17-Sep-2026

(ରଂଜିତ ମହାନ୍ତି )
ବରୀ ବ୍ଳକ ଅନ୍ତର୍ଗତ ଭଅଁରା ପଞ୍ଚାୟତର ଭଅଁରା ଗ୍ରାମର ମା ଥାନପତି ଠାକୁରାଣୀଙ୍କ ମନ୍ଦିର ପ୍ରାଙ୍ଗଣ ରେ ଦୀର୍ଘ ୩୫ ବର୍ଷରୁ ଉର୍ଦ୍ଧ ହେବ ଗଣେଶ ପୂଜା ପାଳିତ ହୋଇଆସୁଅଛି l କିଛି ଦିନ ପୂର୍ବେ ଯେତେବେଳେ ଗ୍ରାମର ଯୁବକ ମାନେ ପୂଜା ଆରମ୍ଭ କରିଥିଲେ ସେତେବେଳେ   ଗାଁ ରୁ ଶାଢ଼ୀ ନେଇ ସାଜସଜ୍ଜା ସହିତ ବହୁତ କମ୍ ପଇସା ରେ ବେଶ ଧୁମ୍ ଧାମ୍ ରେପୂଜା ଆରମ୍ଭ କରିଥିଲେ l ସେତେବେଳେ ଠାକୁରଙ୍କ ନିକଟରେ ରୀତିନୀତି ଅନୁଯାୟୀ ପୂଜା ସହିତ ହୋମ ଅନୁଷ୍ଠିତ ହୋଇ ବିଶେଷ ଚୁଡ଼ା ଘଷା ଭୋଗ ଲାଗି ହେଉଥିଲା l ସେବଠାରୁ ମା ଥାନପତିଙ୍କ ମନ୍ଦିର ପ୍ରାଙ୍ଗଣରେ ଗଣେଶ ପୂଜା ଯଥାବିଧି ପୂଜାର୍ଚ୍ଚନା ହୋଇଆସୁଛି l ଚଳିତ ବର୍ଷ ଗ୍ରାମର କୁନି କୁନି ଛାତ୍ର ଛାତ୍ରୀ ମାନଙ୍କ ସହ ମିଶି ଯୁବକ ମାନେ ଆକର୍ଷଣୀୟ ତୋରଣ ସହ ରଙ୍ଗ ବେରଙ୍ଗର ଆଲୋକମାଳାରେ ଝଲସୁଛି ଗାଁ ଦାଣ୍ଡ ଓ ଆଡମ୍ବର ସହ  ପୂଜା ପାଇଥିଲେ ପ୍ରଭୁ ବିଘ୍ନ ବିନାଶକ ଗଜାନନ। ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ସହ ସମୁହ ପ୍ରସାଦସେବନ କରାଯାଇଥିଲା ।