25-Apr-2021

ସାନଖେମୁଣ୍ଡି:( ପ୍ରେରଣା ଖବର)ନକଲି ବିଦେଶୀ ମଦ କାରଖାନା ଠାବ । ଗଞ୍ଜାମ ଜିଲ୍ଲା ହିଞ୍ଜିଳିକାଟ ବ୍ଲକ ଝୋଳ ଗାଁରୁ ଠାବ ହୋଇଛି ନକଲି ବିଦେଶୀ ମଦ କାରଖାନା । ଏକ କୁକୁଡ଼ା ଫାର୍ମରେ ଚାଲୁଥିବା ଏହି ମଦ କାରଖାନା 
ଖବର ଅନୁଯାୟୀ, ଦୀର୍ଘ ଦିନ ହେବ ଏହି ଫାର୍ମରେ ବେଆଇନ୍‌ ଭାବେ ନକଲି ବିଦେଶୀ ମଦ ପ୍ରସ୍ତୁତ କରାଯାଇ ବିକ୍ରି କରୁଥିଲେ ମଦ ମାଫିଆ । ଯାହାର ଖବର ପାଇ ରବିବାର ଦିନ ଅଚନାକ ଚଢାଉ କରିଥିଲା ଅବକାରୀ ବିଭାଗ । ଛତ୍ରପୁର ଅବକାରୀ ଏସପି ରାଜେନ୍ଦ୍ର କୁମାର  ଭୋତ୍ରାଙ୍କ ନେତୃତ୍ୱରେ ଏକ ଟିମ ଚଢ଼ାଉ କରିଥିବା ସୂଚନା। ଏହି ଟିମରେ ବ୍ରହ୍ମପୁର, ଛତ୍ରପୁର ମୋବାଇଲ ସ୍କ୍ୱାଡ଼ ଏବଂ ହିଞ୍ଜିଳି ଅବକାରୀ ବିଭାଗ ସାମିଲ ଥିଲେ ।

ଏହି ମିଳିତ ଚଢାଉରେ ବିପୁଳ ପରିମାଣର ନକଲି ବିଦେଶୀ ମଦ ଜବତ ହୋଇଛି।  ଚଢାଉରେ ୨୭ ପେଟି ସ୍ପିରିଟ ସହ ରାଜ୍ୟ ସରକାରଙ୍କ ନକଲି ଲୋଗା, ବିଭିନ୍ନ ବ୍ରାଣ୍ଡର କାଚ ଓ ଲେବୁଲ୍, ପେକିଂ ମେସିନ ଜବତ ସହ ତିନି ଜଣଙ୍କୁ ଅଟକ ରଖି ତଦନ୍ତ ଜାରି ରଖିଛି  ଅବକାରୀ ବିଭାଗ। ତେବେ ପ୍ରଶ୍ନ ଉଠୁଛି ଏହି ବେଆଇନ ବିଦେଶୀ ମଦ କାରଖାନା ବହୁ ଦିନ ଧରି ଚାଲିଥିବା ବେଳେ କିଭଳି ଅବକାରୀ ବିଭାଗ ପାଖରେ ଖବର ନଥିଲା ନା ଜାଣି ଶୁଣି ଚୁପ ବସିଥିଲା ।