26-Dec-2024

ଅତାବିରା (ଆକାଶ ମିଶ୍ର): ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଂଘ ପକ୍ଷରୁ  ୧୯୭୯ ମସିହାରୁ  ଆରମ୍ଭ ହୋଇଥିବା ଶିଶୁ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ "ଶିଶୁ ଉତ୍ସବ " ର ରାଜ୍ୟ  ସ୍ତରୀୟ ଶିଶୁ ଉତ୍ସବ ୨୦୨୪ ଓଷ୍ଟା  ର ମୁଖ୍ୟ କାର୍ଯ୍ୟାଳୟ  କଟକ ରେ ଆୟୋଜିତ ହେବାକୁ ଯାଉଛି  ।  । ଆସନ୍ତା ୨୭ ତାରିଖରୁ   ୩୦ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି  ରାଜ୍ୟସ୍ତରୀୟ ଶିଶୁ ଉତ୍ସବ ରେ  ଯୋଗ ଦେବା ପାଇଁ ଓଷ୍ଟା ଜିଲ୍ଲା   ସଭାପତି ନନ୍ଦଲାଲ ନାୟକ ଙ୍କ ତତ୍ତ୍ଵାବଧାନରେ ବରଗଡ଼ ଜିଲ୍ଲା ର ବିଭିନ୍ନ

ବିଦ୍ୟାଳୟ ରୁ  ୧୦ ଜଣ ଛାତ୍ର ଛାତ୍ରୀ ଆଜି ବାହାରିଛନ୍ତି କଟକ  ଗସ୍ତରେ ।  ଏମାନଙ୍କ ସହ ଗାଇଡ  ଶିକ୍ଷକ ଭାବରେ ରହିଛନ୍ତି ଜିଲ୍ଲା ଉପ ସଭାପତି ଅନୁସୂୟା ଦେବତା ଓ  ଚୂଳ ସୁନ୍ଦର୍ ମେହେର,  ସହ ସମ୍ପାଦକ ସଚ୍ଚିଦାନନ୍ଦ ପ୍ରଧାନ, ଜିଲ୍ଲା ଉପଦେଷ୍ଟା   ପ୍ରିତିରଞ୍ଜନ ପ୍ରଧାନ ଓ ଗୋକୁଳାନନ୍ଦ ଡନସନା, କାର୍ଯ୍ୟକାରୀ ସଭ୍ୟ  ଭାଗିରଥି ପ୍ରଧାନ ପ୍ରମୁଖ ରହିଛନ୍ତି । ଜିଲ୍ଲା ସ୍ତରରେ ହୋଇଥିବା ଶିଶୁ ମେଳା ରେ ତର୍କ, କଣ୍ଠ ସଙ୍ଗୀତ, ଆବୃତ୍ତି, ଚିତ୍ରାଙ୍କନ, ଗଳ୍ପ ଲିଖନ, କବିତା ଲିଖନ, ଏକକ ଅଭିନୟ, ଏକକ ନୃତ୍ୟ  ସାଧାରଣ ଜ୍ଞାନ ଓ ବୁଦ୍ଧି ପରୀକ୍ଷା ଆଦି ଦଶ ଟି ବିଷୟରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ର ଛାତ୍ରୀ ମାନେ ରାଜ୍ୟସ୍ତର ରେ ପ୍ରତିଯୋଗୀତା କରିବା ପାଇଁ ଆଜି  ଯାଉଛନ୍ତି । ରାଜ୍ୟ କାର୍ଯ୍ୟକାରୀ ସଭାପତି ନୀଳମଣି ପୁରୋହିତ,  ସହ ସଂପାଦକ ଆଶୁତୋଷ ପ୍ରସାଦ ରଥ ଜିଲ୍ଲା  ସମ୍ପାଦକ ସଞ୍ଜୟ ସିଂ , ଛାତ୍ରଛାତ୍ରୀ ମାନଙ୍କ ସଫଳତା କାମନା କରିଛନ୍ତି ।