21-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ବ୍ଲକଛକ ଦୁର୍ଗାପୂଜା କମିଟି ର ପ୍ରଥମ ପ୍ରସ୍ତୁତି ବୈଠକ ସ୍ଥାନୀୟ ଦୁର୍ଗାପୂଜା ମଣ୍ଡପ ରେ ସଭାପତି ଅରବିନ୍ଦ ବାରିକ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ସଂପାଦକ ନିଶାନ୍ତ କୁମାର ମହାନ୍ତି ପ୍ରଥମେ ବିଗତ ବର୍ଷର ଆୟବ୍ୟୟ ବିବରଣୀ ପାଠ କରିଥିଲେ ଯାହାକି ସର୍ବ ସମ୍ମତି କ୍ରମେ ଅନୁମୋଦନ ଲାଭ କରିଥିଲା। ଚଳିତ ବର୍ଷ ପୂଜାକୁ ଆକର୍ଷଣୀୟ ରୂପରେ ଗଢିତୋଳିବା ପାଇଁ ବିଭିନ୍ନ ସଦସ୍ୟ ମାନେ ବିଭିନ୍ନ ମତ ରଖିଥିଲେ।  ଚଳିତ ବର୍ଷ ପରିଚାଳନା କମିଟିରେ ପୁଣିଥରେ ଅରବିନ୍ଦ ବାରିକ,ଉପ ସଭାପତି ଶରତ ମହାପାତ୍ର, ସଂପାଦକ ନିଶାନ୍ତ କୁମାର ମହାନ୍ତି,ସହ ସଂପାଦକ ସ୍ଵରୁପ ପାତ୍ର, କୋଷାଧ୍ୟକ୍ଷ  ଦିଲ୍ଲୀପ ପାତ୍ର ଓ ପରାମର୍ଶଦାତା କମିଟି ରେ  ଗଦାଧର ବାରିକ,  ଆଦିକନ୍ଦ ପାଣିଗ୍ରାହୀ, ଶୈଳେନ୍ଦ୍ର ସାହୁ, ଡ.ଜ୍ୟୋତିରଞ୍ଜନ ବହିଦାର, ଅବସରପ୍ରାପ୍ତ ଡିଏ ଓଶୁସିଲ ତ୍ରିପାଠୀ ଶ୍ରୀବତ୍ସ  ମଲ୍ଲିକ, ପ୍ରିୟବ୍ରତ ସାହୁ,ଡ. ପରମାନନ୍ଦ ମିଶ୍ର, ସତ୍ୟନାରାୟଣ ତ୍ରିପାଠୀ ,ଆଇନ ପରାମର୍ଶ  ଦାତା ଭାବରେ ବଳଦେବ ପ୍ରସାଦ ବେଦବାକ ସେହିପରି ଅନ୍ୟାନ୍ୟ କମିଟି ମଧ୍ୟରେ  ପୂଜା କମିଟି, ରାବଣପୋଡ଼ି କମିଟି,, ଚାନ୍ଦି ମେଢ଼ କମିଟି,ଅର୍ଥ କମିଟି ,ସ୍ମରଣୀକା କମିଟି, ପ୍ରଚାର ପ୍ରସାର କମିଟି ଗଠନ କରାଯାଇଛି। ଏହି ଅବସରରେ ଚଳିତ ବର୍ଷ କମିଟି ର ଦିବଂଗତ ସଦସ୍ୟ ଙ୍କ ଆତ୍ମାର ସଦଗତି ପାଇଁ  ୨ମିନିଟ ନୀରବ ପ୍ରାର୍ଥନା କରାଯାଇଥିଲା। ଚଳିତ ବର୍ଷ ଜିଲ୍ଲା ର ସଂସ୍କୃତି ପରମ୍ପରାକୁ ବଜାୟରଖି ଲୋକ ନାଚଗୀତ କୁ ଅଗ୍ରାଧିକାର ଦେବାସହ ସାଂସ୍କୃତିକ କାର୍ଯ୍ୟକ୍ରମ ରେ ବଲିଉଡ କଳାକାର ଙ୍କୁ ନେଇ ରଙ୍ଗାରଙ୍ଗ ମେଲୋଡି ଆୟୋଜନ କରାଯିବାପାଇଁ  ନିଷ୍ପତ୍ତି ନିଆଯାଇଥିଲା।