13-Feb-2021

ରାଜକନିକା,(ପ୍ରେରଣା ଖବର) :ଦିଦି ହେଲେ ମାତାଲ । କେନ୍ଦ୍ରାପଡା ଜିଲ୍ଲା ରାଜକନିକା ଅଞ୍ଚଳର ମାନ ସମ୍ମାନ ମର୍ଯ୍ୟାଦାକୁ କ୍ଷୂର୍ଣ୍ଣ କରିଛନ୍ତି ଜଣେ ମହିଳା। ମଦ ପିଇ ମାତାଲ ହୋଇ ରାସ୍ତାରେ କରିଛନ୍ତି ଉତ୍ପାତ । ଏହାପରେ ବେହୋସ ହୋଇ ମେଡିକାଲ୍‌ରେ ଭର୍ତ୍ତି ହୋଇଛନ୍ତି । ଏଭଳି ଲଜ୍ୟାକର ଘଟଣା ରାଜକନିକା ସହରରେ ଚର୍ଚ୍ଚାର ବିଷୟ ପାଲଟିଛି । ଆଉ ମାତାଲ ମହିଳା ହେଲେ ଜଣେ ଅଙ୍ଗନବାଡ଼ି ଦିଦି ।

ସୂଚନା ଅନୁସାରେ, ରାଜକନିକା ଅଞ୍ଚଳର ଜଣେ ଅଙ୍ଗନବାଡ଼ି ଦିଦି ମଦ୍ୟପାନ କରି ମାତାଲ ଅବସ୍ଥାରେ ରାସ୍ତାରେ ଉତ୍ପାତ କରିଛନ୍ତି। ଅଙ୍ଗନବାଡ଼ି କେନ୍ଦ୍ରରେ କୋମଳମତି ଶିଶୁଙ୍କୁ ବୌଦ୍ଧିକ ସ୍ତରର ପ୍ରାଥମିକ ଶୈକ୍ଷିକ ବିକାଶକୁ ସ୍ପର୍ଶ ଦେବା ଭଳି ଗୁରୁତ୍ବପୂର୍ଣ୍ଣ କାର୍ଯ୍ୟରେ ନିୟୋଜିତ ଥାଇ ମାତାଲ ହେବା କଥା ଚର୍ଚ୍ଚାର ବିଷୟ ପାଲଟିଛି। ଦିଦିଙ୍କ ଏଭଳି କାର୍ଯ୍ୟକୁ ସମନ୍ୱିତ ଶିଶୁ ବିକାଶ ବିଭାଗ ଗୁରୁତ୍ୱ ନ ଦେଇ ଅତ୍ୟନ୍ତ ହାଲୁକା ଭାବରେ ନେଉଥିବା ଅନୁଧ୍ୟାନରୁ ଜଣାପଡିଛି ।

ତେବେ ଏହି ଘଟଣାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଏ ସମ୍ପର୍କରେ ରାଜକନିକା ସିଡିପିଓଙ୍କୁ ପଚାରିବାରୁ ସେ କିଛି ଜାଣି ନଥିବା କହିଥିଲେ ।