24-Apr-2021

ଭୁବନେଶ୍ୱର :(ଶୁଭାଶିଷ ନାୟକ) ବେଆଇନ ବନ୍ଧୁକ କାରବାର ବେଳେ କମିଶନରେଟ ପୋଲିସର କ୍ୟୁଏଟି  ଓ ବାଲିଅନ୍ତା ପୁଲିସ ମିଳିତ ଭାବେ ଚଢାଉ କରି  ଦୁଇ ବେପାରୀଙ୍କୁ ଗିରଫ କରିଛି । ସେମାନେ ହେଲେ, ବାଲିଅନ୍ତା ଥାନା ଅନ୍ତର୍ଗତ ଗଙ୍ଗେଶ୍ୱରର ପପୁନ ପାତ୍ର ଓରଫ ବିକ୍ରମ, ଓରଫ ବିକି ଓ ବାଲିପାଟଣା ଥାନା ଅନ୍ତର୍ଗତ ଅଠନ୍ତରା ଗାଁର ଚିତ୍ତରଞ୍ଜନ ବେହେରା ଓରଫ କାଳିଆ । ଗୁରୁବାର ଟିମର ସଦସ୍ୟ ଗ୍ରାହକ ସାଜି ବନ୍ଧୁକ ପାଇଁ ଯାଇ ୨ଜଣ ବେପାରୀଙ୍କୁ କାବୁ କରିଥିଲେ । ଯାଞ୍ଚ କରି ସେମାନଙ୍କ ଠାରୁ ୯ ମିଲିମିଟର ପିସ୍ତଲ, ୬ଟି ଗୁଳି, ୩ ମୋବାଇଲ୍ ଫୋନ୍ ଏବଂ ଗୋଟିଏ ମୋଟର ସାଇକେଲ ଜବତ କରିଛନ୍ତି ।  ଉଭୟଙ୍କୁ ଶୁକ୍ରବାର  କୋର୍ଟ •ଲାଣ କରାଯାଇଥିବା ବେଳେ ସେମାନଙ୍କ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ପଠାଇ ଦିଆଯାଇଛି ।
ମିଳିଥିବା ସୂଚନା ଅନୁଯାୟୀ ଦୁଇ ବେପାରୀ ବାଲିଅନ୍ତା ଅଞ୍ଚଳରେ ବେଆଇନ ଭାବେ ବନ୍ଧୁକ କାରବାର କରୁଥିବା କ୍ୟୁଏଟି ଜାଣିବାକୁ ପାଇଥିଲା । ପରେ କ୍ୟୁଏଟିର ଷ୍ଟାଫ୍ ଗ୍ରାହକ ସାଜି ବନ୍ଧୁକ କିଣିବା ପାଇଁ ସେମାନଙ୍କ ସହ ଯୋଗାଯୋଗରେ ଥିଲେ ।  ୧୨ ଦିନରେ  ଅଭିଯୁକ୍ତଙ୍କ ସହ କଥାବର୍ତ୍ତା ପରେ ଫୋନରେ ପିସ୍ତଲର ଦାମ ଓ ଭେଟ ହେବାର ଜାଗା ସ୍ଥିର ହୋଇଥିଲା । ସେହି ଅନୁସାରେ ଗୁରୁବାର ଅଭିଯୁକ୍ତମାନେ ବନ୍ଧୁକ ଦେବାପାଇଁ ବାଲିଅନ୍ତା ଥାନା ଅନ୍ତର୍ଗତ ବିଙ୍ଗାରପୁର ନିକଟକୁ କୁ୍ୟଏଟି ସଦସ୍ୟଙ୍କୁ ଡକାଇଥିଲେ । ସେଠାରେ ପହଞ୍ଚି ିବା ବେଳେ ବାଲିଅନ୍ତା ଥାନା ପୁଲିସ ଓ କୁ୍ୟଏଟି ୨ ବନ୍ଧୁକ ବେପାରୀଙ୍କୁ ଧରିବାରେ ସକ୍ଷମ ହୋଇଥିଲେ । ତେବେ ଅଭିଯୁକ୍ତମାନେ କାହାକୁ ବନ୍ଧୁକ ବିକ୍ରି କରିଛନ୍ତି, କେଉଁଠୁ ଆଣୁଛନ୍ତି, ଏହା ପଛରେ ଆଉ କେଉଁମାନେ ଅଛନ୍ତି ଏସମସ୍ତ ଦିଗ ଉପରେ ପୁଲିସ ଅଧିକ ତଦନ୍ତ ଆରମ୍ଭ କରିଛି ।