25-Apr-2021

ଭୁବନେଶ୍ୱର:(ଶୁଭାଶିଷ ନାୟକ) ବର୍ତ୍ତମାନର କରୋନା ମହାମାରୀ ପରିପ୍ରେକ୍ଷୀରେ ଛାତ୍ରଛାତ୍ରୀ ମାନଙ୍କର ସ୍ୱାସ୍ଥ୍ୟ ନିରାପତ୍ତାକୁ ଦୃଷ୍ଟିରେ ରଖି ରାଜ୍ୟର ସମସ୍ତ ଦଶମ ଓ ଦ୍ୱାଦଶ ବୋର୍ଡ ପରୀକ୍ଷାକୁ ସ୍ଥଗିତ ରଖାଯାଇଛି । ଜୁନ୍ ୨୦୨୧ ପ୍ରଥମ ସପ୍ତାହରେ ରାଜ୍ୟ ସରକାର ଏବଂ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପରୀକ୍ଷା କରାଯିବା ସଂପର୍କରେ ସମୀକ୍ଷା କରିବେ ଏବଂ ଛାତ୍ରଛାତ୍ରୀ ମାନଙ୍କୁ ଉପଯୁକ୍ତ ସମୟ ଦିଆଯାଇ ପରୀକ୍ଷା କରାଯିବା ପାଇଁ ପରବର୍ତ୍ତୀ ନିଷ୍ପତ୍ତି ନିଆଯିବ ବୋଲି କୁହାଯାଇଥିଲା । ହେଲେ ଆଜି ଗଣଶିକ୍ଷା ମନ୍ତ୍ରୀଙ୍କ ନାଁରେ ମିଥ୍ୟା ଟୁଇଓ କରି କେହି ଜଣେ ଆସନ୍ତା ଜୁନ ୧୪ ତାରିଖରେ ଦଶମ ଶ୍ରେଣୀ ପରୀକ୍ଷା ହେବ ବୋଲି ସୂଚନା ଦେଇଥିଲେ । ଯାହା ମିଥ୍ୟା ବୋଲି ଗଣଶିକ୍ଷା ମନ୍ତ୍ରୀ ଟୁଇଟ କରି ସୂଚନା ଦେଇଛନ୍ତି ।
ମନ୍ତ୍ରୀ ଟୁଇଟ କରି କହିଛନ୍ତି କେହି ଜଣେ ବଦମାସ ମୋ ନାଁରେ ଫେକ ଆକାଉଣ୍ଟ ଖୋଲି ଏଭଳି ମିଥ୍ୟା ଖବର ପ୍ରସାର କରିଛନ୍ତିି । ଏସବୁରୁ ଦୂରେଇ ରହିବାକୁ ସେ ପରାମର୍ଶ ଦେଇଛନ୍ତି । ଉକ୍ତ ବ୍ୟକ୍ତି ଜଣଙ୍କ ଆଜି ବୈଠକରେ ନିଷ୍ପତ୍ତି ପରେ ଜୁନ ୧୪ ତାରିଖରେ ଦଶମ ଶ୍ରେଣୀ ପରୀକ୍ଷା ହେବ ବୋଲି ମନ୍ତ୍ରୀଙ୍କ ଫେକ୍ ଟୁଇଟର ଆଡିରୁ ଟୁଇଟ କରିଥିଲେ ।