22-Apr-2021

ବଲାଙ୍ଗିର, (ପ୍ରେରଣା ଖବର ବ୍ୟୁରୋ) ତୁଳସୀ ଦୁଇ ପତ୍ରରୁ ବସିଲା ପରି ବାରି ହୋଇଯାଏ ଝିଅଟିର ପ୍ରରିଭା ।  ରୂପରେ ଯେପରି ଗୁଣରେ ସେପରି । ଚାଲିଚଳଣି ସବୁଥିରେ ନିଆରା ତାର ପ୍ରତିଟି ପଦକ୍ଷେପ । ସୁବର୍ଣ୍ଣପୁର ଜିଲ୍ଲା ଲୁପୁରସିଂହା ଗାଁର ସେଇ ଝିଅଟି । ପିତା ହେମନ୍ତ କୁମାର ଦାସ ଓ ମାତା ହେମ ଲତା ଦାସଙ୍କ କୋଳମଣ୍ଡଳ କରନ୍ତି ରଶ୍ମି ରାଣୀ ଦାସ ମାର୍ଚ୍ଚ ୪ତାରିଖ ୨୦୦୨ମସିହାରେ ଲୁପୁରସିଂହା ଗାଁରେ ।ବର୍ତ୍ତମାନ ସେ ପଞ୍ଚାୟତ ଡ଼ିଗ୍ରୀ କଲେଜ ଲୁପୁରସିଂହାରେ +୩ ଦ୍ବିତୀୟ ବର୍ଷ ଛାତ୍ରୀ।ପିତା ହେମନ୍ତ କୁମାର ଦାସ ଜଣେ ମନ୍ଦିର ପୂଜକ।ବାଲ୍ୟକାଲୁ ରଶ୍ମି ପିତାଙ୍କ ସହ ନିୟମିତ ମନ୍ଦିରକୁ ଯାଆନ୍ତି ପିତାଙ୍କ ପ୍ରତିଟି ଅଙ୍ଗ ଭାଙ୍ଗିକୁ ଅନୁସରଣ କରନ୍ତି ରଶ୍ମି ।ପିତାଙ୍କ ଉଚ୍ଚାରିତ ପ୍ରତିଟି ଶବ୍ଦକୁ ସେ ନିଖୁଣ ଭାବରେ ଗାଇଯାଉଥିଲେ।ଏବେ କିନ୍ତୁ ସେ ନିଜକୁ ପ୍ରତିଷ୍ଠିତ କରି ପାରିଛନ୍ତି ନିଜର ପ୍ରତିଭା ବଳରେ ।ତୁଳସୀ ରାମାୟଣ,ସୁନ୍ଦରା କାଣ୍ଡ, ଶିବ ପୁରାଣକୁ ସୁଲଳିତ କଣ୍ଠରେ ପ୍ରବଚନ ଦେବା ସହିତ ଭଜନ ପରିବେଷଣ କରି ଅଜସ୍ର ପ୍ରଶଂସା ସାଉଣ୍ଟି ପାରିଛନ୍ତି ରଶ୍ମି ତାଙ୍କର ପ୍ରିୟ ସ୍ରୋତା ଭକ୍ତ ମଣ୍ଡଳୀ ଠାରୁ।ଭଲ ପାଠ ପଢ଼ିବା ସହିତ ଗୁରୁଜନ ମାନଙ୍କ ପ୍ରିୟ ଭାଜନ ହେଇପାରିଛନ୍ତି ଆଉ ଅଗାଢ଼ ଆତ୍ମୀୟତାର ବନ୍ଧନରେ ବାନ୍ଧି ହୋଇ ପାରିଛନ୍ତି ସହ ପାଠୀନି ମାନଙ୍କ ମେଳରେ ।ଯେ କେହି ଦେଖିଲେ ରଶ୍ମି ରଶ୍ମି ରାଣୀଙ୍କ ରୂପ ଗୁଣରେ ମୁଗ୍ଧ ହୋଇ କିଛି ସମଜ ଭାବୁକ ପାଲଟି ଯିବ ଏଥିରେ ଟିକେ ବି ସନ୍ଦେହ ନାହିଁ  l ଈଶ୍ୱର କରନ୍ତୁ ରଶ୍ମି ତାଙ୍କ ପ୍ରତିଭା ବଳରେ ସମାଜରେ  ଆହୁରି  ଯଶ ଅର୍ଜନ କରନ୍ତୁ ଆଉ ସମାଜରେ ଆହୁରି ପ୍ରତିଷ୍ଟିତ ହୁଅନ୍ତୁ । ଆଜିର ଏଇ ଶୁଭ ଅବସରରେ ପ୍ରେରଣାର  ଏହି କାମନା