21-Aug-2025

ନୂଆଦିଲ୍ଲୀ- ୨୦-୦୮-୨୦୨୫/ ରାଜ୍ୟସଭାର ଚଳିତ ଅଧିବେଶନରେ, ସାଂସଦ ଶ୍ରୀ ନିରଞ୍ଜନ ବିଶି ଭାରତୀୟ ପରିଚାଳନା ସଂସ୍ଥାନ (ସଂଶୋଧନ) ବିଲ୍, ୨୦୨୫ ଉପରେ ଆଲୋଚନାରେ ଅଂଶଗ୍ରହଣ କରିଥିଲେ।
ପ୍ରାରମ୍ଭରେ, ଶ୍ରୀ ବିଶି ରାଜ୍ୟସଭାର ଉପାଧ୍ୟକ୍ଷଙ୍କୁ ଏହି ବିଲ୍ ଉପରେ କହିବାର ସୁଯୋଗ ଦେବା ପାଇଁ କୃତଜ୍ଞତା ଜଣାଇଥିଲେ, ଯାହା ଇଣ୍ଡିଆନ ଇନ୍ଷ୍ଟି ଚ୍ୟୁଟ ଅଫ ମେନେଜମେଣ୍ଟ ଆଇନ, ୨୦୧୭ ଅଧୀନରେ ଭାରତୀୟ ପରିଚାଳନା ସଂସ୍ଥାନ (ଆଇ ଆଇ ଏମ), ଗୌହାଟିକୁ ଅନ୍ତର୍ଭୁକ୍ତ କରିବା ପାଇଁ ଉଦ୍ଧିଷ୍ଟ।
ବିଲ୍‌କୁ ସ୍ୱାଗତ କରି ଶ୍ରୀ ବିଶି କେନ୍ଦ୍ର ଶିକ୍ଷା ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଅଭିନନ୍ଦନ ଏବଂ ଧନ୍ୟବାଦ ଜଣାଇଥିଲେ। ଶ୍ରୀ ବିଶି ରାଜ୍ୟର ଶିକ୍ଷା ବିକାଶକୁ ପ୍ରୋତ୍ସାହିତ କରିବା ପାଇଁ ଓଡ଼ିଶାର 30ଟି ଜିଲ୍ଲାରେ ଅଧିକ ଭାରତୀୟ ପରିଚାଳନା ପ୍ରତିଷ୍ଠାନ ଆଇ.ଆଇ.ଏମ ପ୍ରତିଷ୍ଠା କରିବା ପାଇଁ ଦାବୀ କରିଥିଲେ l 
ଏହା ବ୍ୟତୀତ, ଆଇ.ଆଇ.ଏମ ରେ  ପ୍ରାୟ ୫00 ପଦବୀ ଖାଲି ପଡ଼ିଥିବା ରୁ ଉଦବେଗ ପ୍ରକାଶ କରି ତୁରନ୍ତ ଖାଲିପଡ଼ିଥିବା ପଦବୀ ପୂରଣ ପାଇଁ ସରକାର ଙ୍କ ଦୃଷ୍ଟି ଆକର୍ଷଣ କରିଥିଲେ ।  ଶ୍ରୀ ବିଶି ଆଇ.ଆଇ.ଏମ, ଆଇ. ଆଇ.ଟି ଏବଂ ଅନ୍ୟାନ୍ୟ ବିଶ୍ୱବିଦ୍ୟାଳୟ ଗୁଡ଼ିକରେ ରାଗିଂ ଦୂର କରିବାର ଆବଶ୍ୟକତା ଉପରେ ମଧ୍ୟ ଗୁରୁତ୍ୱାରୋପ କରିଥିଲେ ଏବଂ ଏହି ପ୍ରସଙ୍ଗରେ କେନ୍ଦ୍ର ଶିକ୍ଷା ମନ୍ତ୍ରୀଙ୍କ ହସ୍ତକ୍ଷେପ ପାଇଁ ଅନୁରୋଧ କରିଥିଲେ।
ପଶ୍ଚିମ ଓଡ଼ିଶାର ଶିକ୍ଷାଗତ ଆବଶ୍ୟକତା ଉପରେ ଆଲୋକପାତ କରି ଶ୍ରୀ ବିଶି ଦର୍ଶାଇଥିଲେ ଯେ ନିକଟସ୍ଥ ସମ୍ବଲପୁର ଜିଲ୍ଲାରେ ଏକ ଆଇ.ଆଇ.ଏମ ଥିବା ବେଳେ, ବଲାଙ୍ଗିର  ଜିଲ୍ଲାରେ ଏପରି ଆଉ ଏକ ପ୍ରତିଷ୍ଠାନ ସ୍ଥାପନ ପାଇଁ ଦାବି  କରିଥିଲେ।