28-May-2021

ସମ୍ବଲପୁର (ସଂଜୀବ କୁମାର ପାଣିଗ୍ରାହୀ) :- ଗତ ଦୁଇ ଦିନ ତଳେ ହୋଇଥିବା ବାତ୍ୟା ୟାସ୍ ରେ ରାଜ୍ୟ ର ବହୁ ଅଞ୍ଚଳ ପ୍ରଭାବିତ ହୋଇଛି । ବାତ୍ୟା ୟାସ୍ ସ୍ଥଳଭାଗ ଛୁଇଁଲା ପରେ ଓଡିଶାର ଯେଉଁ ଅଞ୍ଚଳ ଦେଇ ଗତି କରିଛି ଓ ନିଜର ପ୍ରଭାବ ଛାଡିଛି ସେଥିରେ ସମ୍ବଲପୁର ଜିଲ୍ଲା ମଧ୍ୟ ବଞ୍ଚି ରହି ନାହିଁ । ଚଳିତ ଖରିପ ଚାଷ ରେ ଠିକ ଧାନ ଅମଳ ପୂର୍ବରୁ ହୋଇଥିବା ଅଦିନିଆ ବର୍ଷା ଓ ବର୍ତ୍ତମାନ ଧାନ ଅମଳ ସମୟରେ ବାତ୍ୟା ୟାସ୍ ଚାଷୀକୂଳକୁ ଅନେକ କ୍ଷତିରେ ପକେଛି । ଯେଉଁ ଚାଷୀମାନେ ଧନ ଅମଳ କରିଛନ୍ତି ଓ ବିକ୍ରି କରିନାହାନ୍ତି ତାଙ୍କର ଧାନ ଖଳା ରେ ଭିଜିଛି ଓ ଯେଉଁ ଚାଷୀ ଅମଳ କରି ପାରି ନାହାଁନ୍ତି କ୍ଷେତ ରେ ଧାନ ପାଣିରେ ବୁଡ଼ି ଯାଇଛି । ଯାହା ଫଳରେ ଧାନ ଗଜା ହେଇ ଗଲାଣି ଓ ଚାଷୀ ନାହିଁ ନଥିବା କ୍ଷତି ସହିଲାଣି । 
         ସମ୍ବଲପୁର ଜିଲ୍ଲା ର ବହୁ ଅଞ୍ଚଳରେ ଚାଷୀ ପ୍ରଭାବିତ ହୋଇଛନ୍ତି ଓ ଚାଷିକୂଳ ବର୍ତ୍ତମାନ ହତାଶ, ନିରାଶ ଓ ଚିନ୍ତିତ ହୋଇ ପଡିଛି । ପରିସ୍ଥିତି ର ଭୟାବହତା ଓ ଗୁରୁତ୍ୱକୁ ବୁଝି ଆଜି ରେଙ୍ଗାଲି ବିଧାୟକ *ଶ୍ରୀଯୁକ୍ତ ନାଉରି ନାଏକ* ନିଜର ନିର୍ବାଚନ ମଣ୍ଡଳୀ ର ବିଭିନ୍ନ ପ୍ରଭାବିତ ପରିଦର୍ଶନ କରିଛନ୍ତି । ପରିଦର୍ଶନ ସମୟରେ ସମ୍ବଲପୁର ଜିଲ୍ଲା ପରିଷଦ ଅଧ୍ୟକ୍ଷ ରାଧେଶ୍ୟାମ ବାରିକ, ଧନକଉଡା ବ୍ଲକ କୃଷି ଅଧିକାରୀ ଉଦିତ କୁମାର ତ୍ରିପାଠୀ ଓ ଶାସନ ରାଜସ୍ୱ ନିରୀକ୍ଷକ ରଘୁନନ୍ଦନ ବଢ଼େଇ ଥିଲେ । ଧନକଉଡା ବ୍ଲକ ର ଵିଶାଲଖିଣ୍ଡା ଓ କନଖିଣ୍ଡା ପଞ୍ଚାୟତ ର ବିଭିନ୍ନ ଗ୍ରାମ ପରିଦର୍ଶନ କରି ଅଞ୍ଚଳର ଚାଷୀ ଙ୍କ ସହିତ ସମସ୍ତ ବିଷୟରେ ଆଲୋଚନା କରିଥିଲେ ବିଧାୟକ ଓ ସରକାରୀ ଅଧିକାରୀ ।