17-Sep-2026

ସମ୍ବଲପୁର:(ସଂଜୀବ ପାଣିଗ୍ରାହୀ )-

ସମ୍ବଲପୁର ଜିଲ୍ଲା ବରିଷ୍ଠ ନାଗରିକ ସମାଜ ପକ୍ଷରୁ ପ୍ରତି ମାସ ସମ୍ବଲପୁର ମହାନଗର ସହରର ବସବାସ କରୁଥିବା ନବେ ବର୍ଷ ବୟସରୁ ଉର୍ଧ୍ଵ ବୟସ୍କର ଜଣେ ନାଗରିକଙ୍କୁ ସମ୍ବର୍ଦ୍ଧିତ କରାଯଇଥାଏ l 

ସେହି କ୍ରମରେ ଏଇ ମାସରେ ଛାତବର ଗ୍ରାମର ମୂଳ ନିବାସୀ ତଥା ଗୋବିନ୍ଦତୋଳା, ମାରୁତି ନଗର ନିବାସୀ 94 ବର୍ଷ ବୟସ୍କ ଶ୍ରୀଯୁକ୍ତ ଶ୍ରୀବତ୍ସ ପାଣିଗ୍ରାହୀଙ୍କୁ ତାଙ୍କ ବାସଭବନରେ ପୁଷ୍ପଗୁଚ୍ଛ ଓ ଉପଢୌକନ ରେ ସମ୍ବର୍ଦ୍ଧିତ କରାଯାଇଥିଲା l 

ଏହି ଅବସରରେ ନାଗରିକ ସମାଜର ଉପସଭାପତି ପ୍ରଫୁଲ୍ଲ ହୋତା, ସମ୍ପାଦକ ପ୍ରଦୀପ ପଣ୍ଡା, ରତ୍ନ ଭୂଷଣ ପୃଷେଠ ଓ ରାହାସ ବିହାରୀ ପଣ୍ଡା ପ୍ରମୁଖ ଉପସ୍ଥିତ ରହି ଶ୍ରୀ ପାଣିଗ୍ରାହୀଙ୍କ ଦୀର୍ଘ ଓ ସୁସ୍ଥ ଜୀବନ କାମନା କରିବା ସହ ମହା ମୃତ୍ୟୁଞ୍ଜୟ ମନ୍ତ୍ର ଶ୍ଳୋକ ଆବୃତି ମଧ୍ୟ କରାଯାଇଥିଲା l

ଶ୍ରୀ ପାଣିଗ୍ରାହୀ ସମ୍ବଲପୁର ଜିଲ୍ଲା ଜଜ ଙ୍କ କୋର୍ଟ ରୁ ସିରସ୍ତଦାର ପଦରେ ତାରିଖ 30/09/1992ରେ ଅବସର ଗ୍ରହଣ କରିଥିଲେ l ତାଙ୍କର ଜନ୍ମ ତାରିଖ 26/07/1933 ରେ ମାନେଶ୍ଵର ବ୍ଲକ ଅନ୍ତର୍ଗତ ଛତାବର ଗ୍ରାମରେ ହୋଇଥିଲା l ଏହି ଅବସରରେ ଶ୍ରୀ ପାଣିଗ୍ରାହୀ ଙ୍କର ପତ୍ନୀ ସ୍ନେହଲତା ପାଣିଗ୍ରାହୀ, ପୁତ୍ର ସମ୍ବଲପୁରର ଜଣାଶୁଣା ଓକିଲ ଶ୍ରୀ ଲକ୍ଷ୍ମଣ ପାଣିଗ୍ରାହୀ, ଶ୍ରୀ ସୂର୍ଯ୍ୟ ପାଣିଗ୍ରାହୀଙ୍କ, ବୋହୁ ତିନୁଜା ପାଣିଗ୍ରାହୀ ଓ ଡାକ୍ତର ମମତାମୟୀ ପୁରୋହିତ ପ୍ରମୁଖ ଉପସ୍ଥିତ ଥିଲେ l

ଏହି ପରିପେକ୍ଷି ରେ ଶ୍ରୀ ପାଣିଗ୍ରାହୀ କହିଥିଲେ ଯେ ଅବସର ଜୀବନରେ ଆଧ୍ୟାତ୍ମିକ ଜୀବନ ସହ ସତମାର୍ଗରେ ସମୟ ଅତିବାହିତ କରିବା ଉଚିତ l ଯଦ୍ୱାରା ଜୀବନ ସୁଖ ଓ ଶାନ୍ତି ରେ ଅତିବାହିତ ହୋଇପାରିବ l