22-Sep-2024

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଡ଼ିଗ୍ରୀ କଲେଜରେ ରବିବାର ସ୍ଵଭାବ କବି ଗଙ୍ଗାଧର ମେହେରଙ୍କ ସ୍ମୃତି ସଭା ଅନୁଷ୍ଟିତ ହୋଇଯାଇଛି।ଏହି ପରିପ୍ରେକ୍ଷୀରେ ଗଙ୍ଗାଧର ସାହିତ୍ୟର ଦୀପ୍ତି ଓ ବ୍ୟାପ୍ତି ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ।ଡ଼ିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ଏଥିରେ ସଭାପତିତ୍ବ କରି ତାଙ୍କ ଅଭିଭାଷଣରେ ଗଙ୍ଗାଧରଙ୍କ ବିଶ୍ଵ ମଧୁମେୟ ଉପରେ ବର୍ଣ୍ଣନା କରିଥିଲେ ।ମୁଖ୍ୟ ଅତିଥି ଭାବେ ଯୋଗଦେଇ ଡାକ୍ତର କୃଷ୍ଣ

ସେବକ ଷଡ଼ଙ୍ଗୀ ଗଙ୍ଗାଧରଙ୍କ ସାହିତ୍ୟ ପ୍ରତି ଉଲ୍ଲେଖନୀୟ ଅବଦାନ ଏବଂ ଅମୃତ ଚିନ୍ତନ ଉପରେ ସ୍ଵଭାବ କବି ଯେଉଁ ଚିନ୍ତାଧାରା କରିଛନ୍ତି ସେ ଉପରେ ଆଲୋକପାତ କରିବା ସହିତ ଭାଗବତର ବର୍ଣ୍ଣିତ ପୌରାଣିକ କଥାବସ୍ତୁ ଉପରେ ଆଧାରିତ ଭଗବାନ ରାମଚନ୍ଦ୍ର ଓ କୃଷ୍ଣ ଉପରେ ପ୍ରାଞ୍ଜଳ ଭାବେ ଅବଗତ କରିଥିଲେ।ସେ ତାଙ୍କ ଅଭିଭାଷଣରେ କହିଥିଲେ ଯେ ରାମଙ୍କ ପାଇଁ ସୀତାମୟ,ସୀତାଙ୍କ ପାଇଁ ରାମମୟ ଠିକ ସେହିପରି ରାଧାଙ୍କ ପାଇଁ କୃଷ୍ଣ ଜଗତମୟ,କୃଷ୍ଣଙ୍କ ପାଇଁ ରାଧା ଜଗତମୟ ବୋଲି ପ୍ରାଞ୍ଜଳ ଭାବେ ବୁଝାଇଥିଲେ।ଅନୁଷ୍ଟିତ ଏହି ସ୍ମୃତି ସଭା ପ୍ରାରମ୍ଭରେ ସଂସ୍କୃତ ଅଧ୍ୟାପକ ହରିଶ୍ଚନ୍ଦ୍ର ବେଦ ପଠନ ସହ ସଭାକୁ ସଂଯୋଜନା କରିଥିଲେ।ଏହି ଅବସରରେ ସିଦ୍ଧାର୍ଥ କଲେଜ ଅବସରପ୍ରାପ୍ତ କିରାଣୀ ମାନଗୋବିନ୍ଦ ମେହେରଙ୍କ ଦ୍ବାରା ଲିଖିତ ୧୮୫ପୃଷ୍ଟାର ଉତରାକାଣ୍ଡ ପୁସ୍ତକ କୁ ଅତିଥି ମାନେ ଉନ୍ମୋଚନ କରିଥିଲେ ।ସେହିପରି ସ୍ଵଭାବ କବିଙ୍କ ଅନୁପ୍ରାଣିତ ବିନିକା ଗୁଲାପଡ଼ା ଗ୍ରାମର କମ୍ପାଣ୍ଡର ପ୍ରଧାନ ଙ୍କୁ ମୁଖ୍ୟ ଅତିଥି ଶ୍ରୀ ଷଡ଼ଙ୍ଗୀ ଉପଡୈକନ ଦେଇ ସମ୍ବର୍ଦ୍ଧିତ କରିଥିଲେ।କାର୍ଯ୍ୟକ୍ରମରେ ଜିଲ୍ଲାର କୋଣ ଅନୁକୋଣରୁ ବହୁ ସାହିତ୍ୟ ପ୍ରତିଭା ଯୋଗଦେଇଥିଲେ ।