05-Apr-2021

ଅଭିନୟ ଓ ଗୀତ ପାଇଁ କୌଣସି ବିଧିବଦ୍ଧ ତାଲିମ ନେଇନଥିଲେ ବି କଳା କ୍ଷେତ୍ରରେ ନିଜର ବିଚକ୍ଷଣ ପ୍ରତିଭା ପ୍ରଦର୍ଶନ କରିଛନ୍ତି ।   ଗୋଟିଏ ପଟେ ଘରର ଜାବତୀୟ ଜଂଜାଳ, ଅନ୍ୟପଟେ ଅଭିନୟ ଓ ସଙ୍ଗୀତ ସାଧନା, ଏହି ଦୁଇଟି ଗୁରୁ ଦାୟିତ୍ୱକୁ ବେଶ ବ୍ୟବସ୍ଥିତ ଢ଼ଙ୍ଗରେ ତୁଲାଇ ପାରିଥିବା ଜଣେ ଏପରି ମହିଳା ହେଉଛନ୍ତି ଅନୀତା ଦାସ ତ୍ରିପାଠୀ ।  ସ୍ୱାମୀ ଇଂ. ଉମେଶ ଚନ୍ଦ୍ର ତ୍ରିପାଠୀ ପେଶାରେ ଜଣେ ସିଭିଲ ଇଂଜିନିୟର ହୋଇଥିଲେ ମଧ୍ୟ ଅନୀତାଙ୍କୁ କଳା

