21-Sep-2025

କାଲିମେଳା(ସନ୍ତୋଷ କୁମାର ପଣ୍ଡା): ବୁଧବାର ଦିନ ଠାରୁ ମା ବାଙ୍କେଶ୍ଵରୀ ଟ୍ରାଭେଲସ ନାମକ ଦୁଇଟି ଘରୋଇ ବସ ସେବା ଆରମ୍ଭ ହେବାକୁ ଯାଉଛି । ଏହି ବସଟି ଭଦ୍ରାଚଳମରୁ ମାଲକାନଗିରି ଦେଇ  ବିଶାଖାପାଟଣା ଗଡିବ lଏଥିରେ ଯାତ୍ରୀଙ୍କ ପାଇଁ ଅତ୍ୟାଧୁନିକ ସୁବିଧା ଯେପରି ସିଟ୍ ଏବଂ ସ୍ଲିପର ରହିଥିବା ବେଳେ ଏସି, ମୋବାଇଲ ଚାର୍ଜର ,ୱ।ଇଫାଇ ଆଦିର ସୁବିଧା ରହିଛି । ଭଦ୍ରାଚଳମରୁ ଅପରାହ୍ନ ସାଢେ ୪ଟାରେ ବାହାରି କାଲିମେଳାରେ ସାଢେ ୮ଟା ଏବଂ ମାଲକାନଗିରିରେ ସାଢେ ୯ଟାରେ  ପହଞ୍ଚିବା ପରେ ବିଶାଖାପାଟଣାରେ ତା ଆରଦିନ ଭୋର ସାଢେ ୪ଟାରେ ପହଞ୍ଚିବ । ସେହିପରି  ବିଶାଖାପାଟଣାରୁ ସଂଧ୍ୟା ସାଢେ ୯ଟାରେ ବାହାରି ମାଲକାନଗିରିରେ ତା ଆରଦିନ ସକାଳ ୬ଟା ଏବଂ କାଲିମେଳାରେ ସକାଳ ୭ଟାରେ ପହଞ୍ଚିବା ପରେ ଭଦ୍ରାଚଳମ କୁ ସକାଳ ସାଢ଼େ ୧୦ଟା ବେଳେ ପହଞ୍ଚି ବ ବୋଲି ଜଣାପଡ଼ିଛି । ବସ୍ ମାଲିକ ମାଲକାନଗିରି ଜିଲ୍ଲାର ମୋଟୁ ଗ୍ରାମର ହୋଇଥିବା ବେଳେ ।ପୂର୍ବରୁ ଏହି ମାଲିକଙ୍କ ମା ବାଙ୍କେଶ୍ଵରୀ ଟ୍ରାଭେଲସ ନାମରେ ଅନେକ ଘରୋଇ ବସ ରହିଥିବା ବେଳେ  ଦିର୍ଘ ଦିନରୁ ଯାତ୍ରୀଙ୍କ ସେବାରେ ସେ ନିଜକୁ ନିୟୋଜିତ କରିଛନ୍ତି । ତେବେ ମେଡିକାଲ, ବ୍ୟବସାୟ, ପ୍ରସିଦ୍ଧ ରାମ ମନ୍ଦିର ଦର୍ଶନ ତଥା ଅନ୍ୟାନ୍ୟ କାମରେ ଏହି ବସ୍ ସେବା ସ୍ଥାନୀୟ ଲୋକଙ୍କ ପାଇଁ ବେଶ୍ ସୁବିଧା ହେବ ବୋଲି ଜଣାପଡ଼ିଛି ।