20-Jun-2021

ଲୋଇସିଂହା, (ବିନୋଦ କୁମାର ଦୀପ ): ବଲାଙ୍ଗୀର ଜିଲ୍ଲା  ଲୋଇସିଂହା ଥାନା ଅନ୍ତର୍ଗତ ସକମା ପଂଚାୟତ କୁଟୁରାପାଲି ଠାରେ ଜମି ବିବାଦକୁ ନେଇ ଆଜି ସକାଳେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ଉଗ୍ର ରୂପ ଧାରଣ କରିଛି l ଜମିଜମା କଳହରୁ ସୂତ୍ରପାତ ହୋଇଥିବା ଏହି ସଂଘର୍ଷରେ ପ୍ରସନ୍ନ କୁମାର

ବାଗ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି l ଏଥିରେ  ୫ ଜଣ ଦଶରଥ ବାଗ, କସରତ ବାଗକୁ  ଲୋଇସିଂହାରୁ ବଲାଙ୍ଗୀର ହସ୍ପିଟାଲକୁ ସ୍ଥାନାନ୍ତର କରାଯିବା ବେଳେ ଆକାଶ ବାଗ, ସୁନିଲ ବାଗ, କୈଳାସ    ଷlଣ୍ଡ  ଗୁରୁତର ଅବସ୍ଥାରେ ଲୋଇସିଂହା ହସ୍ପିଟାଲରେ ଚିକିତ୍ସିତ ହେଉଛନ୍ତି l ମୃତ ପ୍ରସନ୍ନ ବାଗଙ୍କ ପୁତୁରା ଆକାଶ ବାଗ କହିବା ଅନୁଯାୟୀ ପ୍ରସନ୍ନ ଆଜି ସକାଳେ ନିଜ ଜମିକୁ ଚାଷ କରିବାକୁ ଯାଇଥିଲା l ଏହି ସମୟରେ ଗାଁ ର ଅନ୍ୟ କିଛି ଲୋକ ଆସି  ପ୍ରସନ୍ନଙ୍କ ଜମିରେ ଚାଷ କରିବା ଦେଖି ତାଙ୍କୁ ମନାକରିବାରୁ ଦୁଇ ଗୋଷ୍ଠୀ ମଧ୍ୟରେ କନ୍ଦଳ ଦେଖା 

ଦେଇଥିଲା l  ବାକ୍ ବିତଣ୍ଡା ପରେ ହଠାତ୍ ପ୍ରାୟ ୧୫-୧୬ ଜଣ ଲୋକ ମାରଣାସ୍ତ୍ର ଧରି ପ୍ରସନ୍ନଙ୍କ ଉପରେ ଅତର୍କିତ ଭାବେ  ଆକ୍ରମଣ କରିଥିଲେ l  ଏହି ଘଟଣାକୁ ନେଇ ଲୋଇସିଂହା ଥାନାରେ ଏକ ମାମଲା ରୁଜୁ ହୋଇଛି l ଲୋଇସିଂହାର  ପୋଲିସ ର ଏକ ଟିମ୍ ଘଟଣାର ତଦନ୍ତ ଆରମ୍ଭ କରିଛନ୍ତି l