କ୍ଷେତ୍ରରେ ନିଜର ପ୍ରତିଭା ଦେଖାଇବା ପାଇଁ ସବୁବେଳେ ପ୍ରୋତ୍ସାହିତ କରିଛନ୍ତି । ଗୀତ ଲେଖିବା, ଗୀତ ଗାଇବା, ଅଭିନୟ କରିବା ତଥା ଗୀତ କମ୍‌ପୋଜ୍ କରିବା, ଏହି ଚାରୋଟି କ୍ଷେତ୍ରରେ ବେଶ୍ ମାହିର ଅନୀତା । ବରଗଡ଼ ଜିଲ୍ଲା କାଦୋବାହାଲ ଗାଁ ର ଏକ ସମ୍ଭ୍ରାନ୍ତ ଜମିଦାର ପରିବାରର ଅଳିଅଳ ଝିଅ ଅନୀତାଙ୍କ କଳା ପ୍ରତି ଝୁଙ୍କ ତୃତୀୟ ଶ୍ରେଣୀରେ ପଢ଼ୁଥିବା ସମୟରୁ ହିଁ ଆରମ୍ଭ ହୋଇଥିଲେ । ଝିଅର ଆଗ୍ରହକୁ ଦେଖି ଅନୀତାଙ୍କ ବାପା ନୀଳାଞ୍ଚଳ ଦାସ ଓ ମାତା ମୋହିନୀ ଦେବୀ ତାଙ୍କୁ ଏହି କ୍ଷେତ୍ରରେ ଯିବା ପାଇଁ ଉତ୍ସାହିତ କରିଥିଲେ । ଅନୀତାଙ୍କ ବାପା ଜଣେ ହାରମୋନିୟମ ବାଦକ ଓ ମାଁ ଙ୍କ କଳା ପ୍ରତି ଗଭୀର ଅନୁରକ୍ତି ରହିଥିଲା । ତେବେ ଛୋଟଦିନରୁ ବାପାମାଁଙ୍କ ପ୍ରଭାବ ଅନୀତାଙ୍କ ଉପରେ ପଡଥିଲା ।  ଆଜି ପର୍ଯ୍ୟନ୍ତ ଅନେକ ସର୍ଟ ଫିଲ୍ମରେ ଅଭିନୟ ସହ ଗୀତ ଗାଇ ସମସ୍ତଙ୍କ ପ୍ରଶଂସାଭାଜନ ହୋଇପାରିଛନ୍ତି ଅନୀତା । ବଲାଙ୍ଗୀରର ଚଟ୍‌ନୀ ଓ ଆଧୁନିକ ସେଡ୍ ସଙ୍ଗ ପ୍ରିୟା ବୋଲି ମନେ ଓ ଝରା ଫୁଲ ଗୀତ ଅନୀତlଙ୍କ ହିଟ ଗୀତ ମଧ୍ୟରେ ଅନ୍ୟତମ । ସମ୍ବଲପୁରୀ ସର୍ଟ ଫିଲ୍ମ ‘ବଙ୍କୁ’ରେ ମଧ୍ୟ ମୁଖ୍ୟ ଭୂମିକାରେ ଅଭିନୟ କରି ଅନୀତା ନିଜର ଅଭିନୟ ଜାଦୁଗରୀ ଦେଖାଇଛନ୍ତି । ସର୍ଟ ଫିଲ୍ମ ଭାବର ତିହାର୍ ନୂଆଁଖାଇ ଏବଂ ଓଁ ଶାନ୍ତିରେ ତାଙ୍କ ଅଭିନୟକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି । ବଡ କଥା ହେଲା ଆଉ ଏକ ନିର୍ମାଣଧୀନ ୟୁଟୁବ୍ ଭର୍ସନ ସର୍ଟ ଫିଲ୍ମରେ ଅନୀତା ଜଣେ ବିଧାୟିକା ଭାବରେ ଲିଡ୍ ରୋଲ୍‌ରେ ଆସିବା ସହ ଏହି ସର୍ଟ ଫିଲ୍ମର ପ୍ରଯୋଜକ ମଧ୍ୟ ଅଛନ୍ତି ।   ଏହି ଦୁଇଟି ଗୀତ ୟୁଟୁବ୍‌ରେ ବେଶ ଭାଇରାଲ୍ ହୋଇଛି । କେବଳ ଆଧୁନିକ ଗୀତ ନୁହେଁ ଭଜନ, ଜଣାନ ଗାଇବାରେ ମଧ୍ୟ ବେଶ ନିପୁଣା ଅନୀତା । ଶାନ୍ତିଲତା ବାରିକ ଗାଇଥିବା ଭଜନକୁ ଅନିତା ନିଜର ସ୍ୱର  ଓ ଭାବ ଦେଇ ଅତି ଚମତ୍କାର ଭାବରେ ଗାଇ ଦର୍ଶକଙ୍କ ମନ ମୋହି ପାରିଛନ୍ତି । ଉଭୟ ଓଡ଼ିଆ,କୋସଲୀ ଓ ହିନ୍ଦୀ ଭାଷାରେ ଭାଷାରେ ଗୀତ ଗାଇପାରୁଥିବା ଅନୀତାଙ୍କ ଅଭିନୀତ ଭଜନ ତରଙ୍ଗ ଚେନାଲରେ ପ୍ରସାରିତ ହେଉଛି । 
 ଗୀତ ଓ ଅଭିନୟ ପ୍ରତି ତ ଅନୀତା ଙ୍କ ଅହେତୁକ ଦୁର୍ବଳତା ରହିଛି । ତା ବାହାରେ ବଲାଙ୍ଗୀରସ୍ଥିତ ନିଜ ସରକାରୀ ବାସ ଭବନରେ ଅନୀତା ନିଜ ଉଦ୍ୟମରେ ଏକ ମନୋରମ ବଗିଚା ସୃଷ୍ଟି କରିଛନ୍ତି । ଗଛଲତା ପ୍ରତି ଯତ୍ନ ନେବା ଅନୀତାଙ୍କ ଆଉ ଏକ ସୌକ୍ ଅଟେ । କଳା କ୍ଷେତ୍ରରେ ଏତେ ସକ୍ରିୟ ରହି ମଧ୍ୟ ପରିବାରକୁ ସେ କେବେ ଅବହେଳା କରି ନାହାନ୍ତି । ନିଜର ସ୍ୱପ୍ନ ଥିଲା ପୁଅକୁ ଇଂଜିନିୟର କରାଇବା । ସେ ସ୍ୱପ୍ନ ଆଜି ପୂରଣ ହୋଇଛି । ପୁଅ ବର୍ତ୍ତମାନ ବୁର୍ଲା ଇଂଜିନିୟରଂ 

କଲେଜର ନିଜର ଅଧ୍ୟୟନ ଜାରି ରଖିଛି ବୋଲିି କହିଚ୍ଛନ୍ତି ଅନୀତା । ତେବେ ନିଜକୁ ଘରର ଚାରିକୋଣ ମଧ୍ୟରେ ସୀମତି ନରଖି ଅନୀତା ନିଜର ଅଭିନୟ ଯାତ୍ରା ସଫଳତାର ସହ ଜାରି ରଖିଛନ୍ତି, ଯାହା ଅନ୍ୟ ମହିଳା ମାନଙ୍କ ପାଇଁ ପ୍ରେରଣାର ଉତ୍ସ ହୋଇ ରହିବ । କଳାର ଏକାଧିକ ବିଭାଗରେ ନିଜର ପ୍ରତିଭାର ମହକ ବିିଛୁରିତ କରିଚାଲିଥିବା ଅନୀତା ଅଭିନୟ ଯାତ୍ରା ସରସ ଓ ସୁଗମ ହେଉ, ପ୍ରେରଣା ତରଫରୁ ଏତିକି କାମନା ।