28-May-2021

ଟିଟିଲାଗଡ,(ପ୍ରେରଣା ଖବର): କେହି ସ୍ଵାସ୍ଥ୍ୟ ସେବାରୁ ବଞ୍ଚିତ ନ ରହନ୍ତୁ,ଧନୀ ଗରିବ ସବୁ ଶ୍ରେଣୀର ଲୋକଙ୍କୁ ଉପଯୁକ୍ତ ମାନର  ସ୍ୱାସ୍ଥ୍ୟ ସେବା ମିଳିବ ବୋଲି ସରକାର ଡିଣ୍ଡିମ ପିଟୁଥିବା ବେଳେ  ଡାକ୍ତର ଓ ଔଷଧ ବ୍ୟବସାୟୀଙ୍କ ମଧୁଚନ୍ଦ୍ରିକା ଯୋଗୁଁ ରୋଗୀ ଅକାଳ ରେ ମୃତ୍ୟୁବରଣ କରୁଛି l ସରକାରୀ ନିୟମ ଅନୁଯାୟୀ ଡ଼ାକ୍ତରଙ୍କୁ ବାହାରୁ ଔଷଧ, ଇଞ୍ଜେକ୍ସନ ଲେଖିବାକୁ ସାଧାରଣ ବାଧ୍ୟ ନ କରିବା ନିମନ୍ତେ ସାଧାରଣ ଙ୍କୁ ଜଣାଇବା ଏକ ଲେଖା ଉକ୍ତ ଚିକିତ୍ସାଳୟରେ ଲେଖା ରହୁଛି  । ହେଲେ ପରିତାପର ବିଷୟ ଏହା ଯେ,ଟିଟିଲାଗଡ ସରକାରୀ ମୁଖ୍ୟ ଚିକିତ୍ସାଳୟକୁ ପ୍ରତି ସପ୍ତାହ ରେ ଭେଷଜ ବିଶେଷଜ୍ଞ ଡ଼. ଶ୍ରୀ ମେହେର ଆସି ଚିକିତ୍ସା କରିଥାନ୍ତି । ତାଙ୍କ ଔଷଧ ସେବନ କରି ଅନେକ ରୋଗୀ ଉପକୃତ ହୋଇପାରିଛନ୍ତି । 

