01-May-2021

ଭୁବନେଶ୍ୱର: (ଶୁଭାଶିଷ ନାୟକ)ରାଜ୍ୟ ପୁଲିସର ଜଣେ ଡିଏସ୍ପିଙ୍କ ବିରୋଧରେ ତାଙ୍କ ପତ୍ନୀ ସାଙ୍ଘାତିକ ଅଭିଯୋଗ ଆଣିଛନ୍ତି । ସମ୍ପୃକ୍ତ ଅଫିସର ଜଣକ ହେଲେ ଅନୁଗୁଳ ଏସ୍ଡିପିଓ ଅଶ୍ୱିନୀ କୁମାର ସାହୁ । ସେ ବିବାହିତ ଥାଇ ଜଣେ ମହିଳା ଆଇଆଇସିଙ୍କ ସହିତ ଅନୈତିକ ସମ୍ପର୍କ ରଖୁଛନ୍ତି । ଏହାସହ ପରିବାର ଠାରୁ ଦୂରେଇ ଲୁଚିଲୁଚି ପ୍ରେମ କରୁଥିବା ତାଙ୍କ ପତ୍ନୀ ଲୋପାମୁଦ୍ରା ସାହୁ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ।
ଲୋପାମୁଦ୍ରାଙ୍କ କହିବାନୁସାରେ, ମୋତେ ଛାଡ଼ପତ୍ର ନଦେଇ ମୋ ଅଜାଣତରେ ସେ ଜଣେ ମହିଳା ଆଇଆଇସିଙ୍କ ସହ ଅନୈତିକ ସମ୍ପର୍କ ରଖିଛନ୍ତି । ଏମିତିକି ତାଙ୍କୁ ବିବାହ କରିଥିବା କହୁଛନ୍ତି ।  ସେ ଏହାର ବିରୋଧ କରିବାରୁ  ଅଶ୍ୱିନୀ ତାଙ୍କୁ ଶାରିରୀକ ଓ ମାନସିକ ନିର୍ଯାତନା ଦେଉଛନ୍ତି । ଏମିତିକି ଦରକରା ପଡ଼ିଲେ ଗୁଣ୍ଡା ଲଗାଇ ତାଙ୍କୁ ମାଡ଼ ମାରିବାକୁ ଧମକ ଦେଇଥିବା ସେ କହିଛନ୍ତି ।
୨୦୦୪ ମସିହାରେ ଲୋପାମୁଦ୍ରା ଓ ଅଶ୍ୱିନୀଙ୍କ ମଧ୍ୟରେ ବିବାହ ହୋଇଥିଲା । ଏହାପରେ ଦମ୍ପତ୍ତିଙ୍କ ଏକ ପୁତ୍ର ସନ୍ତାନ ଜନ୍ମ ହୋଇଥିଲା । ପରେ ଦୁହେଁ ଖୁସିରେ ଜୀବନଯାପନ କରୁଥିଲେ । ୨୦୧୧ ମସିହାରେ ଅଶ୍ୱିନୀ ଯାଜପୁର ରୋଡ୍ ଥାନାରେ ଆଇଆଇସି ଭାବେ କାର୍ଯ୍ୟରତ ଯୋଗ ଦେଇଥିଲେ । ଏହି ସମୟରେ ସେଠାରେ ବର୍ତ୍ତମାନର ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ମହିଳା ଆଇଆଇସି ସେତେବେଳେ ସବ୍-ଇନ୍ସିପେକ୍ଟର ଥିଲେ । ଏତିକିବେଳେ ଉଭୟଙ୍କ ମଧ୍ୟରେ ପ୍ରେମସମ୍ପର୍କ ସୃଷ୍ଟି ହୋଇଥିଲା । ପରେ ଦୁହେଁ ବାରମ୍ବାର ଶାରୀରିକ ସମ୍ପର୍କ ରଖିଥିଲେ । ଚାରିଆଡେ଼ ବୁଲାବୁଲି କରିବା ସହ ଫଟୋ ଉଠାଇଥିଲେ । ଏସମ୍ପର୍କରେ ଜାଣିପାରି ଲୋପାମୁଦ୍ରା ସେମାନଙ୍କ ଅଶ୍ଲୀଳ ଭିଡ଼ିଓ ଏବଂ ଫଟୋ ମଧ୍ୟ ଉତ୍ତୋଳନ କରିଥିଲେ ।