25-May-2021

ପୁରୀ(ପ୍ରେରଣା ଖବର) : ଦେଶ ବିଦେଶରେ ପ୍ରସିଦ୍ଧି ଲାଭ କରିଥିବା ଜଗତର ନାଥ ,ଶ୍ରୀ ଜଗନ୍ନାଥଙ୍କ ଭକ୍ତ,ଜଗନ୍ନାଥ ପ୍ରେମୀ,ଗବେଷକ ତଥା ବିଶେଷ ଭାବେ ସୁ ପରିଚିତ ପ୍ରବଚକ ଥିବା ଶ୍ରୀ ଚାରଣ ରାମ ଦାସ ଗତକାଲି ରାତି ଆଠଟା ତିରିଶି ମିନିଟ୍ ସମୟରେ ଇହଲୀଳା ସମ୍ବରଣ କଲେ । ଗତ ଚାରି ଦିନ ହେଲା କୋଭିଡ୍ ରେ ଆକ୍ରାନ୍ତ ଥିବାରୁ ଚିକିତ୍ସା ହେଉଥିବା ବେଳେ ମୃତ୍ୟୁ ହୋଇଥିବା ସୁଚନା ମିଳିଛି । ସେ ଜଣେ ଓଡ଼ିଆ ହିନ୍ଦୁ ଧର୍ମୀୟ ବିଶେଷ କରି ଜଗନ୍ନାଥ ସଂସ୍କୃତି ବିଷୟବସ୍ତୁକୁ ପ୍ରବଚନ ମାଧ୍ୟମରେ ପରିବେଷଣ କରିଥାନ୍ତି । ଓଡ଼ିଶାରେ ଜଣେ ଲୋକପ୍ରିୟ ପ୍ରବଚକ ଭାବେ ଖ୍ୟାତି ଅର୍ଜନ କରିଛନ୍ତି । ତାଙ୍କ ପ୍ରସ୍ତୁତ ଗୀତା ମହିମା, ରାମାୟଣ, ଶିବ ମହିମା, ମା ତାରିଣୀ କଥାମୃତ, ଶ୍ରୀମଦ୍ଭଗବତ ଗୀତା, ଏ ତ କଳିକାଳ, ତ୍ରିନାଥ ମେଳା ବିଷୟଗୁଡ଼ିକର ସିଡି ଡିଭିଡି ଆକାରରେ ଉପଲବ୍ଧ । ଟିଭିରେ ପ୍ରସାରିତ ରଥଯାତ୍ରାର ସିଧାପ୍ରସାରଣ ଧାରାବିବରଣୀ ପ୍ରଦାନ କରନ୍ତି । ବିଭିନ୍ନ ସମୟରେ ଟିଭି କାର୍ଯ୍ୟକ୍ରମମାନଙ୍କରେ ମଧ୍ୟ ପ୍ରବଚନ ପରିବେଷଣ କରନ୍ତି । ପୁରୀରେ ଶିଷ୍ୟମାନଙ୍କୁ ପ୍ରବଚନ ଶିକ୍ଷା ଦିଅନ୍ତି ବୋଲି ବିଶ୍ବସ୍ତ ସୂତ୍ରରୁ ପ୍ରକାଶ । ଆଜି ମହାମାରୀ କରୋନା କବଳରେ ସବୁ ଦିନ ଚୁପ ହୋଇଗଲେ ସ୍ବର୍ଗତ ଚାରଣ ରାମ ଦାସ ।