16-Apr-2025

ମୁରିବାହାଲ(ପ୍ରେରଣା ଖବର):-ନବଜାତ ଶିଶୁ କୁ ଅନ୍ୟ ହାତରେ ଟେକି ଦେଇଥିବା ଘଟଣା ସାରା ଅଂଚଳରେ ଏବେ ଚର୍ଚ୍ଚା ର ବିଷୟ ସ୍ରୁଷ୍ଟି ହୋଇଛି।ବଲାଙ୍ଗିର ଜିଲ୍ଲା ମୁରିବାହାଲ ଥାନା ଚଲକି ପଞ୍ଚାୟତ ଅନ୍ତର୍ଗତ କର୍ଲା ଗ୍ରାମର କଳାକର ଭୋଇ ଙ୍କ ସ୍ତ୍ରୀ କୁମୁଦିନୀ ଭୋଇ ଗତ ୯ ତାରିଖ ଦିନ ବଲାଙ୍ଗିର ଜିଲା ଭୀମଭୋଇ ମେଡ଼ିକାଲ ରେ ଦୁଇ ଜାଆଁଲା ଶିଶୁକନ୍ୟାକୁ ଜନ୍ମ ଦେଇଥିଲେ।ସେଠାରେ ୩ଦିନ ପରେ ଜଣେ ବ୍ୟକ୍ତି ଙ୍କୁ ନବଜାତକ ଶିଶୁ କୁ ପାଳନ ପ୍ରତିପୋଷଣ ପାଇଁ ଅନ୍ୟ ଜଣକୁ ଟେକିଦେଇଥିଲେ।ପୂର୍ବରୁ କଳାକର ଙ୍କ ୨ ଶିଶୁ ପୁତ୍ର ରହିଥିବା ବେଳେ ଏବେ ୨ ଶିଶୁ କନ୍ୟା ଜନ୍ମ ପରେ ତୁରେକେଲା ଥାନା ରଜାମରା ଗ୍ରାମର ପରିଚିତ ବ୍ୟକ୍ତି ଙ୍କ ମାଧ୍ୟମରେ ବଲାଙ୍ଗିର ରେ  ଛତିଶଗଡ଼ ଅଂଚଳର ଜଣେ ବ୍ୟକ୍ତି ଙ୍କୁ  ନବଜାତକ ଶିଶୁ କୁ ଟେକି ଦେଇଥିବା କହିଛନ୍ତି।ବଲାଙ୍ଗିର ପୋଲିସ ନବଜାତକ ଶିଶୁ କନ୍ୟାକୁ ଉଦ୍ଧାର କରିଥିବା ଜଣାପଡ଼ିଛି।ଅଭାବ ଯୋଗୁଁ ୨ ଶିଶୁ କନ୍ୟାକୁ ପାଳନ ପ୍ରତିପୋଷଣ କରିପାରିବିନି ବୋଲି ଜଣଙ୍କୁ ଅନ୍ୟ ହାତରେ ଟେକି ଦେଇଛି ବୋଲି ଶିଶୁ ଙ୍କୁ ବିକ୍ରି କରିଥିବା ଶିଶୁ ର ବାପା କହିଛନ୍ତି।ତେବେ ଏହା ଶିଶୁ ବିକ୍ରି ନା ଦରିଦ୍ରତା ଯୋଗୁ ନିଜ ଜନ୍ମ କରିଥିବା ଶିଶୁ ଅନ୍ୟ ହାତରେ ଟେକି ଦେଇଛନ୍ତି ତାହା ଅଧିକ ତଦନ୍ତ ପରେ ଜଣାପଡିବ।