29-Apr-2021

ବୌଦ୍ଧ(ଶ୍ରୀବନ୍ତମେହେର) : ବୌଦ୍ଧ ଜିଲ୍ଲା ବନ୍ଧନଝୁଲି ଠାରେ  ଚାଲିଥିଲା ବାଘ ଛାଲର ଡିଲ । ଏହାର ପୂର୍ବଭାଷ ପାଇ ଜାଲ ବିଛାଇଥିଲା ରାଜ୍ୟର ସ୍ୱତନ୍ତ୍ର ଟାସ୍କଫୋର୍ସ ପୋଲିସ ଏସଟିଏଫ । ହେଲେ ଏହି କାରବାରରେ ସମ୍ପୃକ୍ତ ବଡ ବ୍ୟବସାୟି ଜଣକ କମ ଚାଳକ ନଥିଲା। ତାର କଳା ଚଷମାରେ ଦୂରରୁ ଏହି ଛଦ୍ମବେଶି ପୋଲିସଙ୍କୁ ଦେଖି ଚିଂହି ପାରି ଅନ୍ୟ ବେପାରୀ ଜଣକ ଜାଣିବା ପୂର୍ବରୁ ମାରିଥିଲା ଲମ୍ଫ।ହେଲେ ହାବୁଡରେ ଫସିଗଲା ଏହି  ଛୋଟ ବେପାରୀ ଜଣକ।ତାକୁ ଗିରଫ କଲା ଏସଟିଏଫ ।ଜବତ କଲା ବ୍ୟାଗ ।ତଲାସୀ ବେଳେ ପରିବା ଭର୍ତ୍ତି ବ୍ୟାଗ ଭିତରୁ ବାହାରିଲା ବାଘଛାଲ।ପଣ୍ଡ ହୋଇଗଲା ଯୋଜନା।ଯେଉଁ ହାତରେ ପୁଳା ପୁଳା ଟଙ୍କା ଧରିବା ଆଶା ନେଇ  ଛୋଟ ବେପାରୀ ଜଣକ ଆସିଥିଲେ ତାଙ୍କର ସେହି ହାତରେ ଏସ ଟିଏଫ ଲଗାଇଲା ହାତକଡୀ ଓ ଅଣ୍ଟାରେ ବେଡି। କାରବାର ହୋଇଗଲା ପଣ୍ଡ।ଗିରଫ ଜଣଙ୍କ ହେଲା ବୌଦ୍ଧର ମହେନ୍ଦ୍ର ଭାଇନା। ସେମାନଙ୍କୁ ଧରିବା ପାଇଁ ଯୋଜନା କରିଥିଲା ସ୍ବତନ୍ତ୍ର ଟାସ୍କ ଫୋର୍ସ । ଡିଲ ପୂର୍ବରୁ ବଜାରରେ ଜଗିଥିଲା ପୋଲିସ ।ପରିବା ବଜାରରେ ବାଘ ଛାଲ ଡିଲ ନେଇ ମୁଲଚାଲ ଆରମ୍ଭ ହୋଇଥିଲା । ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରିବା ସହିତ ବାଘ ଛାଲ ଜବତ କରିଛି ଏସଟିଏଫ ।ଏହାବାଦ ଏସ ଟିଏଫ ତରଫରୁ ବର୍ଷ କରେ ଏହିଭଳି ୧୬ଟି ମାମଲା ରେ ସମୁଦାୟ ୨୬ଜଣଙ୍କୁ ଗିରଫ କରାଯାଇ ସେମାନଙ୍କ ନିକଟରୁ ୧୪ଟି ବାଘ ଛାଲ ସମେତ ୯ଟି ହାତୀ ଦାନ୍ତ,ଦୁଇଟି ହରିଣ ଛାଲ ଓ ୩ଟି ପୋଙ୍ଗୋଲିନ ଛାଲ ଜବତ କରିଥିବା ପ୍ରେସ ବିଜ୍ଞପ୍ତିରେ ଜଣାଯାଇଛି।