15-Jun-2021

କଳାହାଣ୍ଡି,କୋକସରା, (ତ୍ରିନାଥ ଵେଶ୍ରା): ମହାମାରୀ କରୋନ ଯୋଗୁଁ ବର୍ତମାନ ସାରା ରାଜ୍ୟରେ ଲକ୍ ଡାଉନ୍ ଜାରି ହୋଇଛି ଲୋକଙ୍କ ଜୀବନ ଜୀବିକା ଠପ୍ ହୋଇ ପଡ଼ିଥିବା ବେଳେ ଅସହାୟ ଗରିବ ଶ୍ରେଣୀର ଲୋକେ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି l ଏହାକୁ ଦୃଷ୍ଟିରେ ରଖି ସୃଷ୍ଟି ଓ ସ୍ରଷ୍ଟା ସାହିତ୍ୟ ସଂସଦ କୋକସରା ପକ୍ଷରୁ ଆଜି କଳାହାଣ୍ଡି ଜିଲ୍ଲା   କୋକସରା ବ୍ଲକର ଡାଲଗୁମା ଠାରେ ସସହାୟ ଗରିବ ଶ୍ରେଣୀର ଲୋକଙ୍କୁ ଶୁଖିଲା ଖାଦ୍ୟ ଓ ମାସ୍କ ଆଦି ବଣ୍ଟନ କରିଛନ୍ତି l ଏଥି ସହିତ କିଭଳି ସଫା ରହିବେ ଓ ସେନିଟାଇଜ ବ୍ୟବହାର କରିବେ କିପରି ଓ କରୋନାରୁ ରକ୍ଷା ପାଇବେ ତାହା ବୁଝାଇ ଥିଲେ l  ସୃଷ୍ଟି ଓ ସ୍ରଷ୍ଟା ସାହିତ୍ୟ ସଂସଦ ପକ୍ଷରୁ କରାଯାଇଥିବା ଏଭଳି ମହତ କାର୍ଯ୍ୟକୁ ଅଞ୍ଚଳରେ ପ୍ରସଂଶା କରାଯାଇଛି  l ଆଗକୁ ମଧ୍ୟ ଅସହାୟ ଲୋକଂକ ପାଖରେ ପହଞ୍ଚି ଏଭଳି ସହଯୋଗ ଜାରି ରହିବ ବୋଲି ସଙ୍ଗଠନର କର୍ମକର୍ତ୍ତା ପ୍ରକାଶ କରିଛନ୍ତି ।

ଏହି କାର୍ଯ୍ୟକ୍ରମରେ ସୃଷ୍ଟି ଓ ସ୍ରଷ୍ଟା ସାହିତ୍ୟ ସଂସଦ ର ପ୍ରତିଷ୍ଠାତା ରିଖିରମ୍ ମେହେର, ମୁଖ୍ୟ ଉପଦେଷ୍ଟା ନିର୍ମଳ ଚନ୍ଦ୍ର ନାଏକ , ମୁଖ୍ୟ ସଭାପତି ମୋହନ ଚରଣ ବିଶୀ,ମୁଖ୍ୟ  ସଂଯୋଜକ ସୁରେନ୍ଦ୍ର ସାହୁ , ମାଗ ଦର୍ଶକ ଭାଗିରଥି ସାଗର,ସମ୍ପାଦକ ଦୁର୍ଯ୍ୟୋଧନ ଚଣ୍ଡୀ,ସମ୍ପାଦିକା ଅନୁରାଧା କର ,ଉପଦେଷ୍ଟା ଅଜିତ ଦାସ ସଭାପତି ବାବୃବାହାନ ସାହୁ,ସଂଯୋଜକ ଦିନ ବନ୍ଧୁ ବାଗ, ରୋହିତ ନାଗେଶ, ଶଙ୍ଖା ଖର୍ସେଲ ପ୍ରମୁଖ ଯୋଗ ଦେଇଥିଲେ ।