15-Jun-2021

କଟକ, ଟାଙ୍ଗି ଡ୍ରିମ୍ସ କୋଭିଡି କେୟାର ହସ୍ପିଟାଲରେ ଗତ ୪ ତାରିଖ ଦିନ ଚୌଦ୍ୱାର ଦେବୀନଗର ଗ୍ରାମର  ଜଣେ ପ୍ରତିଷ୍ଠିତ ବ୍ୟବସାୟୀ ସୁକୁମାର ସୁବିଧିରାୟଙ୍କୁ ଚିକିତ୍ସିତ ଅବସ୍ଥାରେ   ହୋଇଥିବା  ଛୁରା ମାଡ ଘଟଣାର ଆଜି ଏକ ନୂତନ ମୋଡ଼ ନେଇଛି | ଛୁରା ମାଡ ଘଟଣାରେ ମୃତ୍ୟୁବରଣ କରିଥିବା ସୁକୁମାର ସୁବିଧିରାୟଙ୍କ ସ୍ତ୍ରୀ ସୁଲୋଚନା ସୁବିଧିରାୟ ଆଜି ଟାଙ୍ଗି ଥାନାରେ ଡ୍ରିମ୍ସ  କୋଭିଡି କେୟାର ହସ୍ପିଟାଲ କତ୍ତୃପକ୍ଷ ଙ୍କ ବିରୁଦ୍ଧରେ ଏକ ଲିଖିତ ଅଭିଯୋଗ ଦେଇଛନ୍ତି | ଅଭିଯୋଗ ଅନୁଯାୟୀ , ତାଙ୍କର ସ୍ୱାମୀ ସୁକୁମାର ସୁବିଧିରାୟ କୋଭିଡିରେ ଆକ୍ରାନ୍ତ ହୋଇ ଗତ  ମେ ୨୯ ତାରିଖରେ  ଉକ୍ତ ହସ୍ପିଟାଲରେ ଭର୍ତ୍ତି ହୋଇଥିଲେ | ଅଭିଯୋଗ ଅନୁଯାୟୀ, ତାଙ୍କର ସ୍ୱାମୀ ଶାରୀରିକ ଓ ମାନସିକ ଭାବେ ସମ୍ପୂର୍ଣ୍ଣ ସୁସ୍ଥ  ଥିଲେ l ପ୍ରତିଦିନ ପରିବାର ସହ ଫୋନ ମାଧ୍ୟମରେ ତାଙ୍କର ଯୋଗାଯୋଗ ରହିଥିଲା | ତେବେ ଗତ ୪-୦୬-୨୧ ରେ କୋଭିଡି ହସ୍ପିଟାଲରୁ ଘରକୁ ଆସିବାକୁ ଥିବା ବେଳେ  ଉକ୍ତ ଦିନ ସକାଳୁ ତାଙ୍କୁ ଛୁରା ମାଡ ହୋଇଛି ବୋଲି ଘରକୁ ଖବର ଆସିଥିଲା | ତାଙ୍କୁ ହତ୍ୟା କରିବା ଲାଗି କେହି ଦୁର୍ବୃତ୍ତ ଷଡଯନ୍ତ୍ର କରି ଏହି  ଛୁରା ମାଡ କରିଛି ଓ ତାଙ୍କ ର ଚିକିତ୍ସା ପ୍ରକ୍ରିୟାକୁ କୌଣସି ଦୃଢ ଶକ୍ତି ବିଳମ୍ୱ କରାଇଥିଲା , ଯାହାପାଇଁ  କଟକ ବଡ ମେଡିକାଲରେ ଚିକିତ୍ସିତ ଅବସ୍ଥା ରେ ଗତ ଜୁନ୍ ୮ ତାରିଖରେ  ତାଙ୍କର  ମୃତ୍ୟୁ ହୋଇଯାଇଥିଲା  | ଏଣୁ ତାଙ୍କ ସ୍ୱାମୀଙ୍କ ମୃତ୍ୟୁର ପ୍ରକୃତ ସତ୍ୟାସତ୍ୟ ଘଟଣାର ଅନୁସନ୍ଧାନ କରି ତାଙ୍କୁ ନ୍ୟାୟ ପ୍ରଦାନ କରିବାପାଇଁ ପ୍ରାର୍ଥନା କରିଛନ୍ତି | ଏ ନେଇ ଟାଙ୍ଗି ଥାନା ଆଇଆଇସି ସୁଚିତ୍ର ବୀର୍ଯ୍ୟ ଦାସ   କେଶ ନମ୍ବର  ୧୧୭/୨୧,   ଧାରା ୩୦୨ ରେ ମାମଲା  ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିବା ଏସ ଡି ପିଓ ଚୌଦ୍ୱାର  ସତ୍ୟବ୍ରତ ଲେଙ୍କା କହିଛନ୍ତି   |(ଦୀପକ କୁମାର ଷଡଙ୍ଗୀଙ୍କ ରିପୋର୍ଟ)