26-Dec-2024

ତରଭା(କପିଳାସ ସେଠ୍)କେନ୍ଦ୍ରଗୃହ ମନ୍ତ୍ରୀ ଅମିତ ଶାହ  ସାଂସଦ ଭବନ ରେ ସମ୍ମିଧାନ ପ୍ରଣେତା ବାବାସାହେବ ଡ଼ଃ ଆମ୍ବେଦକରଙ୍କ ପ୍ରତି ଅପମାନ ଜନକ ମନ୍ତବ୍ୟ ବିରୋଧ ରେ  ଅନୁସୂଚିତ ଜାତି, ଜନଜାତି, ପଛୁଆ ବର୍ଗ ଓ ସଂଖ୍ୟା ଲଘୁ ସମୁନ୍ନୟ ସମିତି ଓଡିଶା ତରଭା ଶାଖା ପକ୍ଷରୁ ଆଜି ତରଭା ବ୍ଲକ ସମ୍ମୁଖରେ ଅମିତ ଶାହ ଙ୍କ କୁଶ ପୁତ୍ତଳିକା ଦାହ କରାଯିବା ସହ ଦେଶର ଉପରାଷ୍ଟ୍ରପତି ଙ୍କଉଦେଶ୍ୟରେ ତରଭାବିଡ଼ିଓ ଗଙ୍ଗାରାମ ବୁଡ଼େକ ଙ୍କୁ ୨ ଦଫା ଦାବୀପତ୍ର ପ୍ରଦାନ କରାଯାଇଥିଲା I ତରଭା ବ୍ଲକ ର ବିଭିନ୍ନ ଅଂଚଳ ରୁ ଆସିଥିବା ଏହି ସମ୍ପ୍ରଦାୟ ବ୍ୟକ୍ତି, ନେତା ସଂଗଠକ ଏକତ୍ରିତ ହୋଇ ବାବା ସାହେବ ଆମ୍ବେଦକରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟା ଅର୍ପଣ କରାଯାଇ ବିଭିନ୍ନ ଅମିତ ଶାହ ବିରୋଧ ସ୍ଲୋଗାନ ଦେବା ସହ ମତ ରଖିଥିଲେ ଓ କୁଶ ପୁତ୍ତଲିକା ଦାହ କରିଥିଲେ Iଦାବୀ ପତ୍ର ପ୍ରଦାନ ଓ କୁଶ ପୁତ୍ତଳିକା ଦାହ ସମୟରେ ତରଭା ବ୍ଲକ ଆମ୍ବେଦକର ସାମାଜିକ ସେବା ସଂଘ ର ସଭାପତି ବୈକୁଣ୍ଠଶ୍ୱର ବାରିକଙ୍କ ନେତୃତ୍ୱ ନେଇ ଥିଲେ I  ଜିଲ୍ଲା ଏସ ସି ଏସଟି ମିଳିତ ସଂଘ ସଭାପତି ଅଚୁତ ଛତର, ବିନିକା ବ୍ଲକ ଏସ ସି ଏସଟି ସଂଘ ସଭାପତି ମହେନ୍ଦ୍ର ସୁନା ବିଏମପୁର ଭୀମ ଆର୍ମି ସଭାପତି ପ୍ରଦୀପ ଜାଲ, ପଶ୍ଚିମ ଓଡିଶା ନାରୀ ସଂଗଠନ ଏସ ସି ଏସ ଟି ସଭାପତି ମନୀଷା ଦୀପ, ଓ ବାସନ୍ତୀ ମହାନନ୍ଦଙ୍କ ସହ ପ୍ରକାଶ ହରିପାଳ, କୁଶଳେଶ୍ୱର ସୁନା, ନକୁଳ ନନ୍ଦ,ରତ୍ନା ତାଣ୍ଡି, ସୁଶୀଳ ମଲ୍ଲିକ ପ୍ରମୁଖ ଶତାଧିକ ସଭ୍ୟ ଉପସ୍ଥିତ ଥିଲେ  I 
ତରଭା