। ହେଲେ ଖୋଲାଖୋଲି ଭାବେ ସେ ସରକାରୀ ଔଷଧ,ଇଞ୍ଜେକ୍ସନ ଆଦି ଏକ ନିର୍ଦ୍ଦିଷ୍ଟ ଦୋକାନ କୁ ପଠେଇ ବାହାରୁ କିଣିବାକୁ ଏକ ପ୍ରକାର ବାଧ୍ୟ କରାଯାଉଥିବା ଅଭିଯୋଗ ହୋଇ ଆସୁଛି । ରୋଗୀଙ୍କୁ ସରକାରୀ ଔଷଧ ଲେଖିବା ଓ ଗରିବ ଲୋକ ବୋଲି ଯଦି କେହି କହେ ହାତୀ କୁ ଚାଣ୍ଟି  ର ଔଷଧ କିଛି କାମ ଦେବନି ବୋଲି କହିବା ପରି ଗୁରୁତର ଅଭିଯୋଗ ହୋଇଛି । ଇତି ମଧ୍ୟରେ ରୋଗ ନିର୍ଣ୍ଣୟ ନ କରି ତଥା ନିଜ ରୋଗ ବିଷୟ ରେ ଜଣେ କହିବା ସତ୍ୱେ ବାରମ୍ବାର ପ୍ରାୟ ୫ ରୁ ୬ ମାସ ବାହାରୁ ଔଷଧ କିଣିବା ପାଇଁ କହି ଆସୁଥିଲେ ।  ଏ ନେଇ ଲିଖିତ ଅଭିଯୋଗ ହୋଇଥିବା ବେଳେ  ଏଚ ଆଇ ବି/ଏଡ୍ସ ରେ ପୀଡିତ ଜଣେ ବ୍ୟକ୍ତି ଙ୍କୁ ତାଙ୍କ ପୁଅ ନେଇ ଦେଖେଇ ଥିବା ବେଳେ ସେ ବାହାରୁ ଔଷଧ ଆଣି ଖାଇବାକୁ କହିଥିଲେ । ଏପରିକି ତାଙ୍କୁ ସାଲାଇନ,ଇଞ୍ଜେକ୍ସନ ଆଦି ସରକାରୀ ଟିକଟ ପଛପଟେ ଲେଖି ନିର୍ଦ୍ଦିଷ୍ଟ ଔଷଧ ଦୋକାନକୁ ଯିବାକୁ କହିଥିଲେ । ନିଜର ଗୁରୁତର ଅବସ୍ଥାରେ ଥିବା ତଥା ଜଣେ ଏଡ୍ସ ରେ ଆକ୍ରାନ୍ତ ଗୁରୁତର ରୋଗୀ ଙ୍କୁ ଡ଼ାକ୍ତରଖାନାରେ ଭର୍ତ୍ତି କରିବାକୁ ମଧ୍ୟ ମନା କରିଥିଲେ । ସେ ବାଧ୍ୟ ହୋଇ ନିଜ ସରକାରୀ ରାସନ କାର୍ଡ ବନ୍ଧା ରଖି ସାଲାଇନ ଓ ଅନ୍ୟ ଇଞ୍ଜେକ୍ସନ ଔଷଧ ନିଜ ଘରେ ଜଣେ ଇଞ୍ଜେକ୍ସନ,ସାଲାଇନ ଆଦି କିଣି ଚିକିତ୍ସା କରେଇ ଥିଲେ । ତେବେ ନିଜ ଘରୋଇ ଡାକ୍ତରଖାନା ଅବା କ୍ଲିନିକ ରେ ସେ ଏପରି ଚିକିତ୍ସା କରିବା ପରି ନିଜ କାର୍ଯ୍ୟ ସମୟରେ ଏପରି ଅର୍ଥ ଶୋଷଣ ମନୋଭାବ ସହ ଏଡ୍ସ ଅକ୍ରାନ୍ତ ରୋଗୀ ଙ୍କୁ ଛୁଇଁବା,ଅବା କିଛି ପରୀକ୍ଷା କରି ନ ଦେଖିବା ନେଇ ଉକ୍ତ ପରିବାର ମର୍ମାହତ ହୋଇଥିଲେ ।  ଏ ନେଇ ଟିଟିଲାଗଡ ୱାର୍ଡ ନଂ-୨ ସର୍ଗିଗୁଡା ର ଉକ୍ତ ଗୁରୁତର ରୋଗୀଙ୍କ ପରିବାର ବର୍ଗ ଏ ନେଇ ଦୃଢ କାର୍ଯ୍ୟାନୁଷ୍ଠାନ ନିମନ୍ତେ ସମସ୍ତ ଉଚ୍ଚ ଅଧିକାରୀ ତଥା ଓଡ଼ିଶା ମୁଖ୍ୟ 

ଶାସନ ସଚିବଙ୍କୁ ଡାକ ଯୋଗେ ଲିଖିତ ଅଭିଯୋଗ କରିଛନ୍ତି । ସେହିପରି ରମେଶ ଜୈନ, ମୀନାଖି ଅଗ୍ରୱାଲ, ସୋମେସ ପାଣିଗ୍ରାହୀ ଅନୁରୂପ ଭାବେ ଚିକିତ୍ସା ହୋଇ ଠିକ ନ ହେବା ଓ ବିଶାଖାପାଟଣା ଓ ରାୟପୁର ଆଦି ଯାଇ ନିଜ ପ୍ରକୃତ ରୋଗ ନିର୍ଣ୍ଣୟ କରେଇ ସୁସ୍ଥ ହୋଇଥିବା ଅଭିଯୋଗ କରିଛନ୍ତି । ଏ ନେଇ ତୁରନ୍ତ ତଦନ୍ତ ସହ  ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ଓ ଡ଼ାକ୍ତର ଦୋକାନୀ ମଧୁଚନ୍ଦ୍ରିକା ନେଇ କଠୋର ପଦକ୍ଷେପ ନେବା ପାଇଁ ବିଭିନ୍ନ ସ୍ୱେଚ୍ଛାସେବୀ ଓ ବୁଦ୍ଧିଜୀବୀ ମହଲରେ ଦାବୀ ପ୍ରକାଶ ପାଇଛି ।