଡ଼ିଶା ଆନୁକୂଲ୍ୟରେ ଏକଦିବସୀୟ ଜିଲ୍ଲାସ୍ତରୀୟ ପ୍ରାଥମିକ ଚିକିତ୍ସା ସଚେତନତା ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।କଲେଜ ଅଧ୍ୟକ୍ଷା ଡ଼ ଶ୍ରୀମତୀ ରେଖା ପ୍ରଧାନଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ମୁଖ୍ୟଅତିଥି ଭାବେ ସୁବର୍ଣପୁର ଅତିରିକ୍ତ ଜିଲ୍ଲାପାଳ ଶ୍ରୀମତୀ ଆଞ୍ଜଳିନା ପାଧାନ,ସମ୍ମାନିତ ଅତିଥି ଭାବେ ଜିଲ୍ଲା ଚିକତ୍ସାଧିକାରୀ ଅଧିକାରୀ ଡ଼ ଶ୍ରୀମତୀ ଉଷାରାଣୀ ଦାଶ, ଜିଲ୍ଲା ୟୁବରେଡକ୍ରସ କାର୍ଯ୍ୟକାରିଣୀ ଅଧ୍ୟକ୍ଷ ରାଧାକାନ୍ତ ନାୟକ,ଜିଲ୍ଳା ରେଡକ୍ରସ ସଂଯୋଜକ ବିଶ୍ଵନାଥ ମିଶ୍ର,ଆବାହକ ଉମାକାନ୍ତ ନାଗ, ସିଦ୍ଧାର୍ଥ ସ୍ନାତକ ମହାବିଦ୍ୟାଳୟ ଅଧ୍ୟକ୍ଷ ଧୀରେନ୍ଦ୍ର ନାୟକ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ। ଏହି  କାର୍ଯକ୍ରମରେ ଜିଲ୍ଲାର କୋଣ ଅନୁକୋଣରେ ଥିବା ପ୍ରାୟ ଚାଳିଶଟି କଲେଜର ଦୁଇଶହ ସ୍ୱେଚ୍ଛାସେବୀ ଅଂଶ ଗ୍ରହଣ କରିଥିଲେ। ସ୍ୱେଚ୍ଛାସେବୀ ମାନଙ୍କୁ ପଚରାଉଚୁରା ଏବଂ ପ୍ରଶିକ୍ଷଣ ଦେବାପାଇଁ ଚାରୋଟି ଗ୍ରୁପରେ ଚାରିଜଣ ପ୍ରସିଦ୍ଧ ପ୍ରଶିକ୍ଷକ ଦାୟିତ୍ଵ ତୁଲାଇଥିଲେ।  ସିଦ୍ଧାର୍ଥ କନିଷ୍ଠ ମହାବିଦ୍ୟାଳୟ ପରାମର୍ଶଦାତା ଅଧ୍ୟାପକ ଧନେଶ୍ଵର ସାହୁ ସଭାକୁ ପରିଚାଳନା କରିଥିବା ବେଳେ ଶେଷରେ ଅଧ୍ୟାପକ ଡ଼ ନୀଳମାଧବ ଛତ୍ର ଧନ୍ୟବାଦ ଅର୍ପଣ କରିଥିଲେ।